MOSE
![]() | |
Dati | |
---|---|
Sorte | diga mòbiłe co paratie de gravità |
Pozision | |
Rejon aministrativa | Sità metropułitana de Venèsia (Itàlia) ![]() |
Bagnà da | Łaguna de Venesia e mar Adriàtego ![]() |
Atività | |
Doparasion | 3 de otobre del 2020 ![]() |
Propietàrio | Ministero de łe infrastruture e dei trasporti ![]() |
Ligo web | mosevenezia.eu ![]() |
|
El Mòduło sperimentałe ełetromecànego (acrònemo MOSE) el xe on sistema de dighe mòbiłi fato da cuatro bariere meteste inte łe tre boche de porto de ła Laguna de Venèsia.[1] Le bariere łe xe fate in totałe da 78 banpandore intrà łore indipendenti insernierae inte el fondo so on lato e meteste in moto da ła variasion de ła pròpia gałixabiłità, traerso ła imision e emision de acua e ària.[2]
Partio el 14 de majo del 2003 el projeto el xe finałixà a diféndar ła sità de Venesia e de ła so laguna da l'acua alta. El MOSE el fa parte de on projeto pì granda che el prevede el raforso dei łe rive, el inalsamento de ste ùlteme, de łe pavimentasion e pì in xenerałe de ła recuałifegasion de ła laguna. El MOSE el xe sta projetà par diféndar ła laguna de Venèsia da łe maree alte finmente a 3m e durante ła faxe sperimentałe ła so operatività ła xe prevedesta solché par łe maree majori de 130 cm,[3] łiveło che el garia da vegner sbasà a 110 cm in sèvito al finir de ła òpara.[4][5][6] I laori i xe fidai al Consòrsio Venèsia Nova che el òpara par conto del Ministero delle infrastrutture e dei trasporti - Maxistrà a łe Acue de Venèsia.[7]
El 4 de zugno del 2014, inte el caxo de na inchiesta anticorusion da parte de ła maxistratura italiana, se ga scaernà 35 aresti e 100 indagai intrà pułìteghi de rexalto e funsionari pùbleghi, par reati contestai cofà ła creasion de fondi neri, tanxenti e false faturasion. Dopo de łe stòrie xudisiàrie che ghe xe stà intrà el 2013 e el 2014, che i ga vedesto coinvolxesto tochi dei òrgani dirixensiałi del Consorsio Venesia Nova e de łe so inprexe, el Stato el xe intervegnesto co el fin de segurar el ndar vanti dei laori e ła concluxion de ła òpara: a disebbre 2014 l'ANAC el ghea proponesto ła xestion straordinària del consòrsio, in sèvito, de fati, ghe xe stà nomenà trè aministradori straordinari.
El MOSE el xe stà testà par ła prima volta in condision marine de efetiva operadività el 3 de otobre del 2020, dando rexultai poxitivi.[8][9][10] La consegna de ła òpara finia, testada e cołaudada, ła xe prevedesta par el 31 de disenbre del 2021.[11]
Someje
[canbia | canbia el còdaxe]-
Entrada de Lido
-
Entrada de Małamoco
-
Entrada de Cioxa
Notasion
[canbia | canbia el còdaxe]- ↑ Łe cusita ciamae "boche de porto" de ła Laguna de Venèsia i xe i varchi naturałi che i liga ła laguna co el mar verto, traerso i cuałi se nàvega e ghe xe el frefluso de łe maree, poxisionae inte łe xone de Lido, Malamoco e Cioxa.
- ↑ Mosemosevenezia.eu. entrada il 3 ottobre 2020.
- ↑ Elisabetta Spitz, Relazione trimestrale, III° trimestre, zugno 2020 – agosto 2020 (PDF), Roma, Commissario Straordinario par il MO.S.E, 1º settembre 2020, p. 2.
- ↑ Sistema Mose - Edilizia statale. Difesa di Venezia dalle acque altemit.gov.it, 24 ottobre 2016. entrada il 6 ottobre 2020.
- ↑ El liveło de ativasion el xe mixurà respeto al mareògrafo de riferimento metesto a Venèsia davanti a Ponta de ła Sałute. Riferimenti altimetrici, Città di Venezia. entrada il 21 novembre 2019 (archivià il 25 ottobre 2019 ).
- ↑ A che punto ze il MOSE a Venezia?, il Post, 13 novembre 2019. entrada il 21 novembre 2019 (archivià il 14 novembre 2019 ).
- ↑ El Maxistrà a łe Acue el xe el erede de on stòrego ufiso de ła Serenisima istituio inte el 1501. Uncó el xe on òrgano locałe del Ministero de łe Infrastruture e dei Trasporti italian, che el ga responsabiłità direta e primària inte el tema de mantegnimento, seguresa e tegnimento idràułego de on grando teritòrio che el ciapa, in particołar, ła laguna de Venèsia.
- ↑ Primo test del Mose contro l’acqua altamosevenezia.eu. entrada il 3 ottobre 2020.
- ↑ twitter.com/comunevenezia/status/1312333006426771456
- ↑ http://www.isprambiente.gov.it/it/news/analisi-ex-post-dell2019evento-mareale-a-venezia-del-3-ottobre-2020-e-aggiornamento-previsioni-per-le-prossime-24-ore
- ↑ Consorzio Venezia Nuova, Bilancio 2018 (PDF) (bilancio aziendale), Venezia, 31 dicembre 2018, p. 11.
Altri projeti
[canbia | canbia el còdaxe]Wikimedia Commons el detien imàjini o altri file so MOSE
Linganbi foresti
[canbia | canbia el còdaxe]- Sito ufisałemosevenezia.eu.
Controło de autorità | GND (DE) 1024554716 |
---|