Loodgieter
'n Loodgieter is 'n beroep. Persone wat die beroep beoefen spesialiseer in die installering en onderhoud van waterwerke, rioolwerke, dreine en ander pypleiding.
![](http://178.128.105.246/host-http-upload.wikimedia.org/wikipedia/commons/thumb/f/fa/Plumber_at_work.jpg/300px-Plumber_at_work.jpg)
Die woord loodgieter dateer vanuit die Romeinse Ryk en verwys na die giet van stroke lood en loodpype. Vandag word lood egter nie meer gebruik nie omdat dit giftig is. Moderne pype word hoofsaaklik van plastiek of koper vervaardig (beide roes nie).
Tipiese take wat 'n loodgieter verrig sluit in:
- Installering van krane, pype en dreine;
- Skoonmaak van dreine en geblokte pype;
- Opspoor en herstel van lekkasies; en
- Installering van warmwater-toestelle (soos geisers)
Persone wat die beroep oorweeg moet hardwerkend wees, nie deur vreemde reuke afgesit word nie, bereid wees om in vuil plekke in te kruip, en verstaan hoe dreinering en waterdruk werk.
Wikimedia Commons bevat media in verband met Plumbing. |