Coordenada
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Coordenada | |
---|---|
páxina de dixebra de Wikimedia | |
![]() |
![](http://178.128.105.246/host-http-upload.wikimedia.org/wikipedia/commons/thumb/0/0e/Cartesian-coordinate-system.svg/220px-Cartesian-coordinate-system.svg.png)
Una coordenada ye un valor que permite definir la posición de cualquier puntu d'un espaciu xeométricu respectu d'otru puntu llamáu orixe.
Hai dellos sistemes de coordenaes estremaos:
Sistema de coordenaes cartesianes
[editar | editar la fonte]Les coordenaes cartesianes defínense por dos exes cuando los puntos tán nun planu y por trés nel espaciu. Son exes perpendiculares ente ellos que se corten nel orixe. Les coordenaes d'un puntu cualquiera vienen daes peles distancies ente l'orixe y les proyeiciones del puntu sobre caún de los exes.
Sistema de coordenaes polares
[editar | editar la fonte]Les coordenaes polares defínense por un exe que pasa pel orixe (llamáu exe polar). La primer coordenada ye la distancia ente l'orixe y el puntu consideráu, mentantu que la segunda ye l'ángulu que formen l'exe polar y la recta que pasa per ellos.
![](http://178.128.105.246/host-http-upload.wikimedia.org/wikipedia/commons/thumb/7/70/Cordonnees_spheriques.png/250px-Cordonnees_spheriques.png)
Sistema de coordenaes cilíndriques
[editar | editar la fonte]El sistema de coordenaes cilíndriques ye una xeneralización del sistema de coordenaes polares planu, al que se-y añade un tercer exe de referencia perpendicular a los otros dos. La primer coordenada ye la distancia ente l'orixe y el puntu, la segunda ye l'ángulu que formen l'exe y la recta que pasa pelos dos puntos, mientres que la tercera ye la coordenada que determina l'altor del cilindru.
Sistema de coordenaes esfériques
[editar | editar la fonte]El sistema de coordenaes esfériques ta formáu por tres exes perpendiculares ente si que se corten nel orixe. La primer coordenada ye la distancia ente l'orixe y el puntu, y les otres dos son los ángulos que fai falta xirar pa llegar a la posición del puntu.
Coordenaes xeográfiques
[editar | editar la fonte]Son la llatitú y la llonxitú. Puen amosase nos vinientes formatos:
- DD Decimal Degree (Graos decimales): ex. 49.500-123.500
- DM Degree:Minute (Graos:Minutos): ex. 49:30.0-123:30.0
- DMS Degree:Minute:Second (Graos:Minutos:Segundos): ex. 49:30:00-123:30:00