Diastool
De Diastool (afleidt vun’t gr. διαστολή „Utwieten, Dehnen“) betekent de Phaas vun’n Bloodkreisloop, in de dat Blood in de Hartkamern inströmt. Dat Gegendeel dorto is de Systool.
![](http://178.128.105.246/host-http-upload.wikimedia.org/wikipedia/commons/2/2d/Heart_diastole.png)
Bi de Diastool slappt de Hartmuskel af. In en EKG ist dat de Phaas, de twüschen en T-Bülg (mitünner ok U-Bülg) un de dorop folgen P-Bülg liggt. Se warrt Indeelt in de:
- Entspannungsphaas: dat is de Tiet na de Systool, in de noch all Hartklappen slaten sünd.
- fröhe Füllphaas: de Hartkamern suugt dor dat Blood in, wobi de Taschenklappen dicht sünd, man de Seilklappen apen staht.
- late Füllphaas: de Vörhöff treckt sik tohopen un „schufft“ so noch ’n beten Blood in de Hartkamer. Dorna fangt de Systool mit de Anspannungsphaas an un de Klappen sluut sik wedder.