Jarnsaxa (lúa)
Jarnsaxa ou Saturno L, é unha pequena lúa de Saturno. Foi descuberta por Scott S. Sheppard, David C. Jewitt, Jan Kleyna, e Brian G. Marsden o 26 de xuño do 2006, a partir de observacións feitas entre o 5 de xaneiro e o 29 de abril dese mesmo ano e recibiu a designación temporal de S/2006 S 6.
Jarnsaxa ten uns 6 kms de diámetro e orbita Saturno a unha distancia media de 18,5569 millóns de kms en 943,784 días, cunha inclinación orbital de 162.9° respecto da eclíptica (164.1° respecto do ecuador de Saturno), de movemento retrógrado e cunha excentricidade de 0,1918.
Recibiu o seu nome oficial a partir da mitoloxía nórdica, nesta mitoloxía, Jarnsaxa era un Jotun ou xigante. O nome de Jarnsaxa foi escollido por Alisha Toporski (cando tiña 8 anos de idade), Alisha era filla dun colega de Scott Sheppard.
Notas
editar- Institute for Astronomy Saturn Satellite Data
- IAUC 8727: Satellites of Saturn 30 de xuño de 2006 (descubrimento)
- MPEC 2006-M45: Eight New Satellites of Saturn 26 de xuño do 2006 (descubrimento e efemérides)
- MPEC 2007-D79: S/2006 S 6 28 de febreiro de 2007 (recuperación)
- IAUC 8873: Satellites of Saturn 20 de setembro do 2007 (nomeando)
Véxase tamén
editarOutros artigos
editar