MESSENGER
![](http://178.128.105.246/content-http-upload.wikimedia.org/wikipedia/commons/thumb/3/3c/Messenger.jpg/220px-Messenger.jpg)
![](http://178.128.105.246/content-http-upload.wikimedia.org/wikipedia/commons/thumb/d/dd/MESSENGER_launch_on_Delta_7925_rocket.jpg/220px-MESSENGER_launch_on_Delta_7925_rocket.jpg)
![](http://178.128.105.246/content-http-upload.wikimedia.org/wikipedia/commons/thumb/9/93/MESSENGER_first_photo_of_unseen_side_of_mercury.jpg/250px-MESSENGER_first_photo_of_unseen_side_of_mercury.jpg)
MESSENGER (akronym for MErcury Surface, Space ENvironment, GEochemistry, and Ranging) var ein NASA-sonde skoten opp 3. august 2004. Han gjekk i bane kring Merkur mellom 17. mars 2011 og 30. april 2015, då han var tom for drivstoff og styrta inn i Merkur på eit venta tidspunkt.[1] Romsonden karaktiserte den mineralske samansetninga til merkuroverflata, den geologiske historia til planeten, naturen til magnetfeltet, storleiken på og forholda i planetkjernen, leita etter flyktige stoff ved polområda og studerte naturen til eksosfæren og magnetosfæren over ein periode på meir enn fire år.[2] Ferda var den første til Merkur på over 30 år - den førre ferda til Merkur var Mariner 10, som avslutta oppdraget ved Merkur i 1975.[3]
Namnet til sonden kjem av at guden Merkur, som var opphavet til Merkur sitt namn, var dei romerske gudane sin bodbringar.[4]
Fyrste nærpassering
[endre | endre wikiteksten]Den 14. januar 2008 fann Mercury Flyby 1 stad med ein minsteavstand på 200 km. Under passeringa vart område som hittil var ukjente fotografert. I tillegg vart det òg tatt UV- og IR-skanningar og lasermålingar.
Viktige datoar
[endre | endre wikiteksten]- 3. august 2004: oppskyting frå Jorda
- 2. august 2005: passering av Jorda
- 24. oktober 2006: passering av Venus
- 5. juni 2007: andre passering av Venus
- 14. januar 2008: fyrste nærpassering av Merkur
- 6. oktober 2008: andre nærpassering av Merkur
- 29. september 2009: tredje nærpassering av Merkur
- 18. mars 2011: baneinnsetjing
Kjelder
[endre | endre wikiteksten]- ↑ NASA Completes MESSENGER Mission with Expected Impact on Mercury's Surface - NASA
- ↑ http://messenger.jhuapl.edu/why_mercury/index.html
- ↑ arkivkopi, arkivert frå originalen 30. juli 2009, henta 2. januar 2008
- ↑ http://messenger.jhuapl.edu/faq/faq_mission.html#1