Måneskin
![](http://178.128.105.246/content-http-upload.wikimedia.org/wikipedia/commons/thumb/3/3b/Maneskin_2018.jpg/200px-Maneskin_2018.jpg)
Måneskin (que significa "Clar de Luna" en danés) es un grop de ròck italian format a Roma en 2016.
Måneskin es compausat de Damiano David al cant, de Victoria De Angelis a la bassa, de Thomas Raggi a la guitarra e d'Ethan Torchio a la batariá. Victoria De Angelis a d'originas danesas : es ela qu'a trobat l'idèa del nom Måneskin pel grop.
An ganhat en notorietat en Itàlia en participant ambe succès a de concorses musicals, en particular a la television au X Factor italian, concors qu'an acabat segond en 2017. Lo 7 de març de 2021, an ganhat la 71na edicion del Festenal de Sant Rémol[1].
An sustot ganhat lo mitic Festival de la Cançon d'Eurovision en 2021 ambe lor títol ròck italian Zitti e buoni en representent Itàlia. Ja coneguts dins lor país d'origina, aquela victòria a n'aquel concors lor balha una bona visibilitat a l'escala internacionala e son aital estats classats dins los hit-paradas d'autres païses : aital, en 2021, Måneskin ven lo primièr grop italian a aténher lo tòp 10 del classament britanic amb lo single de Zitti e buoni, e la meteissa annada an classat tanben lo títol en anglés I Wanna Be Your Slave dins lo tòp 10 american[2]. Una version d'aquela cançon tirada de lor segond album (Teatro d'ira: Vol. I) es tanben estada enregistrada en duò ambe Iggy Pop. E lo 6 de novembre de 2021, montèron sus l'empont en primièra part dels Rolling Stones a Las Vegas (Estats Units).
Discografia
[modificar | Modificar lo còdi]- 2018 : Il ballo della vita
- 2021 : Teatro d'ira: Vol. I
- 2023 : Rush!
Cançons mai conegudas
[modificar | Modificar lo còdi]- Zitti e buoni (2021)
- I Wanna Be Your Slave (2021, ambe Iggy Pop)
- The Loneliest (2022)
- Valentine (2023)