Ségou
Dinas yn ne canolbarth Mali, gorllewin Affrica, sy'n gorwedd 235 km (146 milltir) i'r gogledd-ddwyrain o Bamako ar afon Niger, tua hanner ffordd rhwng y ddinas honno a Mopti yw Ségou (hefyd Seku, Segu weithiau). Mae'n ganolfan weinyddol y rhanbarth o'r un enw. Sefydlwyd Ségou gan y bobl Bozo yn 1620, ar safle sy'n gorwedd tua 10 km (6.2 milltir) y tu allan i'r ddinas bresennol. Gyda phoblogaeth o tua 100,000, Ségou yw dinas drydedd fwyaf Mali.
![]() | |
Math | dinas, dinas fawr ![]() |
---|---|
Poblogaeth | 133,501 ![]() |
Sefydlwyd | |
Cylchfa amser | UTC±00:00 ![]() |
Gefeilldref/i | Angoulême ![]() |
Daearyddiaeth | |
Sir | Ségou Region ![]() |
Gwlad | ![]() |
Arwynebedd | 37 km² ![]() |
Uwch y môr | 274 metr ![]() |
Cyfesurynnau | 13.45°N 6.27°W, 13.4317°N 6.2157°W ![]() |
![]() | |
Yn y gorffennol roedd Ségou yn brifddinas Ymerodraeth Bambara ac felly mae ganddi ran bwysig yn hanes Mali. Cyfeirir ati weithiau fel dinas y “Balanzan”, ar ôl y goeden acesia leol, acacia albida. Trwy gydol ei hanes mae Ségou wedi mwynhau perthynas masnachol agos â dinasoedd Djenné a Tombouctou (Timbuktu), ac mae'n aros yn ganolfan masnachu grawnfwyd a gwartheg er bod gwaith crochenwaith a physgota yn bwysig hefyd.
![](http://178.128.105.246/host-http-upload.wikimedia.org/wikipedia/commons/thumb/4/4d/Segou_market2.jpg/250px-Segou_market2.jpg)
Dolennau allanol
golygu- Segou Tourisme (fr) Archifwyd 2012-12-05 yn archive.today