Koester (voël)
Koester | |
---|---|
![]() | |
Vaalkoester in die Nasionale Bergkwaggapark, Oos-Kaap | |
Wetenskaplike klassifikasie | |
Domein: | |
Koninkryk: | |
Filum: | |
Klas: | |
Orde: | |
Familie: | |
Genus: | Anthus Bechstein, 1805
|
Spesies | |
c.40, sien teks. |
Koesters is klein sangvoëls met kriptiese grysbruin kleure bolangs en ligter grys of bont kleure onderlangs, wat veral in oop grasveld aangetref word. Hierdie voëls behoort aan die genus Anthus, wat onder die subfamilie Anthinae (wat die goudkoester en kalkoentjies insluit) en familie Motacillidae ressorteer. Die genus verteenwoordig alle koesters met die uitsondering van die afwykende maar naverwante goudkoester.
Hulle is vernoem na die anthos (Grieks), oftewel anthus in Latyn, ‘n veldvoëltjie (moontlik die geelkwikkie) wat deur Aristoteles en Plinius vermeld word.[1] Koesters deel oop, mesiese habitatte met die lewerikke en het ‘n soortgelyke voorkoms en nesmaakgewoontes. By albei taksa is die tersiëre slagvere verleng.[2] Koesters het egter ‘n bedeesde sang-repertoire, is skraler gebou en hul veredos het selfs meer besadigde, vaal kleure, wat aan die voor- of rugkant gevlek of gestreep kan wees.[3] Wanneer dié verslyt vertoon hulle donkerder omdat die bleker veersome verweer het.[3]
Hulle is oorwegend standvoëls maar die boom- en rooikeelkoesters is byvoorbeeld somergaste in Afrika. Die rooikeel- en geelborskoesters is die enigstes met ‘n opvallende broeikleed. Hulle is monogame, terrestriële voëls wat in die lente en somer op die grond nesmaak.[4] Die 2 tot 4 roomkleurige eiers is lig tot swaar gevlek, en die eierinkubasie- en kuikenperiodes duur elk in die omgewing van 12 dae tot knap oor twee weke.[4]
Etlike soorte is fisies so eenders dat hulle net deur noukeurige teleskopiese waarneming of in die hand uitgeken kan word.[3] In die hand lewer die stertpatroon, vlerkformule en lengte van die agterklou soms uitslag. In teenstelling met Anthus toon die unieke goudkoester (genus Tmetothylacus) opvallende gender-dimorfisme, terwyl hul tibiotarsus onderlangs ongeveerd is en hul bene besonder lank voorkom.[2]
Spesies
[wysig | wysig bron]![](http://178.128.105.246/host-http-upload.wikimedia.org/wikipedia/commons/thumb/6/65/AnthusButleriSmit.jpg/240px-AnthusButleriSmit.jpg)
![](http://178.128.105.246/host-http-upload.wikimedia.org/wikipedia/commons/thumb/f/f9/Anthus_crenatus_93100925%2C_crop.jpg/240px-Anthus_crenatus_93100925%2C_crop.jpg)
![](http://178.128.105.246/host-http-upload.wikimedia.org/wikipedia/commons/thumb/5/5a/Mountain_pipit%2C_Anthus_hoeschi%2C_at_Naude%27s_Nek%2C_southern_Drakensberg%2C_Eastern_Cape%2C_South_Africa._-_51852400709.jpg/240px-Mountain_pipit%2C_Anthus_hoeschi%2C_at_Naude%27s_Nek%2C_southern_Drakensberg%2C_Eastern_Cape%2C_South_Africa._-_51852400709.jpg)
![](http://178.128.105.246/host-http-upload.wikimedia.org/wikipedia/commons/thumb/e/ef/Oriental_Tree_Pipit.jpg/240px-Oriental_Tree_Pipit.jpg)
- Anthus antarcticus
- Anthus australis
- Anthus berthelotii
- Anthus bogotensis
- Anthus brachyurus — Kortstertkoester
- Anthus caffer — Bosveldkoester
- Anthus campestris
- Anthus cervinus — Rooikeelkoester
- Anthus chacoensis
- Anthus chloris — Geelborskoester
- Anthus cinnamomeus — Gewone koester
- Anthus correndera
- Anthus crenatus — Klipkoester
- Anthus furcatus
- Anthus godlewskii
- Anthus gustavi
- Anthus gutturalis
- Anthus hellmayri
- Anthus hodgsoni
- Anthus hoeschi — Bergkoester
- Anthus leucophrys — Donkerkoester
- Anthus lineiventris — Gestreepte koester
- Anthus longicaudatus — Langstertkoester
- Anthus lutescens
- Anthus melindae
- Anthus nattereri
- Anthus nilghiriensis
- Anthus novaeseelandiae
- Anthus nyassae — Boskoester
- Anthus pallidiventris
- Anthus petrosus
- Anthus pratensis
- Anthus pseudosimilis — Kimberleykoester
- Anthus richardi
- Anthus roseatus
- Anthus rubescens
- Anthus rufulus
- Anthus similis — Nicholsonse koester
- Anthus sokokensis
- Anthus spinoletta
- Anthus spragueii
- Anthus sylvanus
- Anthus trivialis — Boomkoester
- Anthus vaalensis — Vaalkoester
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Verwysings
[wysig | wysig bron]- ↑ Jobling, James A.; Fowling, Richard (1991). A Dictionary of Scientific Bird Names. Oxford: Oxford University Press. p. 14. ISBN 0-19-854634-3.
- ↑ 2,0 2,1 Zimmerman, Dale A.; et al. (1999). Birds of Kenya and Northern Tanzania. Princeton University Press. p. 504. ISBN 0691010226.
- ↑ 3,0 3,1 3,2 Prozesky, O.P.M.; Findlay, Dick (1974). Veldgids – Voëls van Suider-Afrika (1ste uitg.). Johannesburg: Perskor Uitgewery. p. 297. ISBN 0-628-00266-1.
- ↑ 4,0 4,1 Carnaby, Trevor (2008). "Introduction". Beat about the bush: Birds (1ste uitg.). Johannesburg: Jacana. p. 40. ISBN 9781770092419.