Star Wars
Star Wars (in interlinguaa: Guerras Stellar) es un serie cinematographic de fiction scientific create per le inscenator, productor e director George Lucas.
![]() Star Wars |
---|
instantia de: franchitia multimedial[*], brand[*] |
![]() |
|
sito web official: https://www.starwars.com/ |
Commons: Star Wars |
![]() |
« Ante multe tempore, in un galaxia lontan lontan.... »
|
Origine
modificarGeorge Lucas dirigeva un film de fiction scientific, que esseva solmente pro alicun menses appellate Star Wars. Ben que on sperava solmente que se recuperarea le investimento del cinema, iste film esseva un triumpho. Tres annos plus tarde, appareva su secunde parte (Le Imperio Contra-attacca) e finalmente le tertie parte (Le Retorno del Jedi) que tunc George Lucas considerava como le ultime film del saga.
Nonobstante, le films provocava le devotion de multe spectatores a su historia e como consequentia surgeva varie comics, novellas e innumerabile souvenirs correspondente al thema, totevia commercialisate.
In 1997, George Lucas re-editava le tres films meliorante lor qualitate visual e sonor, restaurante alicun scenas previemente supprimite, aggregante animation facite per computator. Il existe un ample confusion con respecto de si le prime cinema esseva appellate "Episodio I" o "Episodio IV", ben que existe personas qui affirma que le nomine del mesme esseva mutate de I a IV in iste re-edition de 1997, lo que es absolutemente false, como on potera constatar si on ha le versiones in video ante que le creation de iste version digital. In altere parolas, George Lucas comenciava a filmar le saga in le quarte episodio, con minus de effectos special que ille requireva.
Cinema
modificarLe argumento del cinema es ubicate "Multe tempore retro, in un galaxia multo, multo distante..." (del nostre) (iste phrase que appare habitualmente al initio de omne historia). Illac, se ha date durante seculos un confrontation inter le "latere luminose del Fortia" (representate per le Jedis, protectores del galaxia) e le "latere obscur" (representate per le Siths).
Al initio, il es narrate como le Republica, que consisteva del majoritate del systemas planetari del galaxia, se confronta a un terribile guerra, in parte per le manos de Darth Sidious (un mysteriose maestro Sith). Le historia narra super le apprentisse de Jedi, Anakin Skywalker, e su perversion al latere obscur. Depost, le historia narra le disparition del corrupte Republica Galactic, e su substitution per un Imperio Galactic oppressor (que recorda al Roma ancian), con su imperator Palpatine (maestro Sith) e su apprentisse Darth Vader.
In le trilogia original, le cavalleros Jedi ha essite exterminate, e solmente un parve gruppo de rebellos resiste al Imperio. Le existentia de un terribile arma imperial, le Stella del Morte, causa le recrutamento de un juvene, Luke Skywalker (filio de Anakin), como parte del Alliantia Rebelle, e su formation a Jedi initialmente per Obi-Wan Kenobi e posteriormente per Yoda.
Le films del saga es facite como un sol historia narrate in sex episodios:
- Star Wars Episodio I: Le Menacia Phantasma (The Phantom Menace, 1999-05-19)
- Star Wars Episodio II: Le attacco del clones (Attack of the Clones, 2002-05-16)
- Star Wars Episodio III: Le vengiantia del Sith (Revenge Of The Sith, 2005-05-19)
- Star Wars Episodio IV: Un nove sperantia (A New Hope, 1977-05-25)
- Star Wars Episodio V: Le imperio contra-attacca (The Empire Strikes Back, 1980-05-21)
- Star Wars Episodio VI: Le retorno del Jedi (Return of the Jedi, 1983-05-25)