Ghusl
An Ghusl (Arabic: غسل) iyo an sarong termino sa Arabe sa bilog na ritwal na pagdalisay bago gibohon an manlaenlaen na ritwal asin pamibi, para sa siisay man na adultong Muslim pakatapos nin sekswal na pagdudurog/pagluwas nin kasit o pagkakompleto kan menstruwal na siklo.
![](http://178.128.105.246/host-http-upload.wikimedia.org/wikipedia/commons/thumb/5/52/Kuala_Lumpur_Malaysia_Masjid-Jamek-02.jpg/220px-Kuala_Lumpur_Malaysia_Masjid-Jamek-02.jpg)
Pigrerekomendar man an paghugas (i.e. ini mustahabb) bago an mga pamibing Jumu'ah asin Eid, bago maglaog sa ihram bilang preparasyon para sa Hajj, pakatapos na mawara an agimadmad asin pagkakombertir nin pormal.[1][2] An mga Sunni Muslim man an naggigibo kan ablusyon sa atubangan kan Namaz-e-tawbah (Prayer of repentance).
An Ghusl parateng tinatradusir na "bilog na ablusyon" na kontra sa "kabtang na ablusyon" nin wudu na ginigibo kan mga Muslim pagkatapos kan dikit na impuridad siring kan pag-ihi, pag-udo, pag-atot, hararom na pagturog, asin dikit na pagdugo.
Iyan sarong ritwal na pagkarigos.[3]
Mga klase depende sa katuyohan
baguhonAn Ghusl nagigin obligatoryo para sa pitong mga kawsa, asin an ghusl para sa kada saro sa mga manlaenlaen na kawsang ini na igwa nin manlainlain na mga ngaran:
- Ghusl Janabat iyo an ghusl na ginigibo pagkatapos nin pagkikitoan/pagluwas nin kasit.
- Ghusl Hayd iyo sinusunod pagkatapos magregla.
- Ghusl Nifas iyo pagkatapos kan lochia (vaginal discharge pagkatapos mangaki, na posibleng mangyari sa laog nin 6 na semana pagkatapos mangaki)
- Ghusl Mayyit iyo an ghusl na ginigibo sa gadan na Muslim.
Sa ibang denominasyon, duwa pang kategorya inoobligar an ghusl:
- Ghusl Istihada iyo an para sa irregular na pagdugo (sa mga babae).
- Ghusl Mas-hil Mayyit nagigin obligatoryo kun an sarong tawo direktang dinotdot an sarong bangkay.[4]
An Ghusl nagigin man na obligatoryo na nagsusunod sa panuga nganing gibohon iyan.
Toltolan
baguhon- ↑ Sahih al-Bukhari, Volume 1, Book 12, Hadith number 817
- ↑ Sharh Mukhtasar, Volume 2, pg. 102
- ↑ Mohammad Taqi al-Modarresi (26 March 2016). The Laws of Islam (PDF) (in English). Enlight Press. ISBN 978-0994240989. Archived from the original (PDF) on 2 August 2019. Retrieved 22 December 2017.
- ↑ "Ghusl Explained QA". www.islamic-laws.com.