Herodez

Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask.

Herodez zo bet anv meur a zen, ha dreist-holl meur a roue e Palestina er Iañ kantved.

Yezhoù all

Herod, e kembraeg ha saozneg.
Hérode, e galleg.
Herodes, en alamaneg, daneg, izelvroeg, katalaneg, portugaleg.

Rouaned

Herodez Veur pe Herodez Iañ (-73, -4), roue Judea sujet d'ar Romaned, mab da Antipater a oa ministr gant Hyrcan II. Herodez Veur an hini a adsavas Eil Templ Jeruzalem, hag a c'hourc'hemennas, hervez Aviel Mazhev, Lazhadeg an Inosanted
- Herodez Arc'helaos ( 23 kent JK - 18 ), mab dezhañ, etnark Samaria, Judea, Idumea
- Herodez Antipas (-21, 39), tetrark Galilea ha Perea. Mab e oa da Herodez Veur. Eil pried Herodias e oa. Eñ an hini a c'hourc'hemennas marv Yann ar Badezour hervez an Testamant Nevez.
- Herodez Filipos, anv daou vab all da Herodez Veur,
  - Herodez Filipos Iañ, a oa mab da Mariamne, trede gwreg ar roue Herodez Veur. Tad Salome e oa
  - Herodez Filipos II (4 kent JK - 34), a oa mab da Gleopatra, pempvet gwreg ar roue Herodez Veur, a voe tetrark Iturea ha Trachonitis . Kentañ pried Salome e voe.
Herodez Agrippa Iañ (war-dro 10 kent JK - 44), roue Judea, anvet "Herod" en Oberoù an Ebestel. Niz e oa da Herodez Antipas.
Herodez Chalcis, anavezet ivez evel Herodez III (?-48), roue Chalcis (41-48) .
Herodez Agrippa II ( 27-100), mab da Herodez Agrippa Iañ. Tetrark Chalcis e oa, anvet ar "roue Agrippa" en Oberoù an Ebestel. Dirakañ eo e rankas Paol Tarsos en em zifenn.

Tud all

Herodez Atticus (101- 177) kelenner gresian karget da gelenn Marcus Aurelius. Anavet eo ivez dre ma lakaas sevel un odeon en Akropolis Aten hag un toullad monumantoù all.

Oberennoù

Hérode et Mariamne, trajedienn gant Voltaire.