Tełèfono intełijente
![]() |
Par savèrghene de pì, vardarse łe voxe tełefonin, rełojo intełijente e computer. |
![](http://178.128.105.246/content-http-upload.wikimedia.org/wikipedia/commons/thumb/f/f7/Galaxy_Note_10_%26_Note_10%2B_%28Wiki%29.jpg/327px-Galaxy_Note_10_%26_Note_10%2B_%28Wiki%29.jpg)
On tełefono intełijente o in lengua inglexe ''Smartphone") l'è on tełefonin mobiłe chel l'è bon de far calcołi, l'è bon de tegner memoria e el ga conesion dati, tanto mejo dei normali tełefoni mobili de na olta, baxandose so on sistema operadivo par dispoxidivi mobiłi.
El termino intelijente, chel se dopara par fini comerçali, i fa referensa al fato che i se pole doparar come computer portatili, e che i pole rimpiasar in difarenti caxi el computer personałe.
I primi modeli, prima de rivar a la costrusion dei veri smartphone, come cheli dei tenpi nostri, i jera on xmisioto intrà el PDA e le funsion de on normal telefono mobile. I modeli dal 2005 (pì o men) in vanti, i se ga tolto anca de le funsion de dispoxidivi multimediali, che i xe boni de far scoltar muxica, far foto e jirar video. Caxi tuti i telefoni intelijenti, al dì de onco, a parte alguni modeli, i xe dotai de touchscreen a alta rixolusion, dotai de navegadore web che i xe boni de cargar sia normali pajine web, sia siti internet sia inte la version par computer, sia inte la version fata aposta par dispoxidivi mobili. I telefoni intelijenti, i xe tuti dotai de on AppStore, andove da là, se pole descargar aplicasion, plug-in e altre funsion.
Storego
[canbia | canbia el còdaxe]![](http://178.128.105.246/content-http-upload.wikimedia.org/wikipedia/commons/thumb/9/9e/IBM_Simon_Personal_Communicator.png/118px-IBM_Simon_Personal_Communicator.png)
Era pre Smartphone
[canbia | canbia el còdaxe]L'idea de far dei dispoxidivi che i unise la telefonia a la doparasion dei elaboradori eletroneghi, la riva dal 1973, ma le prime vendite de sti dispoxidivi la xe scumisià solo inte el 1993.
La ditura "tełefono intełijente", la xe sta doparada par la prima volta inte el 1997, cuando la Ericsson ga ciamà el so GS88 "Penelope" on Smartphone.[1]
I primi tełefoni intełijenti
[canbia | canbia el còdaxe]El primisimo smartphone, ciamà Simon, el jera sta fato da la IBM inte el 1992 e comerçalixà da la BellSouth a partir dal 1993.[2][3] El ghea le normali funsion de on telefonin, ma in pì funsion smart come el calendario, rubrica, relojio, bloco note, funsion de posta ełetrònega e xughi: e par scrivare sol schermo, ghe jera disponibile na peneta.
I BlackBerry i xe stai considerai i primi telefoni intelijenti a esarse afermai sol marcà internasional. In orixane, sti telefoni i permetea de verxare alegai co MMS o Mail e navegare so internet co on navegadore.
Dai ani 2000, la nasita e la evolusion dei Smartphone la jera ligada streto co l'evolusion dei stàndar de telefonia mobile, in particolare dall'UMTS fin a l'HSPA e a l'LTE che i jera boni de ver na conesion dati mejori rispeto a la GSM/GPRS.
I primi tełefoni intełijenti co schermo capaçidivo e la nasita de la concorensa
[canbia | canbia el còdaxe]A la fin 2006 LG el ghe aprexentà, in colaborasion co Prada il Prada Phone, primo smartphone co schermo touchscreen capaçidivo (sensibile al strucar dei déi).[4][5][6][7]
Apple inte el 2007 el ga prexentà e comerçalixà el primo IPhone, co multi-touch e pinch-to-zoom e sto prodoto, el ga dato on gran spintòn a l'evolusion dei smartphone, e el ga fato nasare la concorensa. Inte el 2008 HTC ha ga fato el T-Mobile G1 (conosuo come HTC Dream), el primo smartphone Android, co sistema operadivo xvilupà da Google, che grasie a la so naura open source l'è sta doparà da tanti produtori de telefoni. Intrà sti cuà, Samsung co la serie Galaxy, LG co le serie Optimus e G, HTC (serie economega Desire e serie top de gama One), Sony (serie Sony Xperia), Huawei (co le serie Ascend, Mate, P e el marchio Honor), OnePlus, Lenovo (col marchio Moto, dopo chel ga cronpà inte el 2014 de Motorola Mobility) e tanti altri marchi axiadeghi, pian pian rivai anca in Eoropa (come Xiaomi, Meizu, Oppo, Nubia, Umidigi, Vivo).
Nokia el va vanti a produr smartphone co sistema operadivo Symbian OS fin al 2012, ano andove el njien fora el 808 PureView, ultimo model co sto sistema operadivo e uno dei primi camaraphone (co fotocamara da 41 megapixel)[8]. La parte mobile de Nokia la njien vendua a Microsoft, chel produxe la serie de smartphone Lumia co Windows Phone e, dopo, Windows 10 Mobile. Nokia el torna a produr Smartphone co HMD Global e sistema operadivo Android inte el 2017.[9]
L'evolusion dei Smartphone
[canbia | canbia el còdaxe]Creasion de nove game e de sotoxenari
[canbia | canbia el còdaxe]A novenbre del 2013 njien butà sol marcà el primo telefono intelijente chel xonta el schermo e-ink de drio, el Yotaphone[10] e inte el contenpo da novenbre 2014 Samsung taca vendere el Note Edge[11], co schermo curvo Edge de lato, seguio da S6 Edge, S7 Edge, S8, Note 8. Apple el continua co la serie iPhone col sistema operadivo iOS co i modeli 3G, 3GS, 4, 4S, 5, 5c, 5s, 6, 6s, 6s Plus, SE, 7, 7 Plus, 8, 8 Plus, X, XR e XS max, 11, 11pro e 11pro max. Taca farse alguni sotojeneri e ibridi come el phablet (che l'è a metà intrà on Smartphone e on tablet), i feature phone (telefonini claseghi e tante olte co tasti fixiçi ma co funsion moderne e costi basi, tra sti cuà se pole catar el Nokia Asha e alguni Alcatel, ma anca modeli de marchi come Brondi che i varda a un target comerçale de on publego vecio), i rugged, pensai par la rexistensa a acua, polvare, batue e macamenti vari e i fold che i ga on schermo che se piega (on exenpio che ga fato tanto parlar xe sta el Samsung Galaxy Fold). Inte el 2016 LG butà inte el marcà el G5, primo smartphone modular (el primisimo el xe sta el Fairphone 2), co la posibilità de xontar acesori par determinae funsion.[12]
Rixolusion dei schermi
[canbia | canbia el còdaxe]Njien senpre pì alta la rixolusion dei schermi dei smartphone: a otobre 2012, HTC prexenta el J Butterfly, primo smartphone co schermo Full HD da 1920 x 1080 pixel[13], un ano dopo, a otobre 2013, Vivo el prexenta Xplay 3S, primo disposidivo co rixolusion 2K 2560 x 1440 pixel[14] e a l'IFA de Berlin 2015 Sony prexenta el Xperia Z5 Premium, primo smartphone co schermo co rixolusion 4K co 3840 x 2160 pixel.[15][16]
Inte el 2013 el xe sta prodoto el Yotaphone, el primo smartphone a dopio schermo: co on schermo LCD frontal e on schermo a carta eletronega so la parte de drio.[17]
Soçoloxia
[canbia | canbia el còdaxe]Sol vardar soçoloxego inte i ani dopo la prima publicasion dei smartphone, i xe diventai senpre pì on vero e propio fenomano cultural, chel ga rivolusionà le vite de la xente, in tante parti del oçidente e da poco in caxi tuto el mondo, oltre che a esar ligà streto al consumixmo eletronego.
Lingambi foresti (Multiłengua)
[canbia | canbia el còdaxe]- ↑ GS88 ‘Penelope’ | Smartphone Concept by EricssonEricssoners, 12 zugno 2016. entrada il 30 agosto 2017.
- ↑ Lo smartphone compie 20 anni: ecco qual ze stato il primo modello in assoluto, in Hardware Upgrade. entrada il 19 zugno 2017.
- ↑ Vent'anni di smartphone: IBM Simon ze stato il primo, in DDay.it. entrada il 19 zugno 2017.
- ↑ L'evoluzione degli smartphone: le bizzarre innovazioni di LG - AndroidPIT, in AndroidPIT. entrada il 19 zugno 2017.
- ↑ Cellulari e Smartphone che hanno fatto la storia della telefonia mobile, in Top di Gamma, il miglior prodotto al prezzo più basso del web, 20 novembre 2016. entrada il 19 zugno 2017.
- ↑ (EN) Vintage Mobiles, in GSM History: History of GSM, Mobile Networks, Vintage Mobiles, 18 novembre 2014. entrada il 19 zugno 2017.
- ↑ Christine Erickson, The Touching History of Touchscreen TechMashable. entrada il 19 zugno 2017.
- ↑ (EN) PureView 808 the last Symbian phone from Nokia, in TechRadar. entrada il 19 zugno 2017.
- ↑ Nokia torna con tre smartphone Android: 3, 5 e 6 in arrivo a zugno, in Repubblica.it, 31 maggio 2017. entrada il 19 zugno 2017.
- ↑ (EN) Yota YotaPhone - Full phone specificationswww.gsmarena.com. entrada il 19 zugno 2017.
- ↑ (EN) Samsung Galaxy Note Edge - Full phone specificationswww.gsmarena.com. entrada il 19 zugno 2017.
- ↑ LG G5 recensione: il primo smartphone modulare al mondo, in Hardware Upgrade. entrada il 19 zugno 2017.
- ↑ HTC annuncia J Butterfly, il primo smartphone 5 pollici FullHD, in Hardware Upgrade. entrada il 19 zugno 2017.
- ↑ Vivo: ecco il primo smartphone con display 2KWebnews. entrada il 19 zugno 2017.
- ↑ Sony Xperia Z5 Premium ze il primo smartphone 4K al mondo, in Techzilla.it, 2 settembre 2015. entrada il 19 zugno 2017.
- ↑ (EN) Sony Xperia Z5 Premium - Full phone specificationswww.gsmarena.com. entrada il 19 zugno 2017.
- ↑ Matteo Peppucci, Yotaphone: doppio schermo e super batteria a 499 euro, Pionero, 8 dicembre 2013. entrada il 15 dicembre 2013.
Controło de autorità | LCCN (EN) sh2007006251 · GND (DE) 4845922-7 · BNF (FR) cb15561010h (data) · BNE (ES) XX5263363 (data) · NDL (EN, JA) 01155746 |
---|