Bundsautobahn 2
De Bundsautobahn 2 (Afk.:BAB 2, in Kortform ok A 2 nöömt) is en Autobahn in Düütschland, de vun Overhus an’n Noordrand vun’t Ruhrrebeet langs dör’t süüdliche Mönsterland, Oostwestfalen un dat Werserbargland wieter bit na Hannober verlöpt, un denn wieter na Meideborg, över de Elv bit na Berlin, woneem se an’t Autobahndreeeck Werder in’n westlichen oder südlichen Deel vun Berliner Ring (BAB 10) inmünnt. De Autobahn hett en Samtläng vun 486 km.
![](http://178.128.105.246/host-http-upload.wikimedia.org/wikipedia/commons/thumb/3/33/Bundesautobahn_2_number.svg/220px-Bundesautobahn_2_number.svg.png)
![](http://178.128.105.246/host-http-upload.wikimedia.org/wikipedia/commons/thumb/e/e9/Map_D_A2.svg/180px-Map_D_A2.svg.png)
Blangen de BAB 3 höört de A 2 vun wegen ehr grote Bedüden as Oost-West-Ass to de Autobahnen in Düütschland, de an’n meisten befohren warrt. Vun wegen de grote Tall vun poolsche Autofohrers hett de Autobahn 2 den Ökelnaam Warschauer Allee afkregen.
Historie
ännernDe A 2 – vun Overhus af de A 3 – is in de 1930er Johren as Verbinnen vun Berlin mit dat Ruhrrebeet un dat Rhienland entstahn.
Plaant worrn is de Autobahn twüschen September 1933 un Dezember 1934 dör de Autobahnsekschonen in Düsseldörp, Hannober un Merseburg. As Verbinnen vun’t Rebeet Rhien-Ruhr is de Autobahn mit Afsicht in’n nöördlichen Deel vun’t Ruhrrebeet leggt worrn, vun wegen dat de Bargbo na Noorden wannern de un man de Bargsenkrebeden ümgahn wull. In’n Ruum Oostwestfalen folg de Plaan de Sworpunkten vun’t Besiedeln. Bi Hannober harr man de A 2 över en korten Afsnitt süüdlich an de Stadt vörbitoföhren künnt. To de Tiet weer aver Hannober enn vun de bedüdensten Steden vun’n düütschen Luftverkehr un de Flaaghaven leeg in’n Noorden vun Hannober. Dorüm is en nöördliche Ümgahn vun de Stadt beslaten worrn, Dorto keem, dat in’n Noorden ok de Göderbahnhoff leeg, en Inudstrierebeet plaant weer un ok de Bodden beter för’n Bo egent weer. För den Afsnitt twüschen Hannober un Berlin geev dat dree Mööglichkeiten, de ünnersöcht worrn sünd. De nöördliche schüll över Stendal verlopen un denn in’n Noorden vun Berlin an’n Berliner Ring ansluten. Dat weer de körtste Streck för en Verlängern in Richt na Stettin un Königsbarg, över de nadacht worrn is. De Nadeel weer dorbi, dat de Streck dör en Rebeet föhrt harr, dat blots dünn bewahnt weer un woneem de Iesenbahn al de Hööftverkehrsader weer. De middlere Streck harr Genthin un Brannenborg an de Havel tangeert u weer op de Mitt vun Berlin tolopen. Man ok dor weer’t dat glieke as bi de nöördliche Variante, dat dat Land blots dünn bewahnt weer un die Iesenbahn al dörgahn de. Dorto keem noch, dat op dissen Verloop tallrieke Moorrebeden un Seen weern, de den Bo swor maakt harrn. Boet worrn is opletzt de süüdliche Streck, de dör dat Rebeet mit de meisten Inwahners föhren de un de Mööglichkeit geev, na Breslau oder Frankfort an de Oder un Warschau verlängert to warrn. Vörsehn weer de Bo vun twee 3,75 m brede Fohrstriepens in jede Richt mit en Middelstriepen vun 4,20 m Breed op de hele Läng vun de Autobahn. Mit de Betonleddstriepen un de Banketten harr de Konstrukschoon en Breed vun 24 Meter. Se weer för Snelligkeiten vun tomindst 160 km/h utleggt mit Utnahm vun den Afsnitt in’n Teutoborger Woold.
De Bo is gliektietig an tosamen twölf Steden angahn worrn. As eerst weer de 32 km lange Afsnitt twüschen Bronswiek-West un Lehrte an’n 5. April 1936 för’n Verkehr freegeven. Dree wietere Afsnitten twüschen Hannober-Oost bit Lehrte (10 km), Bronswiek-Oost bit Helmstidde (43 km) un Werder bit Borg (85 km) kemen an’n 17. August 1936 dorto. An’n 10. Januar 1037 is de 55 km lange Afsnitt twüschen Borg un Helmstidde freegeven worrn. Dormit weer de Berliner Ring nu mit Hannober verbunnen. 1937 is ok in’n westlichen Deel twüschen Düsseldörp un Riäkelhusen de eerste Afsnitt apen maakt worrn. Dat bedüden Kamener Krüüz in’n Noordoosten vun Düörpm, woneem de A 2 de A 1 krüüzt, is an’n 12. November 1938 tosamen mit den Afsnitt twüschen Riäkelhusen un Göütsel freegeven worrn. Na dat Schkeuditzer Krüüz (BAB 9/BAB 14) weer dat dat tweete Autobahnkrüüz, dat in Düütschland as Kleverblatt utföhrt worrn is. För den sülven Dag weer ok de Freegaav för den Afsnitt vun Göütsel na Builefeld vörsehn, man de künn nich maakt warrn vun wegen en Eerdrutsch in’n Teutoborger Woold. Eerst to’n 15.Dezember weer de Schaden wedder an de Siet un de Streck künn apenmaakt warrn. An’n glieken Dag weer ok de Afsnitt bit Iuffeln un Hiarwede freegeven, na dat an’n Dag vörher al de Afsnitt twüschen Nenndörpe un Hannober inweiht worrn is. Dormit fehl denn blots noch dat Stück twüschen Nenndörpe un Iuffeln, de an’n 23. September 1939 mit Inschränken freegeven worrn is. Disse Deel künn blots noch mit een Fohrstriepen fardigstellt warrn, vun wegen dat de Tweete Weltkrieg anfungen harr. De Autobahn weer dorüm op den Afsnitt blots för den so nöömten Deenstverkehr vörsehn. Ünner den Insatz vun poolsche Dwangsarbeiters un Kriegsfangenen is de Afsnitt bit to’n 14. November 1940 bit op en ruchweg dree Kilometer langen Deel in’t Rebeet vun de Werser bi Bad Öinusen torecht maakt worrn. De letzte Deel is eerst na’n Krieg fardig maakt worrn. In’n Verloop vun de Autobahn sünd tohopen 230 Brüchen boet worrn.
In de DDR weer de Bundsautobahn 2 een vun de Transitweeg na dat Transitafkamen.Op en Verkehrskoort vun de DDR ut dat Johr 1979 is dat Deelrebeet twüschen den Grenzövergang Marienborn un den dormoligen Aftwieg Meideborg, wat hüüt dat Dreeeck Werder is, blots mit’n T för Transitstreck kenntekent. Op en latere Koort vun 1988 stünn de Tosatz E 30 dorbi för Europastraat 30. För den binneren Bruuk harr de Autobahn de Beteken A 11. Wiel de Tiet vun de Düütsche Delen is över den Grenzövergang Helmstidde-Marienborn de gröttste Deel vun’n Transitverkehr afwickelt worrn vun wegen den lütteren Afstand na West-Berlin.
To Anfang füng de Autobahn al an de nedderlännschen Grenz Straelen/Venlo an un hett vun’t Autobahnkrüüz Kaiserbarg gemeensom as A 2 un A 3 bit na’t Krüüz Overhus, woneem sik de A 3 in Richt Arnem wedder vun de Streck scheedt. As dat 1992 losgüng, de Anslussteden to nummereeren, sünd dubbelte Tallen vun Autobahnkrüzen un -anslusssteden as ok dubbelte Naams as de Streck A 2/A 3 twüschen Duisborg un Overhus weg kamen. Dat Stück twüschen Venlo un Duisborg tellt vundaag to de A 40.
Utbo
ännernDe BAB 2 is op wiete Strecken al op söss Fohrsporen utboet worrn. In Noordrhien-Westfalen is se aver noch veelfach veersporig un kann dat hoge Verkehrsopkamen faken nich opnehmen. Es sünners drange Steed is vör allen dat Kamener Krüüz bekannt, woneem sik twee vun de Hööftverkehrsadern – neemlich de A 2 un A 1 – vun Düütschland krüüzt. Dat Krüüz warrt dorüm opstunns ümboet un mit en halfdirekten Ramp (en so nöömt Fly-over) in de Fohrtricht Berlin-Köln versehn. De eerste Ümbostoop mit den Bo vun de ne’en Brüchen för de Ramp is bit to de Football-Weltmeesterschop 2006 afslaten worrn. In de Folg warrt nu dat Krüüz an den sösssporigen Utbo vun de A 2 anpasst.
De Lücken twüschen de Anslusssteden Gelsenkiärken-Buer un Hiätten (in’n Mai 2006 fardig worrn), twüschen Düörpm-Noordoost un Düörpm-Noordwest (bit Mitt vun 2007) as ok twüschen Hamm-Uentrop un Hamm (in’n Dezember 2008 fardigstellt) sünd al slaten worrn. Dat 8,8 km lange Deelstück twüschen dat Kamener Krüüz un de Anslusssteed Hamm schall bit 2010 afslaten wesen. Denn schall de vullstännige A 2 in Nordrhien-Westfalen op söss Sporen utboet wesen Zitat-Fehler: Ungülligen Tag <ref>: ungüllige Naams, to’n Bispeel to veel..
Sünnerheiten
ännernWat Sünners is de Anslusssteed Düörpm-Lanstrop, de blots as Tofohrt to de Mülldeponie in’n Noordoosten vun Düörpm boet worrn is. De Mülllastwagens fohrt to’n groten Deel över de Autobahn an, nehmt op’n Rüchweg aver de Straten binnen de Stadt.
To kennen is disse Steed vun wieten dör dat so nöömte Lanstroper Ei. Dat is’n ollen Watertoorn ut Stahl op en Anhööch op de Süüdsiet, de ruchweg 400 Meter wiet vun de Autobahn weg steiht. In de Twüschentiet hett sik de Stadt Düörpm, de de Utfohrt na Lanstrop boet hett, mit de Stadt Lünen eenigt, dat ok op de annern Siet, also op Lünener Rebeet, en Tofohrt boet warrn schall. De Bo schüll 2007 losgahn. Wenn de nöördliche Op- un Affohrt fardigstellt is schall de Anslusssteed in Lünen-Süüd ümnöömt warrn.
In’n Oosten vun de Affohrt Lehrte warrt in Richt na Bronswiek de linke vun dree Sporen afscheedt, vun wegen dat 1986 bi’t Neemaken vun de Iesenbahnbrüch över de Bahnlien Lehrte-Celle de olle Breed vun de oorsprünglichen Brüch vun 1936 bedacht warrn müss.
De middlere Gröönstriepen is op de A 2 mit veer bit fief Meter faken teemlich breed. Op’n korten Afsnitt an’t Krüüz Bad Öinusen (Krüüz mit de A 30) hebbt de beiden Richtfohrbahnen sogor egene Streckenföhren, so dat de Gröönstriepen an disse Steed en poor Dutzen Meter breed is. Ok Bööm wasst dor.
In Biäkem-Viällern överspannt kort vör de Affohrt Üöle de eerste un dormit öllste Balkenbrück in de Welt, de ut Spannbeton mit prompten Verbund maakt is, de A 2. Se is 1938 boet worrn.
De ne’e Inhusen (2007, offiziell: Tunnel Erle) in Gelsenkiärken-Erle is as Gröönbrüch utföhrt worrn, de Deel is vun en Park.
De Dörpskark in’n hüütigen Oortsdeel Eksta vun de Stadt Vläode is to Pingsten 1959 as eerste evangeelsche Autobahnkark vun Düütschland inweiht worrn.
Borns
ännern
Weblenken
ännernStrecken in Bedriev:
Hööftstrecken: A 1 | A 2 | A 3 | A 4 | A 5 | A 6 | A 7 | A 8 | A 9
Över- un regional: A 10 | A 11 | A 12 | A 13 | A 14 | A 15 | A 17 | A 19 | A 20 | A 21 | A 23 | A 24 | A 25 | A 26 | A 27 | A 28 | A 29 | A 30 | A 31 | A 33 | A 37 | A 38 | A 39 | A 40 | A 42 | A 43 | A 44 | A 45 | A 46 | A 48 | A 49 | A 52 | A 57 | A 59 | A 60 | A 61 | A 62 | A 63 | A 64 | A 65 | A 66 | A 67 | A 70 | A 71 | A 72 | A 73 | A 81 | A 92 | A 93 | A 94 | A 95 | A 96 | A 98 | A 99
Regional un lokal: A 100 | A 103 | A 111 | A 113 | A 114 | A 115 | A 117 | A 143 | A 210 | A 215 | A 226 | A 255 | A 261 | A 270 | A 280 | A 281 | A 293 | A 352 | A 391 | A 392 | A 395 | A 445 | A 480 | A 485 | A 516 | A 524 | A 535 | A 540 | A 542 | A 544 | A 553 | A 555 | A 559 | A 560 | A 562 | A 565 | A 571 | A 573 | A 602 | A 620 | A 623 | A 643 | A 648 | A 650 | A 656 | A 659 | A 661 | A 671 | A 672 | A 831 | A 861 | A 864 | A 952 | A 980 | A 995
Plaant oder ehmolige Strecken:
A 16 |
A 18 |
A 22 |
A 32 |
A 34 |
A 35 |
A 36 |
A 41 |
A 47 |
A 50 |
A 51 |
A 54 |
A 55 |
A 56 |
A 69 |
A 74 |
A 77 |
A 80 |
A 82 |
A 83 |
A 84 |
A 85 |
A 86 |
A 87 |
A 88 |
A 89 |
A 90 |
A 91
A 102 |
A 104 |
A 105 |
A 106 |
A 107 |
A 205 |
A 227 |
A 241 |
A 250 |
A 252 |
A 253 |
A 263 |
A 282 |
A 290 |
A 314 |
A 339 |
A 369 |
A 376 |
A 388 |
A 430 |
A 432 |
A 441 |
A 443 |
A 448 |
A 451 |
A 480* |
A 533 |
A 545 |
A 552 |
A 558 |
A 580 |
A 610 |
A 621 |
A 647 |
A 652 |
A 653 |
A 654 |
A 655 |
A 680 |
A 683 |
A 687 |
A 713 |
A 720 |
A 722 |
A 731 |
A 751 |
A 752 |
A 753 |
A 828 |
A 834 |
A 840 |
A 860 |
A 862 |
A 863 |
A 863* |
A 881 |
A 895 |
A 921 |
A 922 |
A 942 |
A 944 |
A 985 |
A 990 |
A 991 |
A 992 |
A 993 |
A 994 |
A 996 |
A 997 |
A 998 |
A 999
* ehmolig Plaan, Tall is intwüschen anners vergeven