Santi Ana e Joachin
I Santi Ana e Joachin, ancha se no i vien mìa mensionà inte i testi biblici, i xe venerà da ła devosion popołare che ła risałe al II secoło come spuxi, mare e pare de Maria e noni de Gesù.
![](http://178.128.105.246/host-http-upload.wikimedia.org/wikipedia/commons/thumb/6/6a/Masolino_008.jpg/220px-Masolino_008.jpg)
![](http://178.128.105.246/host-http-upload.wikimedia.org/wikipedia/commons/thumb/c/c4/Santi_gioacchino_e_anna.jpg/220px-Santi_gioacchino_e_anna.jpg)
Ła só storia ła vien cuntà par ła prima volta inte el Protovangelo de Giacomo, apocrifo atribuio al "fradeło del Signore", e dal Vangeło del Pseudo-Matteo.
Secondo ła tradision, Ana ła zera fioła de Achar e soreła de Esmeria, mare de santa Ełisabeta e nona del Batista. Prima de maridarse co Joachin, Ana ła zera sta spoxà do volte: da ła só prima union zera nata Maria, mujere de Cleofa e mare de Giacomo el Minore; da ła secónda Maria Sałomè, mujere de Zebedeo e mare dei apòstołi Giacomo el Magiore e Giovani.
El só matrimonio co Joachin, omo virtuoxo e sior de ła tribù de Giuda e de ła stirpe de Davide, no el gaveva prodoto fiołi, a cauxa de ła steriłità de só marío.
![](http://178.128.105.246/host-http-upload.wikimedia.org/wikipedia/commons/thumb/4/42/Giotto_-_Scrovegni_-_-06-_-_Meeting_at_the_Golden_Gate.jpg/220px-Giotto_-_Scrovegni_-_-06-_-_Meeting_at_the_Golden_Gate.jpg)
Mentre i zera separà, on anxeło el saria aparso a Ana e ghe gavaria dito che presto ła gavaria 'vù on fioło e in contemporanea l'angeło el saria aparso in sogno anca a Joachin. I du i se saria incontrà a ła porta aurea de Gerusałeme e i autori medievałi i vede inte el só casto baxo el momento de l'Imacołata concesion de Maria.
Controło de autorità | VIAF (EN) 120155150 · ISNI (EN) 0000 0001 0788 3393 · LCCN (EN) n81096009 · GND (DE) 118649418 · CERL cnp00578218 · WorldCat Identities (EN) n81-096009 |
---|