Wikipedia:Olayama

Halö templat zura si faudu ba Formulir wanura

Moguna inspirasi? So gangolifa zura sinangea mu'a'asogö ba da'a. Baero da'ö so göi ngawalö zura si lö tesöndra ba da'a.

Niha Keriso no töi nibe'e khö ndra solohi khö Keriso. Molo'ö zura Halöŵö Zinenge, te'oguna'ö wanötöi andre si föföna sibai ba mbanua Antiokhia (HalZin 11:26). Aefa we'amöi tou Geheha Ni'amoni'ö yaŵa ndra nifahaö Yesu (HalZin 2) muzawili Duria Somuso Dödö khö Yesu andrö ba gotalua niha si tenga niha Yahudi, i'otarai Yerusalema irugi Roma. Molo'ö tradisi ndra niha Keriso föna alio sibai monönö wa'ato niha Keriso andre, irege ba zi lö arara so tölu nahia si tobali hunö wa'anihakeriso ba ginötö da'ö, ya'ia ba Roma, ba Antiokhia ba ba Alexandria. Ba mbanua Antiokhia andre tebörögö tetötöi ndra samati khö Yesu andrö niha Keriso (Baso dohu-tohunia).

Bua zinanö sotöi magi (Latin, Garcinia mangostana; Inggris, mangosteen). Si to'ölö tumbu ia ba gölana tropis.

Hadia ö'ila

• wa ba ginötö wa'atohare ndra misionaris meföna, samatörö Iraono Huna no balugu sotöi Harimao faoma iraono khönia Fadoli ba Solagö?
• wa fondrege amu'i Harimao ba ira sanuwö khönia irege asese latunu mbanua ni'alanira, lara'u niha khönia ba lafamawa tobali sawuyu khö ndra niha Aceh?
• wa i'ali namania dania Fadoli ba labe'e töinia Batu Ganuwö ba itohugö wamawa sawuyu khö ndra niha Aceh?
• wa börö wamawa sawuyu andre tohare ndra niha Belanda me 1863 ba Lölöwa'u ba wanguhuku Batu Ganuwö ba latunu fefu nomo ba mbanua?
• wa furinia me 1900 i'andrö khö misionaris Krumm Batu Ganuwö ena'ö möi ia ifaigi ira ba Lölöwa'u? wa ya'ia, ösi nomonia ba ira Iraono Huna tobali Niha Keriso ba latema wanasa ni'amoni'ö (fombayagö idanö) moroi khö Krumm?

Da'a tou zalua ba mbaŵa si ŵalu:

• 01/08/1774: Isöndra oksigen Joseph Priestly, mamaduhu'ö zi no göi isöndra Carl Wilhelm Scheele fönania. Moguna sibai oksigen ba mboto niha. Andrö wamohanu-hanu niha ba wangowuloi oksigen.
• 02/08/1934: tobali Adolf Hitler samatörö negara Jerman nifotöi Führer.
• 02/08/1990: Isuwö Kuwait Saddam Hussein, tobali börö wasuwöta Teluk Persia.
• 03/08/2000: resmi tobali Soeharto, presiden Indonesia föna, nigohi huku börö wanayagö gefe yayasan sosial si no ifasindro.
• 04/08/1961: Tumbu Barack Obama, presiden Amerika Serikat föna.
• 06/08/1991: ibotokhi nifotöi World Wide Web ma www (eluahania, u'ö samasui ulidanö) ba niha sato Tim Berners-Lee, si tobali böröta internet (eluahania, u'ö samakhai) ni'oguna'öda ma'ökhö.
• 08/08/1967: Tefasindro ASEAN, angowuloa negara si so ba Asia Tenggara: Indonesia, Malaysia, Filipina, Singapura ba Thailand.
• 09/08/1945: Itorugö bom yaŵa Nagasaki, Jepang, Amerika Serikat.
• 09/08/1965: Merdeka Singapura moroi khö Malaysia.
• 15/08/1947: Merdeka India moroi khö Britania Raya.
• 16/08/1972: Tebörögö wangoguna'ö ejaan li Indonesia nifotöi EYD (Ejaan yang Disempurnakan).
• 17/08/1945: Lafa'olo ba zato zura Proklamasi Kemerdekaan Indonesia nibaso Soekarno ba Mohammad Hatta tobali ngaluo wamerdeka Indonesia.
• 18/08/1945: Tefa'olo duhe gamakhoita negara nifotöi Undang-Undang Dasar Republik Indonesia ba rafe PPKI (Panitia Persiapan Kemerdekaan Indonesia).
• 24/08/1962: Tebörögö TVRI
• 26/08/1883: Towura hili Krakatau same'e mate töra 36.000 ngahönö niha