Westerscheldetunnel
![](http://178.128.105.246/content-http-upload.wikimedia.org/wikipedia/commons/thumb/b/b1/Westerscheldetunnel-2.jpg/250px-Westerscheldetunnel-2.jpg)
De Westerscheldetunnel (soms ok wè kortweg de tunnel) is 'n tunnel van 6,6 kilometer lang onger de Westerschelde tussn Ellesdiek en Terneuzen en is deermee de langste tunnel voo 't wegverkeer van Nederland.
Beschrievieng
[bewerk | brontekst bewerken]De Westerscheldetunnel is 6,6 km lang en ao an de zuudkant, over een lengte van 1.200 meter, een weggedeelte mee een hellingsvlak van 4,5%. De maximale deurriehoôgte is 4,30 meter. Het diepste punt bereikt de tunnel onger de Pas van Terneuzen, 60 meter onger waterniveau. In de tunnel geldt een maximumsnelheid van 100 km/u. Dit wor gecontroleerd deumiddel van trajectcontrole. De tunnel is nie 'eschikt voo voetgangers en fietsers.
De Westerscheldetunnel is een geboorde tunnel en bestit uut twee buzen mee een diaometer van 11 meter die met een tunnelboormaochine hegraoven binne. Elke buze ao ruumte voo twee riestroôken. Een vluchtstrook ontbreekt. Om de 250 meter binne de tunnelbuzen aan mekoare gekoppeld mee dwarsverbindiengen. Normaal binne de deuren nae de dwarsverbindiengen vergrendeld, bie een calaomiteit worren de deuren automatisch ontgrendeld. Het verkeer op de linkerriebaene in de aore tunnelbuze wor dan stil'eleid zodat mênsen veilig de aore tunnelbuze in kunnen loôpn.
De tunnel is 'eopend op 14 maerte 2003. Sindsdien binne de veren Vlissienge – Bresjes en Krunige – Perkpolder van de Provinciale Stoombootdiensten in Zeeland opgeheven.
Exploitatie
[bewerk | brontekst bewerken]![](http://178.128.105.246/content-http-upload.wikimedia.org/wikipedia/commons/thumb/2/20/Westersch.jpg/220px-Westersch.jpg)
De bouw van de tunnel en de anleg van de toeleidende wegen kostende 725 miljoen euro (excl. BTW). De tunnel wor voo een periode van dertig jaor 'eëxploiteerd deu de N.V. Westerscheldetunnel, sins 1 juli 2009 is de tunnel eigendom van de Provincie Zeêland. Voorheen was de NV voo 95,4% eigendom van het Ministerie van Verkeer en Waoterstaot (as andeelhouwer van de Nederlandse staot) en voor 4,6% van de provincie Zeêland. Op 17 juni 2008 wier bekend'emaokt dat het ministerie van Verkeer en Waoterstaot de 95,4% van de andelen an de provincie Zeêland zou verkoôp'n.
Tol voo deze tunnel wor 'eheven in Bossele voo beide rierichting'n. Vanof 1 jannewari 2025 wor er van auto's en motorrieers gin tol meer 'eheven.[1]
Taoriev'n 2023 [2]
[bewerk | brontekst bewerken]- Auto's: € 5,00
- Auto's mee een sleur'ut langer as 6 meter en leger as 3 meter: € 7,45
- Kleine vrach'waeges, campers en bussen korter as 12 meter en 'oôger as 3 meter: € 18,20
- Grôte vrach'waeges: € 25,00
- Motors: € 2,50 (an de kassa)
- Voor abonnementhouwers geldt een hereduceerd taorief (resp. € 3,00, € 4,50, € 11,00, € 15,00 en € 2,00).
- Veelhebrukers (meer as 150 passages per t-tag per jaor) kriege ca. 20% extra korting.
Ulpdienst'n en militaire voertugen binne vrie'esteld van tol.
Bus
[bewerk | brontekst bewerken]De volgende busdiens'en maeken gebruuk van de Westerscheldetunnel:
- Lijn 20 : Terneuzen-Ziekenuus - Goes Station NS
- Lijn 50 : Terneuzen-Staduus - Middelburg Station NS
- Lijn 660 : Vlissienge Fast-Ferry/Station NS - Terneuzen Busstation Westerscheldetunnel