American Sniper
- Iste articlo ye sobre una cinta de drama belico estausunidense de l'anyo 2014; ta lo libro e o cual se basa, se veiga American Sniper.
American Sniper (títol orichinal en anglés, en aragonés Francotirador americano, por Francotirador estausunidense, enguerada en Aragón con o títol de Francotirador) ye una cinta de cine estausunidense de cine de drama belico biografico de l'anyo 2014 dirichida por Clint Eastwood seguntes un guión adaptau por Jason Hall (basau en American Sniper, libro de Chris Kyle, Scott McEwen y Jim DeFelice autobiografico sobre Chris Kyle), con una dirección de fotografía de Tom Stern, una producción cinematografica de Clint Eastwood, Robert Lorenz, Andrew Lazar, Bradley Cooper y Peter Morgan ta las productoras Village Roadshow Pictures, RatPac-Dune Entertainment, Mad Chance Productions, 22nd & Indiana Pictures y Malpaso Productionsy un elenco en o cual partecipan, entre d'atros, os actors Bradley Cooper, Sienna Miller, Luke Grimes, Jake McDorman, Cory Hardrict, Kevin Lacz, Navid Negahban, Keir O'Donnell y Eric Close.
A cinta conta l'actuación de Chris Kyle, un fracotirador d'os United States Navy SEALs mientres a guerra d'Iraq en os anyos 2000 a on i cumplió cuantos periodos de servicio y acreditó 255 muertes por os suyos disparos en ixa guerra, 160 d'as cuals estioron confirmadas por o Departamento d'Esfensa. Tanimientres, istos exitos en a suya carrera militar no fuoron acompanyaus en a suya vida familiar, en resentir-se la relación con su muller por os suyos periodos de servicio. A cinta explica la suya decisión de dentrar en los Navy SEALs cuan en 1998 s'escaicioron cuantos antentaus en cuantos países contra las embaixadas estausunidenses, contina con as suyas actividaz en Iraq y remata cuan en tornar en os Estaus Unius tiene problemas ta adaptar-se una atra vegada a la vida civil y partecopa en un programa d'aduya a veterans con problemas ta dimpués estar asasinau por un d'éls con problemas psiquiatricos. A cinta remata con imáchens reals d'o suyo funeral.
American Sniper s'ambienta en Texas en 1998 y tamién en os anyos 2000 en Texas, amás d'en Bagdad y atras localizacions en Iraq, mientres a guerra d'Iraq. As suyas escenas se filmoron en Culver City, Inglewood, Los Angeles, San Bernardino, Santa Clarita y atras localidaz en California en os Estaus Unius y en Salé en Marruecos.[2]
Ye una cinta que ha recibiu cuantos premios y nominacions, en destacando cinco nominacions a los Premios Oscar en a suya 87ena edición (incluyius Millor Cinta, Millor Actor, Millor Guión Adaptau y Millor Montache) amás de ganar-ne uno, a lo Millor Soniu; y dos nominacions a los Premios BAFTA en a suya 68ena edición, incluyindo-ie a lo Millor Guión Adaptau.
Actor | Papel | Notas |
---|---|---|
' |
Se veiga tamién
editarReferencias
editar- ↑ 1,0 1,1 (en) Enguero d'American Sniper en Internet Movie Database.
- ↑ (en) Localizacions d'American Sniper en Internet Movie Database.
- ↑ (en) American Sniper en Internet Movie Database.
Vinclos externos
editar- Se veigan as imáchens de Commons sobre American Sniper.