Adanbala
|
| Yamu ɣ | système solaire externe  |
|---|---|
| Nommé(e) en référence à | Jupiter |
| Gentilé | Jovian, Jupiterano, Jovien, joviano, joviana |
| Lieu | système solaire externe |
| Orbite autour de | Tafukt |
| Époque | J2000.0 |
| Tag Stack Exchange | https://astronomy.stackexchange.com/tags/jupiter, https://physics.stackexchange.com/tags/jupiter, https://space.stackexchange.com/tags/jupiter |
| Caractère Unicode | ♃ |
Jubitir nɣ Jupitir nɣ Adanbala (akrraj: .svg){kind=small}
) iga yan umtiwg lli kullu imqqurn ɣ unagraw anafuk, s ubddur imqqurn s 2,5 f imtiwgn ann iɣaman munn, macc ar ittɣama iga ɣar yan zzɣ ifḍ ɣ ubddur n tfukt.
Amtiwg n Udanbala iga amtiwg lli bahra immrwasn d tfukt ɣ tnɣa nns. waxxa txṣṣa tuqqna ns n uhidrujin a ttimɣur s 75 n tkklit f ma ttga ɣilad afad ad ig itri, d ixṣṣa a yimɣut ɣar s 13 n tkklit i ujdr n udyutiryum afad ad ig aguzzal admman.
Tigniwt
[ssnfl | Snfl asagm]Ar ittnnḍ udanbala uggar n kra igat amtiwg yaḍni, s umntil n wannḍ ad ar ttilin kra n ijawwan iggutn ɣ tsna nns, d maya d a immntiln ɣ uddnki n n tigniwt zzɣ tasgiwin ku tasga tṭṭaf aklu nns. zund tandiwin d ijawwan inmgaln n ijawwan ilɣuɣn.
Ayyurn
[ssnfl | Snfl asagm]Iṭṭaf umtiwg n udanbala azwil n ayyurn i kullu imqqurn ɣ unagraw nɣ ar lkkmn ar 79 n wayyur macc mẓẓin kigan abla kkuẓ ad igan ayyurn imqqurn assaɣ nnsn: galilu - uṛuba - janimid - kalistu, d iga janimid ayyur amqqran kullu ɣ unagraw anafuk d ittugr akk° amtiwg n uzwaq.
Ayyurn igaliliyn
[ssnfl | Snfl asagm]Ɣ 1610, yufa Galili kkuẓ n iyyurn mqqurnin ittdwwarn f Jubitir. Ismma asn "Imtiwgn imidisiyn" fad ad yall ssiɛr i igldunn n twja n Midisis. Tga tuniẓt akk iwzarn n kra n wayyur yaḍn ur igi win Akal. Ganimid iga ayyur akk mqqur ɣ ubddur anafuk, iṭṭaf 5 262 km ɣ waqqa. Caliṣṭu, iṭṭaf 4 821 km, illa ɣunct n Azwaq. Iyu d Urupa ṭṭafn yat tiddi irwasn i tin Wayyur n wakal. Ayyur wiss smmus iga t Amalṭi, tiddi nns ur tzri 262 km. Kraḍ ɣ wayyurn ad igaliliyn (Iyu, Urupa d Ganimid) qrrbn bahra i Jubitir.
Tamdayt
[ssnfl | Snfl asagm]Iga udanbala tafgga tiss kkuẓt immu iggut usmrqqi nns ɣ ignwan nnɣ ffir n tafukt d wayyur d umaḍan, d ittuẓḍaṛ a ittuẓṛa ɣ ḍyyḍ.
Tanɣa
[ssnfl | Snfl asagm]Ar iddnkay umtiwg n udanbala zzɣ tangiwin imaslakn d imṭṭi (ablulu), d ur iṭṭaf tasna.
Taduli
[ssnfl | Snfl asagm]Ahidrujin igan imṭṭi nttan ad igan amnhaḍ f igr amqqran n umtiwg ad, idusn s mraw n tikkal f wakal, d udwas n usfaylu amɣnaḍisan idusn s ma ilkkmn ar 20.000 n tkklit f asfaylu n wakal.
Wul
[ssnfl | Snfl asagm]Ar ittuɣal mas iṭṭaf udanbala adasil imnẓi, d uddnkay n ul ur bahra igi amnɣud, d ur ittussan mas iga imṭṭi nɣd iqqur, macc ar ittuɣal mas iqqur.