Koma
Pidangan
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
![](http://178.128.105.246/content-http-upload.wikimedia.org/wikipedia/commons/thumb/6/6f/Comma.svg/200px-Comma.svg.png)
Koma nyaéta tanda baca anu mibanda rupa mirip apostrop atawa tanda petik tunggal mung ditempatkeun dina garis dadasar tulisan.[rujukan?] Babaraha jenis aksara ngagambarkeunna minangka hiji garis leutik anu rada melengkung atawa kadang lempeng, atawa saperti angka salapan anu dieusi bagéan bolongna.[rujukan?] Tanda koma dipaké dina loba konteks jeung basa, umumna minangka pamisah.[rujukan?] Numutkeun Oxford English Dictionary, kecap ieu asalna tina basa Yunani: komma (κόμμα) nu hartina hiji hal anu dipotong atawa klausa pondok.[1]
Pamakéan jeung Panempatan Tanda Koma
[édit | édit sumber]- Tanda koma dipaké di antara unsur-unsur dina hiji pajéntréan atawa pawilangan.[2]
- Misalna:
- Simkuring meuli kertas, balpén, jeung patlot
- Misalna:
- Tanda koma dipaké pikeun misahkeun kalimah satara nu hiji tina kalimah satara salajengna nu dipiheulaan ku kecap tapi atawa namung.[2]
- Misalna:
- Simkuring téh tos badé angkat, namung kabujeng breg hujan.
- Misalna:
- Tanda koma dipaké ditukangeun kecap atawa ébréhan panghubung antarkalimah nu aya dina awal kalimah. Kaasup ogé di jerona ku sabab kitu, ku lantaran kitu, jadi, ti nimbang kitu, jsb.[2]
- Misalna:
- ......ku sabab kitu, urang kedah ati-ati.
- Misalna:
- Tanda Koma dipaké pikeun misahkeun kecap saperti o, nya, wah, aduh, euleuh tina kecap séjén nu aya dina sakalimahna.[2]
- Misalna:
- Wah, kacida pisan!
- Misalna:
- Tanda koma dipaké pikeun misahkeun petikan langsung tina bagéan séjén dina sakalimahna.[2]
- Misalna:
- “Padahal mah ku uing gé geus dibeunyeurbéaskeun pan,” kocap Udin
- Misalna:
- Tanda koma dipaké diantawis ngaran jeung alamat, bagéan-bagéan alamat, tempat jeung kaping ogé ngaran tempat jeung wilayah atawa nagara nu ditulis runtut.[2]
- Misalna:
- Sadérék Abdulloh, Jl. Siliwangi 10, Sukabumi
- Sukabumi, Jawa Barat
- Serat ieu téh dialamatkeun ka Ponpes Qurrotiyyah, Yayasan Sentra Buana, Jl. Babakanjaya 6, Sukabumi
- Sukabumi, 13 Nopémber 2014
- Misalna:
- Tanda koma dipaké pikeun nyaritakeun bagéan ngaran tibalik dina daptar pustaka.[2]
- Misalna:
- Ramdani, Yusup. Wanci Nu Mustari. Sukabumi: Gramédia. 2014
- Misalna:
- Tanda koma dipaké diantawis ngaran jalma jeung gelar atikan nu nuturkeunna pikeun ngabédakeun tina singkétan ngaran, kulawarga atawa marga.[2]
- Misalna:
- Rd. Ny. M. Alisyahbanna, S.Kom
- Misalna:
- Tanda koma dipaké pikeun ngahindarkeun tina kasalahan maca.[2]
- Misalna:
- Dina ngabina jeung ngembangkeun basa, urang ngabutuhkeun sikep nu bener-bener.
- Misalna:
- Tanda koma dipaké di hareup angka sapersapuluh atawa diantawis Rupiah jeung sén nu dilarapkeun kana mangrupa angka.[2]
- Misalna:
- 12,5
- Rp. 1.550,50
- Misalna: