50000 Quaoar
![](http://178.128.105.246/content-http-upload.wikimedia.org/wikipedia/commons/thumb/f/fa/Quaoar-weywot_hst.jpg/220px-Quaoar-weywot_hst.jpg)
![](http://178.128.105.246/content-http-upload.wikimedia.org/wikipedia/commons/thumb/5/57/Quaoar-Weywot_orbit_diagram_top.png/220px-Quaoar-Weywot_orbit_diagram_top.png)
Quaoar (simbòl: ) es un objècte transneptunian de la cencha de Kuiper que foguèt descubèrt en 2002. D'un diamètre estimat entre 1 074 e 1 110 km, es una planeta nana potenciala.
Son estructura intèrna e sa composicion son desconegudas. Segon leis observacions realizadas a l'ora d'ara, a una superficia sorna, de de color roge moderat, amb un albedò fòrça feble egau a 0,1. Sa temperatura, 110 K, es largament superiora ai valors esperadas per un objècte de la cencha de Kuiper. Una activitat criovolcanica podriá èsser a l'origina d'aquela anomalia.
Lo periòde orbitau de Quaoar es de 284,5 ans e son periòde de rotacion es d'aperaquí 18h. Seguís una orbita quasi circulara e pauc clinada amb un perièli de 41,75 UA e un afèli de 44,76 UA. Aquela trajectòria, fòrça similara a aquela d'una planeta, sembla excepcionala per un objècte transneptunian. S'explica per la distància importanta entre Quaoar e Neptun.
Quaoar a au mens un satellit naturau, dich Weywot qu'auriá un diamètre d'un centenau de quilomètres.
Enfin, las observacions d'ocultacions efectuadas entre 2018 e 2021 an revelat un anelh a l'entorn d'aqueste objècte.