Willy Jürissen
Willy Jürissen (* 13. Mai 1912 in Overhus; † 30. Oktober 1990) weer en düütsch Footballspeler.
De ut den OTV 73 Oberhausen hervörgahn Doorhöder keem över Viktoria 09 Oberhausen 1931 to Rot-Weiß Oberhausen. As Liddmaat vun dissen Vereen keem he in de Johren 1935 bit 1939 to all tosommen söss Lännerspelen för de Düütsch Footballnatschonalmannschap.
De „Gentleman in Door“ gull as bannig goot in de Straafruumbeherrschen un in de Luft, an' Grund rünner gung he dorgegen nich so geern. Sien dordör immer adrett Uptreden, ünnerstreeken dör sien witt Doorhöderhannschen (tominst to'n Anfang vun sien Loopbahn) un sien immer vörhannen Kamm in sien Moorstasch, broch hüm bald den Ökelnaam „Pomaden-Willy“. Dennoch, oder villicht ok jüst deswegen, gull he in Overhus as Idol. För Överhus hett he ok mehrere Doren as seker Elfmeterschütt schaaten.
Wiels den Tweeten Weltkrieg deen Jürissen as Suldat in Neddersassen un speel dor för Eintracht Braunschweig. Af 1942 weer de Natschonalspeler as Gastspeler bi den Luftwaffen-Sportverein Hamburg aktiv, mit de he 1943 in dat DFB-Pokalfinale gegen Vienna Wien (2:3) n.V. un 1944 in dat Endspeel um de Düütsch Meesterschap (4:0 för den Dresdner SC) stunn. Nah Kriegsenn' gung he aber weer nach Rot-Weiß Oberhausen torüch, wo he bit 1949 bleev. 1948 hett he de Trainerlizenz ünner Sepp Herberger maakt un traineer nebenbi den Spielverein Osterfeld 06.[1] To de Saison 1949/50 wurr he Spelertrainer bi de SpVgg Erkenschwick (1949 bit 1951), wo he sien Loopbahn utklingen leet. Nah de Speeltiet 1951/52 un den Afstieg ut de Böverliga West wurr he in Erkenschwick entlaaten.[2]
Nach sien Dood hett man en Sporthall in sien Heimatstadt nah hüm nömmt.
Weblenken
ännernEnkeld Nahwiesen
ännern- ↑ rwo-online.de: RWO-Chronik Saison 1948/49
- ↑ spvgg-erkenschwick.de: Oberliga West Saison 1951/1952