Grand Nívol de Magellan
Aparença
![](http://178.128.105.246/content-http-upload.wikimedia.org/wikipedia/commons/thumb/9/94/Large.mc.arp.750pix.jpg/220px-Large.mc.arp.750pix.jpg)
Lo Grand Nívol de Magellan (ò GNM) es una galaxia nana situada a 163 000 ans lutz de la Tèrra dins lei constellacions de la Daurada e de la Taula. Satellit de la Via Lactèa, es la tresena galaxia pus pròcha de la galaxia nòstra e es lo quatren objècte pus massís dau Grop Locau.
A un diamètre d'aperaquí 14 000 ans lutz e de limits pauc clars. Foguèt ansin lòngtemps classada coma galaxia irregulara fins a la descubèrta d'una estructura espirala deformada qu'a entraïnat son classament en galaxia espirala barrada nana. Una partida d'aquela estructura es liada per un corrent de gas e d'estèlas au Pichon Nívol de Magellan.