bablou

Tayon-bodje latén « balbus » (begyåd).

• AFE :
  • diferins prononçaedjes : /ba.ˈblu/ /ba.ˈbly/ (minme prononçaedje cåzu pattavå)
  • prononçaedje zero-cnoxheu : /ba.ˈblu/
• Ricepeures : ba·blou

bablou omrin (come addjectif djondrece, todi metou padrî l’ no)

1. ki voet brouyî, ki voet dobe.
   • Dj' a les oûys tot bablous a cåze do solo.
   • Totes ses viyès sovnances
     Et ses tchansons d' amour, shonnént poirter l' longue ranse,
     Et dvant ses ouys plins d’ låmes, divant ses ouys bablous,
     Distindént come Mareye. — Joseph Vrindts, ”Vîx Lîge” (1901), p.58, “Li Feume Malâde” (fråze rifondowe).
2. tot peté, tot sbaré.
   • I dmana bablou, li boke å lådje.
   • Leu tchanson rmowe minme l' åme do Diåle; Pus bele ki l' cisse do Råskignoû, C' est ene tchanson ki rind bablou. — André Gauditiaubois (fråze rifondowe).
   • Pus moirt ki vike, i dvént bablou
     — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).

peté, sbaré, reyusse, pek, ståmusse; Loukîz a : « ståmusse »

1. si fé bablou a : drovi les ouys tant k' on voet brouyî.
   • Dji m' a fwait tot bablou a cweri.
2. esse (tot) bablou :
   1. esse maké.
      • Li mwaisse di scole vos el hapéve pa ene pougnêye di tchveas, et l' kischoyeut télmint ki l' pôve efant end esteut tot bablou. — Henri Forir (fråze rifondowe).
      • Bon Diu d' bwès! Ké bea froumadje; Ki dj' soeye bablou si dji n' lyi hape nén s' boket! — Joseph Bily (fråze rifondowe).
   2. vey des sacwès ki n' egzistèt nén.
      • Dji so tot bablou, u cwè?

• abåbli, asbåbli

(minme sourdant etimolodjike)

• babouyî

w. do Levant, w. do Mitan

bablou (nén candjåve)

1. d' ene brouyeye manire.
   • Mi coixheure a m' mwin mi fjheut sofri; portant, djel riwaitive tot bablou, come si dj' åreu volou k' ele ni si rfreut måy. — Lorint Hendschel.

1. vey (tot) bablou :
   1. vey brouyî (d' esse sô, d' aveur sitî maké, di braire).
      • Les åbletes, dilé l’ naeçale,
        Si rapoulént-st a hopeas ;
        On ls åreut pris-st å trûlea,
        Mins l’ amour rind si bouxhale,
        Ki l’ pus sûti voet bablou. — Joseph Vrindts, ”Vîx Lîge” (1901), p.165-166, “Es Barbou” (fråze rifondowe).
      • Cwand Djam ariva-st a Lexhî, å cåbaret des catoize fesses, i veyeut tot bablou: les håyes dansént, les coks et les poyes corént-st evoye, e dobe, sol voye. — Marcel Hicter (fråze rifondowe).
      • Li curé Groyinne a les ouys tot frexhs a ndè vey bablou. — Jean-Pierre Dumont (fråze rifondowe).
      • Dji n' chtroumfêye rén nerén ! Dji voe tot bablou !— Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 11 (fråze rifondowe et rarindjeye).
   2. vey ene sacwè k' on croet nén possibe.

      etinde bablou : etinde des sacwès ki n' egzistèt nén.

   • Est ç' mi ki sondje? etind dj' bablou?