罰牌
罰牌(粵拼:fat6 paai2)係好多體育運動入面,專門用嚟警告或處罰某位喺場上搞搞震或搗亂檔啲運動員或教練或隊伍,一般喺裁判或球證手頭揸住,跟住裁判或球證都會喺被處罰嘅運動員頭頂或用手指出指定被處罰嘅運動員出罰牌。呢種行為係打算提醒好多位球員、教練組同觀眾係用乜形式嚟處罰。不過根據處罰輕重唔同,每種罰牌都有唔同嘅色或樣嚟定乜懲罰等級。大多數比賽入面,出現黃牌同紅牌嘅機會最多。
由來
[編輯]罰牌最先喺足球界出現,由英國球證堅阿士東喺1966年提出[1],嗰時阿士東俾國際足協受邀請而去執法FIFA世界盃。1966年7月23號,喺溫布萊球場舉辦嘅八強——英格蘭對陣阿根廷嘅比賽時最先用到罰牌,嗰日比賽結束之後,好多報紙都有寫到球證——魯道夫·克賴特萊因,將波比查爾頓同積查爾頓嗰兩位英國球員罰咗牌,重將阿根廷波手——安東尼奧·拉田罰埋落場[2][3],當場執法球證亦冇做清楚係發生咩事,令嗰時英格蘭足協告到FIFA話清楚究竟點解。後嚟得知原嚟嗰場比賽成日有犯規動作,加上嗰時有三位球員同班球證出現雞同鴨講嘅情況,重有係拉田俾兩位英國差佬趕出球場。執法球證阿士東亦出面解釋,話紅黃牌係借鑒咗紅綠燈嘅切換顏色燈信號樣嚟整,其中黃燈指嘅係若果喺安全情況下,重可以繼續。紅燈指嘅係GAME OVER,冇得玩喇。加上阿士東亦解釋到,主要整成噉嘅紅黃牌,係解決球員同球員之間出現些少磨擦時嘅雞同鴨講拗數現象,同究竟判定係警告定罰落場嘅情況[1]。結果,從1970年FIFA世界盃開始,之後每屆世界盃都第一時間用到紅黃牌制度,其中黃牌係警告,紅牌係攆走噉解。
自從足球出現咗罰牌之後,好多喺足球以外啲體育比賽嘅執法行業都借鑒咗足球比賽嚟整咗唔同嘅罰牌制度兼納入咗規定範疇。
用到嘅罰牌
[編輯]家下啲體育比賽入面,唔同比賽都有唔同嘅罰牌制度,甚至連顏色同個樣都唔同。
黃牌
[編輯]![](http://178.128.105.246/content-http-upload.wikimedia.org/wikipedia/commons/thumb/b/b1/Yellow_card.svg/220px-Yellow_card.svg.png)
黃牌喺大部分體育運動最常見。喺大多數體育運動嘅比賽裏面,都會用黃牌嚟警告犯規嘅參賽選手或運動員,亦可以係暫時罰停比賽。
球證會用黃牌警告犯規或者做咗啲唔道德行為嘅球員[4],而且球證會有本記事簿仔同筆記低邊個球員攞過黃牌。若果同一場比賽同一個球員再次俾球證罰黃牌,就係「兩黃變一紅」嗰個球員需要離開球場兼唔可以派後備球員補上或者換人代佢,嗰隊就要踢少一個人。
亦有大多數聯賽或盃賽會有「累積幾多張黃牌」需要停賽嘅做法,通常由賽事所屬方嘅執法協會負責記錄。若果喺同一聯賽或盃賽唔同嘅賽事入面,出現累積夠2~3張黃牌下一場就需要停賽。
裁判警告犯規嘅運動員,若果再次犯嘅就「兩黃變一紅」需要取消資格[5]。喺國際田徑協會,亦撤銷咗偷雞嘅講法。若果教練喺田徑場上教運動員點偷雞或詐諦抽筋嘅話,最頂籠都會罰黃牌。
球證公開警告指定有犯規記錄(例如鬧球證、同對方搞出明顯犯規等)嘅球員。除咗呢啲嚴重犯規記錄之外,若果其他球員攞咗黃牌,都唔畀喺場上玩¼節時間咁耐(喺罰時期間,半佬出現犯規而暫停嘅時間唔算),不過可以通過換人落場。若果攞過黃牌嘅球員,球證都會有記錄在內[6]。
裁判會向違反咗羽毛球規定啲單個或雙個運動員罰黃牌,意思係重可以畀多次機會繼續玩,若果再犯就係「兩黃變一紅」或「兩黃變一黑」取消資格[7][8]。
裁判會向指定出現幾次技術性犯規(例如龍門球、技術性發波、自由球、冇波障礙)嘅隊罰黃牌[9]。若果同一隊出現太多次技術性犯規,唔單止會罰白牌,相反重要罰停比賽5分鐘。
黃牌喺獨木舟水球屬最嚴重嘅警告罰牌,如果球員被罰黃牌,嗰個球員需要罰停比賽兩分鐘[10]。一般喺以下情況先至會用到:
- 喺就快直接射波時,出現有阻擋射波動作。
- 有球員特登向對方出現嚴重犯規或危險動作。
- 球員對球證講出侮辱性言論或唔滿意球證判罰而嗌交。
- 同一比賽同一球員被罰第二張綠牌之後再犯多次規嘅(三綠變一黃)。
馬術比賽入面,凡係騎手出現對隻馬實施虐待或污辱等其它唔正當行為,都會俾裁判罰黃牌[11]。以下行為都算數:
雖然騎手可以揀唔接受罰牌,但係騎手嘅所作所為都會俾裁判組實施裁決。因為騎手收到黃牌嘅話,呢場訓練之後會接受大懲罰或直接被宣佈出局[11]。
凡係出現以下情況其一都會被罰黃牌[12]:
劍手一旦被罰黃牌,嗰場比賽凈低嘅時間同節數都同樣有效[12]。喺一啲情況下,劍手因違規而得分都唔出奇。若果第啲人首次喺場上出現干擾正常進行嘅比賽,噉干擾比賽嘅肇事人都同樣被罰黃牌[12]。
喺曲棍球比賽入面,凡係被罰黃牌嘅球員,都要暫時罰停比賽[13]。雖然判罰時間由球證組睇犯規嘅輕重而定,但罰時最短都唔短過5分鐘[13]。若果同一場比賽同一球員夾埋攞到至少兩張黃牌嘅話,罰時都會將先前犯規用過嘅罰時重新加返上去。若果同一場比賽同一波手再一次同樣犯規嘅,將會「兩黃變一紅」罰離場。不過凡係遇到對球證或其他球員做出唔公正嘅行為,球證會第一時間畀黃牌[13]。
喺蓋爾式運動入面,唔理係愛爾蘭式曲棍球、愛爾蘭式足球定板棍球運動,凡係出現有節制性犯規嘅,球證會直接向犯規波手畀黃牌。若果同一場比賽入面,先前攞過黃牌嘅波手再攞多次黃牌嘅話,就係「兩黃變一紅」落場。
場上某一個隊員或團體,凡係做出以下嘅行為都會被罰黃牌[14]:
- 專登做出明顯嘅犯規動作。
- 利用陰濕行為阻住對方嘅掟波動作。
- 鬧或整蠱球證
- 專登用腳或膝頭以下部位擋住射波或傳波行為
- 因戰術重複原因而反復入禁區
主要用嚟警告犯規嘅隊員,若果同一場比賽夾埋被罰三張黃牌嘅就要罰離場。
若果球員(唔理係場上定喺場邊)或教練出現有唔尊重球證嘅指揮行為,球證都會第一時間向指定球員或教練畀黃牌。
按照國際排聯規定,凡係球員或教練違反規定時,第一次收到口頭警告,第二次就收到黃牌警告。而且球員或教練有冇攞牌嘅記錄,都會喺記分牌入面有記低。
按照國際乒聯規定,凡係球員有唔正當行為時,球證有權向肇事球員或肇事教練罰黃牌。若果球員繼續出現第二次犯規,對方會直接攞一分。滿三次犯規時,對方會直接攞兩分,屆時可能同時出現黃紅兩牌。若果球員唔滿意判罰,可以向比賽嘅授權顧問申訴嚟撤銷罰牌[15]。
紅牌
[編輯]![](http://178.128.105.246/content-http-upload.wikimedia.org/wikipedia/commons/thumb/e/e7/Red_card.svg/220px-Red_card.svg.png)
紅牌喺大部分體育運動最常見。喺大多數體育運動嘅比賽裏面,都會用紅牌嚟直接攆走犯規嘅參賽選手或運動員[4]。大多數體育比賽入面,俾裁判攆走嘅運動員或參賽選手都唔畀換第個人上場。一般都係針對嚴重違反或無時無刻違規或警告後屢教不改嘅運動員或參賽選手。
球證會用紅牌直接攆走嚴重違規嘅球員[4]。以下情況都會出現紅牌:
- 球員因嚴重違規或無時無刻喺度違規(直接紅牌)。
- 同一場比賽同一個球員再次俾球證罰黃牌(兩黃變一紅)。
- 之前拎過黃牌嘅球員出現嚴重違規或無時無刻喺度違規(先黃後紅)。
同一場比賽入面,凡係被罰球員收到紅牌信號後需要離開球場,兼唔畀派後備球員補上或換人代佢,嗰隊就要踢少一個人。國際足聯有規定,凡係同一場波同一隊入面,出現夾埋有5人紅牌罰落,比賽直接結束。
另外,換緊人期間,若果上場嗰位唔按規定等換落場嗰位離開場地之前就夾硬直接上場,都會直接紅牌罰落。
若果係守門員俾球證用紅牌罰落(唔理係直紅定兩黃變一紅或先黃後紅都好),必須要留意:
- 若果有換人名額且未換守門員,建議直接換替補守門員上嚟。
- 若果有換人名額且已換守門員,直接嗌場上同一隊是但一球員替代守門員。
- 若果冇晒換人名額,直接嗌場上同一隊是但一球員替代守門員。
一般嚟講,地球上冚唪唥聯賽或盃賽都有紅牌記錄停賽嘅做法,通常由賽事所屬方嘅執法協會負責記錄。若果喺同一聯賽或盃賽唔同嘅賽事入面,出現紅牌嘅球員都會自動停賽一場。若果有追加違規行為,起碼睇程度而有追加停賽場次、甚至到終身禁賽嘅處罰。
紅牌既可以將教練罰落,不過喺教練收到第二張黃牌後先至會有。若果喺比賽場地,帶有黑對角線嘅紅牌係提醒比賽入面有人偷鷄[5]。
唔理係單打定雙打比賽,收到黃牌處罰後,繼續實行犯規行為都會被罰紅牌(兩黃變一紅);若果其一方收到紅牌後,球證會直接宣佈對方贏咗一鋪。若果繼續犯規而屢教不改,出現第二張紅牌後會直接判黑牌(兩紅變一黑),屆時被罰嗰方直接被判輸波而冇得繼續參賽[7][8]。
球證會用紅牌直接攆走嚴重違規嘅球員[10]。以下情況都會出現紅牌:
- 場上出現個人攻擊到第啲人(有危險動作)
- 重複犯規動作
- 有鬧人行為
- 之前有罰過黃牌嘅球員而實施繼續犯規時。
- 有唔正當動作嚟阻擋球員實行比賽行為。
同一場比賽入面,凡係被罰球員收到紅牌信號後需要離開水池,兼唔畀派後備球員補上或換人代佢,嗰隊就要上少一個人。
攷
[編輯]- ↑ 1.0 1.1 "Ken Aston – the inventor of yellow and red cards". fifa.com. 原著喺2015年4月30號歸檔. 喺February 20, 2013搵到.
- ↑ "World Cup: 25 stunning moments … No23: The 1966 World Cup". TheGuardian.com. The Guardian. 2014-06-05. 喺2014-08-13搵到.
- ↑ "Hurst the hero for England in the home of football". FIFA. 原著喺2008-01-24歸檔.
- ↑ 4.0 4.1 4.2 "Laws of the Game". fifa.com. 原著喺2020年2月1號歸檔. 喺June 6, 2008搵到.
- ↑ 5.0 5.1 "IAAF Starting Guidelines" (PDF).
- ↑ "AFL Laws of the Game" (PDF). AFL Commission. 原著 (PDF)喺May 22, 2012歸檔. 喺October 20, 2012搵到.
- ↑ 7.0 7.1 "Laws of badminton". bwfbadminton.org. Badminton World Federation. pp. 10–11. 原著喺2015年3月20號歸檔. 喺1 March 2015搵到.
- ↑ 8.0 8.1 "Recommendations to technical officials". bwfbadminton.org. Badminton World Federation. pp. 8–9. 原著喺2016年1月16號歸檔. 喺1 March 2015搵到.
- ↑ "Bandy – Rules of Play". internationalbandy.com. 喺June 10, 2008搵到.
- ↑ 10.0 10.1 "International Canoe Polo – Rules of Play". canoepolonz.org.nz. 原著喺October 14, 2008歸檔. 喺June 12, 2008搵到.
- ↑ 11.0 11.1 "FEI General Regulations" (PDF). fei.org. 原著 (PDF)喺July 4, 2008歸檔. 喺September 17, 2008搵到.
- ↑ 12.0 12.1 12.2 "FIE Competition Rules". britishfencing.com. 原著喺2010年7月16號歸檔. 喺Sep 8, 2010搵到.
- ↑ 13.0 13.1 13.2 "Rules of Hockey" (PDF). FIH. 喺November 16, 2016搵到.
- ↑ "International Handball Federation – Rules of the Game 2005". ihf.info. 喺June 8, 2008搵到.
- ↑ ITTF handbook (PDF). The International Table Tennis Federation. 2019. p. International Table Tennis Federation. 原著 (PDF)喺September 4, 2019歸檔. 喺September 4, 2019搵到.