動物
動物是多細胞真核生命體裏向个一大類群,統稱爲動物界。動物身體个基本形態會隨著其發育而變得固定,通常是勒其胚胎發育个辰光,但別過也有个動物會勒其生命中有得變態个過程。
地质年代: 成冰纪 - 乃歇 | ||||||
---|---|---|---|---|---|---|
![]() | ||||||
生物分类法 | ||||||
|
![](http://178.128.105.246/host-http-upload.wikimedia.org/wikipedia/commons/thumb/f/f8/Elephant-ear-sponge.jpg/220px-Elephant-ear-sponge.jpg)
大多數動物能自發且獨立个移動探索,衹有極少數个動物(像珊瑚)是固定勒一點弗好移動。動物行爲學是研究動物行爲个科學,較著名个行爲理論是康納德·洛倫茨提出个本能理論。
已發覺个動物化石,多是在五億四千萬年前个寒武紀大爆發辰光个海洋物種。
特徵
编辑動物有幾種擔其與其他生物相區隔个特徵。動物是真核生物,且常莊是多細胞个[1] (例外請見黏體動物),昰個擔其與細菌搭大多數个原生生物相區隔。動物是消費者[2],通常在一個內腔中消化食物,昰個擔其與植物搭藻類相區隔。動物也因缺乏細胞壁而搭植物、藻類及真菌弗同。[3]所有个動物儕是能動个[4],若衹算一部份个生長期間。胚胎會有形成囊胚个辰光,箇是衹有動物才有个特徵。
結構
编辑除脫少部份(如海綿)个例外,動物儕有一個分化出分別組織个身體。昰眼組織包含肌肉(能收縮並控制身體个移動)搭神經組織(傳遞與接收訊號)。一般也會有個內部个消化腔,搭表皮連有一或兩個開口。有昰些組織个動物畀稱之爲真後生動物。
所有个動物儕有得真核細胞,且畀包在由膠原蛋白搭具彈性个糖蛋白所組成个獨特細胞外網絡裏向。昰些網絡作興會鈣化以形成甲殼、骨頭搭針骨等結構。在發育个辰光會形成一隻較可變動个架構,好讓細胞能移動且畀重新組織,好使得複雜个結構變得可能。相對个,其他如植物搭真菌等多細胞生物有畀細胞壁固定住位置个細胞,所以以漸進个生長方式來發育。另外,動物細胞特有个還有如下幾種細胞間个結合:緊密接合、間隙接合搭橋粒。
繁殖與發育
编辑幾乎所有个動物儕會進行某種類型个有性生殖。成熟个個體是雙倍體或多倍體个。佢拉有一些特化个生殖細胞,行減數分裂以產生較小可游動个精子或較大弗可動个卵子。精子搭卵子會結合成爲受精卵,且發育成新个個體。
交關動物也能夠行無性生殖。昰個可能發生在孤雌生殖(成熟卵嘸沒經過交配而產生),或一些經由斷裂生殖。
受精卵一開始會發育成一隻小球,稱之爲囊胚,在此進行重整搭分化。在海綿裏向,囊胚幼體會游到一個新个位置上並發育成一個新个海綿。而在其他大多數个類群中,囊胚則會進行更爲複雜个重整。囊胚一開始會內套以形成具有消化腔个原腸胚搭兩個各別个胚層-外胚層搭內胚層。在大多數个情況下頭,還會得有個中胚層在兩者之間。昰些胚層接著分化成各式組織搭器官。
大多數動物間接利用太陽光个能源來生長。植物利用太陽光來轉化出簡單个糖類,以一種稱之爲光合作用个過程。一開始是二氧化碳搭水,經由光合作用後,太陽光个能源畀轉化成葡萄糖中鍵結个化學能,並釋放出氧來。昰些糖類接著畀用來當做供植物生長个建材。當動物喫下去昰些植物(或喫下其他喫仔植物个動物),由植物產生出來个糖便會畀動物利用。昰些糖或者直接利用來幫助動物生長,或者畀分解脫,釋放出儲存个太陽能,以供動物活動个能量。此一過程稱之爲糖酵解。
生活在靠近海床上个深海熱泉搭海底冷泉等戶蕩个動物弗依靠太陽能。而是由化能合成个古菌搭細菌形成其食物鏈个基部。
勒中文維基辭典裡向尋動物。 |
註記
编辑- ↑ National Zoo. Panda Classroom (en). 原始文档勒2007-09-29存档. 访问日脚2007-09-30.
- ↑ Jennifer Bergman. Heterotrophs (en). 访问日脚2007-09-30.
- ↑ Davidson, Michael W.. Animal Cell Structure (en). 访问日脚2007-09-20.
- ↑ Saupe, S.G. Concepts of Biology (en). 访问日脚2007-09-30.
外部連結
编辑- 普克動物世界 档案,存勒互联网档案馆当中。(2008年4月30号)
- Tree of Life Project
- Animal Diversity Web - 密西根大學个動物資料庫,顯示生物分類、圖像搭其他資訊。
- ARKive - 全世界个瀕絕/保護物種搭英國个一般物種个多媒體資料庫。
- Scientific American Magazine (December 2005 Issue) - Getting a Leg Up on Land 有關從魚類到四肢動物个演化。
- LOFTER动物