Tir
En mitolojia germanica antica (incluinte mitolojia norsce antica), Tir (Týr en norsce vea, Tíw en engles vea, Ziu en deutx alta vea) es un dio. La nom deriva de la protogermanica *Tīwaz e ultima de la protoindoeuropean *Dyeus. Poca informa sur la dio survive estra fontes de norsce vea. Alga studiantes proposa ce Tir ia ave un rol plu sentral entre la dios de mitolojia germanica vea.
![](http://178.128.105.246/host-http-upload.wikimedia.org/wikipedia/commons/thumb/1/18/Tyr_and_Fenrir-John_Bauer.jpg/220px-Tyr_and_Fenrir-John_Bauer.jpg)
Tir comparti sua nom con la runa Tiwaz, corespondente a la letera roman T. Par compara con la dio roman Marte, sua nom es ance usada per la nom germanica per martedi, como Tuesday en engles e Dinsdag en Nederlandes. En fontes latina de la sentenio 3, el es refereda como Mars Thingsus, pd "Marte de la Ting", cual refleta la asosia prosima entre Tir e la corpo legal de la popla germanica antica, la Ting ''þing''.
Tir sacrifia sua mano o braso a la lupo-monstro Fenrir, ci morde el en la avenis de Ragnarok. El es descriveda como la fio de la jotun Hymir (en la Hyminskvida) o de la dio Odin (en la Skaldskaparmal).La Lokasenna refere a un sposa real no nomida, posible refletada en un nota en la germanica continental de un diva Zisa.
Locas variosa usa sua nom en Scandinavia, e un varia de ojetos trovada en England e Scandinavia cual depinta posible la dio.