Sonia Delaunay
Sonia Delaunay (naskonome ruse Сарра Ильинична (Элиевна) Штерн) (naskiĝis la 14-an de novembro 1885 en Odeso, mortis en la 5-an de decembro 1979 en Parizo) estis franca pentristino kaj dezajnistino de ukraina deveno, edziniĝinta kun la pentristo Robert Delaunay.
Sonia Delaunay | |
---|---|
![]() | |
Persona informo | |
Aliaj nomoj | Stern, Sara Elievna • Terk, Sonia • Uhde, Mrs. Wilhelm • Delaunay, Mrs. Robert |
Naskiĝo | 14-an de novembro 1885 en Hradyzk |
Morto | 5-an de decembro 1979 (94-jaraĝa) en Parizo |
Tombo | Gambais ![]() |
Lingvoj | franca • rusa |
Ŝtataneco | Rusia Imperio Francio ![]() |
Alma mater | Ukrainio ![]() |
Familio | |
Patro | Elie Stern (en) ![]() ![]() |
Edz(in)o | Wilhelm Uhde (1908–1910) Robert Delaunay ![]() |
Infano | Charles Delaunay ( ![]() ![]() |
Okupo | |
Okupo | pentristo tapestry designer (en) ![]() desegnisto gravuristo dezajnisto mododezajnisto bindisto ![]() |
Inspirita de la formoj de kubismo kaj de la koloroj de Paul Gauguin, Vincent van Gogh kaj de orfeistoj, ŝi disvolvis, ekde 1910, stilon bazitan sur la supermeto aŭ 'simultana kontrasto' de puraj koloroj rompitaj en prismoj. Oni konsideras ŝin la reĝino de Art Deco.
Ŝi estis mallongtempe edziniĝinta kun la kritikisto kaj vendisto Wilhelm Uhde; en 1910 ŝi edziniĝis kun Robert Delaunay.
Ŝi ekspoziciis pentraĵojn, tolaĵojn kaj bindaĵojn realigitajn per tiu teĥniko kaj ankaŭ dezajnis kostumojn por teatro.
En la 1920-aj jaroj Delaunay dediĉis sin al dezajno de vestaĵoj kaj al siaj telaĵoj permane pentritaj per brilaj koloroj kiuj revoluciis la teksaĵ-dezajnon.
Post 1940 ŝia stilo fariĝis pli delikata kaj simpla, ĉefe en guaŝoj, kie ŝiaj kromataj eksperimentoj atingis novajn rekordojn de rafineco.
En 1964, la "Musée d'Art Moderne" de Parizo ricevis donacaĵon de 58 verkoj de ŝi, kiuj estis ekspoziciitaj en Luvro, per kio ŝi fariĝis la unua vivanta virino, kiu vidis siajn pentraĵojn ekspoziciitaj en tiu muzeo de Parizo.
En 1975 ŝi estis dekoraciita per Honora Legio.
Bibliografio
redakti- Carmen Verlichak, Las diosas de la Belle Époque y de los 'años locos', Editorial Atlántida, Bonaero, 1996 (ISBN 950-08-1599-0)
Eksteraj ligiloj
redakti- Julio Maryann De, Biografio de Sonia Delaunay
Fonto
redaktiEn tiu ĉi artikolo estas uzita traduko de teksto el la artikolo Sonia Delaunay en la hispana Vikipedio.