Larva
En bioloxía chámase larva a calquera forma dun animal en desenvolvemento (ou sexa, que aínda non atinxiu a maduración sexual que é diferente do estado adulto).
![](http://178.128.105.246/host-http-upload.wikimedia.org/wikipedia/commons/thumb/1/1e/Libeli%C3%B1a143eue.jpg/220px-Libeli%C3%B1a143eue.jpg)
A larva pode ter un aspecto semellante ao adulto ou ter formas completamente diferentes, como é o caso dos estados larvarios das bolboretas ou da libeliña. En calquera caso, aínda que a larva non posúe capacidade reprodutiva e non ten aínda totalmente formados tódolos órganos que caracterizan a especie, pode ter órganos que o adulto non ten.
O proceso de transición dun estado larvario a outro, ou ó estado adulto, chámase metamorfose.
Os mamíferos, aves e réptiles, colectivamente clasificados como Amniotas por teren en estado de embrión unha membrana chamada amnio, non presentan estados larvarios, presentan só un estado xuvenil. Cando o ovo eclosiona, ou sexa, cando o individuo nace, ten xa tódolos órganos que posúen os adultos, inda que poidan non estar totalmente formados.
A única estrutura que o xuvenil dos Amniota pode posuír e que perde a seguir á eclosión é un "dente" córneo na extremidade da cabeza que o axuda a quebrar a casca do ovo, no caso de que a súa membrana exterior estea calcificada, como ocorre coas aves e algúns réptiles.
Lista de larvas
editarLista alfabética das larvas dos invertebrados:
- Larva acantor (Acantocéfalos)
- Larva anfiblástula (Poríferos)
- Larva auricularia (Holoturoideos)
- Larva actinotroca (Foronídeos)
- Larva actínula (Hidrozoos)
- Larva bipinnaria (Asteroideos)
- Larva braquiolaria (Asteroideos)
- Larva celoblástula (Poríferos)
- Larva cercaria (Trematodos)
- Larva cidípida (Ctenóforos)
- Larva cifonauta (Briozoos)
- Larva cipris (Cirrípedos)
- Larva coracidio (Cestodos)
- Larva cotilocidio (Trematodos)
- Larva dauer (Nematodos)
- Larva Desor (Heteronemertinos)
- Larva diporpa (Monoxeneos)
- Larva equinoderoide (Nematomorfos)
- Larva estrongiloide (Nematodos)
- Larva de Göte (Turbelarios)
- Larva hexacanta ou oncosfera (Cestodos)
- Larva infusoriforme (Rombozoos)
- Larva dipléurula (Equinodermos)
- Larva doliolaria (Crinoideos, Holoturoideos)
- Larva estomoblástula (Poríferos)
- Larva equinoplúteus (Equinoideos)
- Larva gloquidio (Bivalvos)
- Larva metacercaria (Trematodos)
- Larva microfilaria (Nematodos)
- Larva miracidio (Trematodos)
- Larva mitraria (Poliquetos)
- Larva de Müller (Turbelarios)
- Larva nauplio (Crustáceos)
- Larva ofioplúteus (Ofiuroideos)
- Larva oncomiracidio (Monoxeneos)
- Larva pandora (larva) (Ciclióforos)
- Larva parenquímula (Poríferos)
- Larva pedivelígera (Bivalvos)
- Larva pericalimna (Escafópodos)
- Larva pilidio (pillidium) (Nemertinos)
- Larva pseudotrocófora (Poliplacóforos)
- Larva plánula (Cnidarios)
- Larva plúteus (Equinoideos, Ofiuroideos)
- Larva rabditoide (Nematodos)
- Larva redia (Trematodos)
- Larva tornaria (Enteropneustos)
- Larva trilobítica (Quelicerados Merostomata)
- Larva trocófora (Poliquetos, Moluscos, Equiuroideos, Entoproctos)
- Larva velíxera (Gasterópodos)
- Larva zoea (Crustáceos)
Larvas dos vertebrados:
Galería de imaxes
editar- Vexa o artigo principal en Galería de imaxes de larvas de Galicia
Este artigo sobre zooloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |