Noa Achitània
Coordinadas: 44°50′11.76″N 0°35′19.68″W / 44.8366°N 0.5888°W
Artìculu in LSC
![](http://178.128.105.246/content-http-upload.wikimedia.org/wikipedia/commons/thumb/d/d9/Nouvelle-Aquitaine_region_locator_map.svg/243px-Nouvelle-Aquitaine_region_locator_map.svg.png)
![](http://178.128.105.246/content-http-upload.wikimedia.org/wikipedia/commons/thumb/b/b6/Flag_of_Nouvelle-Aquitaine.svg/245px-Flag_of_Nouvelle-Aquitaine.svg.png)
Sa Noa Achitània (in frantzesu Nouvelle-Aquitaine, in otzitanu Nòva Aquitània, Novèla Aquitània, in bascu Akitania Berria, in poitevin-santongesu Novéle Aguiéne) est una de sas regiones de Frantza. Est istada istituida in su 2016 in fatu a sa reforma territoriale de su 2014 acorpende sas pretzedentes regiones Achitània, Limosinu e Poitou-Charentes. At assuntadu, cun custa fusione, su nùmene provisòriu de Achitània-Limosinu-Poitou-Charentes. Su 30 cabudanne 2016, a pustis de s'aprovatzione a banda de su guvernu, at pigadu sa denumenatzione currente. Est partida in dòighi dipartimentos e su cabulogu suo est Bordeaux. Sas tzitades printzipales de sa regione a segus de Bordeaux, sunt Poitiers e Limoges.
Cun tirada de 84 061 km² est sa regione frantzesa prus isterrida. Contat unos 5.809.000 bividores. Allindat in s'ovest cun s'Otzèanu Atlànticu, in su norte lòcanat cun sos Paisos de sa Lòira e su Tzentru-Badde de Lòira, in s'estu cun sa Auvèrnia-Ròdanu-Alpes, in su sud-estu cun sa regione amministrativa de Otzitània, in su sud cun is comunidades autònomas Ispagna de is Paisos Bascos e de Navarra.
Est assentada in sos dipartimentos de: Charente (16), Charente-Maritime (17), Corrèze (19), Creuse (23), Dordogna (24), Gironda (33), Landes (40), Lot-et-Garonne (47), Pireneos Atlànticos (64), Deux-Sèvres (79), Vienne (86) e Alta Vienne (87). Sunt apo inclùdidu in sa regione 258 cantones e 4505 comunas.
Àteros progetos
[modìfica | modìfica su còdighe de orìgine]![]() |
Wikimedia Commons tenet files chi ligant a: Noa Achitània |
|