J'va
Ch't' articl'ye est êcrite en Jèrriais
|
Un j'va (Cotentinais : quevâ ; en Latîn: Equus caballus) est un mammiféthe à chabots, mangeux d'pliantes, tch'a 'té apprivouaîsi par les gens d'pis des mille ans.
Loceis | Mot seu | API | Mot puriel | API |
---|---|---|---|---|
Aoeur'gnaeux | ||||
Cauchais | ||||
Cotentinais | le quevâ | /ləkva/ | les quevâos | /lekva:o/ |
Guernesiais | lé ch'fa, lé ch'va | |||
Jèrriais | lé j'va, lé ch'va | les j'vaux | ||
Sèrcquiais | lé j'va | les j'vaux | ||
Peurch'ron | leu j'vâ | lé j'vaoux | ||
Crouésie à amendaer. |
Dans des pays, y'a des j'vaux sauvages, mais l'pus souvent lé j'va est eune bête dé travas ou un mouoyen dé transport pouor les gens. Temps pâssé, les j'vaux 'taient faits sèrvi dans la dgèrre pouor la caval'lie, mais achteu, dé même qué sus les c'mîns il' ont 'té rempliaichis par des machinnes.
![](http://178.128.105.246/host-http-upload.wikimedia.org/wikipedia/commons/thumb/6/64/Mounted.police.buckingham.palace.arp.jpg/220px-Mounted.police.buckingham.palace.arp.jpg)
Y'a des difféthentes manniéthes dé j'va:
- Jèrriais : j'va d'course (pur-sang), Guernésiais : ch'fa d'cours
- pônîn
- j'va d'limon
- j'va d'selle
- Jèrriais : j'va d'trait / j'va d'hèrnais, Guernésiais : ch'fa dé trait / ch'fa d'bras
- j'va d'tchéthue / j'va d'liée
Les zèbres et l's ânes né sont pon des j'vaux mais i' sont d'la même fanmil'ye.
Un j'va copé (ou j'va châtré, Guernésiais : ch'fa copaï) est un mâle tch'a 'té châtré, un êtalon tchi n'a pon 'té copé est un j'val entchi (Guernésiais : ch'fa entchaer).
La feunmelle est eune jeunment (Guernésiais : jument).
- i' n'est pon temps d'arrêter lé j'va quand l'hèrnais est vèrsé
- si l'Rouai n'avait pon d'bieaux j'vaux tch'est qu'en éthait?
- là où'est qu'un j'va s'couoche il y reste tréjous du pé
- i' n'faut pon aller pus vite qué ses j'vaux
- manque d'un cliou lé j'va pèrdit san fé
- j'va dounné, nou n'lî r'garde pon la dent
- il est trop tard dé freunmer l'êtabl'ye quand lé j'va est hors
- i' n'faut qu'deux ans pouor un j'va, mais i' faut vîngt ans pouor faithe un houmme
- frinc coumme eun j'va qui r'cule