Kongreso di Wien
Kongreso di Wien, di ambasadisti di Europana stati, sequis la fino di Napoleonala militi.
![](http://178.128.105.246/host-http-upload.wikimedia.org/wikipedia/commons/thumb/a/a5/CongressVienna.jpg/300px-CongressVienna.jpg)
Ol komencis ye 18 di septembro 1814. Ol kunvokesis pos la vinkeso en mayo 1814 di la Francia di Napoléon dal armei dil Austriana Imperio, Unionita Rejio, la Rusian imperio e Prusia. Plura nacionala reprezentanti kunvenis por traktar la politikal aferi di la kontinento. La skopo di la kongreso esis atingar duranta paco per equilibro di la nacioni di Europa. Nula plena kunsido eventis; esis diversa diskutado di la reprezentanti en mikra neformala kunsidi. La finala konkordo, pri la proprieto di diversa landi inter la lora autoritati di Europa, esis signata ye 9 di junio 1815; ol esis framo por Europala politiko qua duris til la unesma mondomilito.