Lyoudmila Roudenko
Lyoudmila Vladimirovna Roudenko (e ruseg: Людмила Владимировна Руденко, en ukraineg: Людмила Володимирівна Руденко /Ljudmila Wolodymyriwna Rudenko ) a zo bet ganet d'ar 27 a viz Gouere 1904 e Lubny, Ukraina (Impalaeriezh Rusia) ha marvet d'ar 4 a viz Meurzh 1986.
![](http://178.128.105.246/host-http-upload.wikimedia.org/wikipedia/br/0/07/SxakludistoRudenko.jpeg)
Meurc'hoarierez echedoù ukrainan ha soviedat.
Mestr Etrebroadel e oa.
Kregiñ a reas gant an tournamantoù echedoù e 1925 goude bout bet graet hec'h annez e Moskov.
Da Leningrad ez eas goude. Eno e timezas gant ar skiantour Lev Davidovich Goldstein. E 1929 e krogas da bleustriñ an echedoù gant ar mestr Peter Romanowski.
E-pad an Eil brezel bed, Lyoudmila Roudenko a aozas un treniad a vugale da gas kuit eus Leningrad. Hervezi e oa bet an dra pouezusañ graet e-pad he buhez.
Kampionadez ar bed e kampionad ar maouezi adalek 1950 betek 1953.