Mostviadl
De Viadln und Beziak vo Niedaöstareich | ||
---|---|---|
![](http://178.128.105.246/host-http-upload.wikimedia.org/wikipedia/commons/thumb/6/6e/Ostern07_009.jpg/220px-Ostern07_009.jpg)
![](http://178.128.105.246/host-http-upload.wikimedia.org/wikipedia/commons/thumb/a/a2/Mostviertel-fr%C3%BChsommer-scheibbs.jpg/220px-Mostviertel-fr%C3%BChsommer-scheibbs.jpg)
![](http://178.128.105.246/host-http-upload.wikimedia.org/wikipedia/commons/thumb/3/37/Dez06_095.jpg/220px-Dez06_095.jpg)
Des Mostviadl (aumtlich: Mostviertel) liegt im Siidwestn vo Nidaestareich, dem gresstn Bundesland vo Estareich. Es umfosst guat 1400 km² und zaaht si vo da Donaugrenz im Noadn und da Grenz zua Steiamoak im Sidn und va Owaöstareich im Westn bis zum Weanawoid im Ostn, drum homs sas friara a des Viadl owan Weanawoid ghaassn.
Es is des gresste vo de via Viadln va Nidaestareich, neman Wei-, Woid-, und Industrieviadl, und trogt sein Nauman weng sein typischn alkoholischn Drangl: In Most.
Gliedarung
[Werkeln | Am Gwëntext werkeln]Politische Gliedarung (Vawoitung)
[Werkeln | Am Gwëntext werkeln]- Amstetten
- Waidhofn an da Ybbs
- Scheibbs
- Mök sidlich vo da Donau
- Lilienföd
- Tuin sidlich vo da Donau
- St. Pötn-Stod und St. Pötn-Land
Geografisch-kuiturölle Gliedarung
[Werkeln | Am Gwëntext werkeln]- Mostviadla Kernlaund
- Eisnwuazn
- Strudngau
- Nibelungengau
- Wachau
Eignoatn
[Werkeln | Am Gwëntext werkeln]Mostkuitua
[Werkeln | Am Gwëntext werkeln]Es gibt vü Suatn vo Opfe- und Bianmost, oft a ois Mischmost. De Mostheirign hom a launge Tradiziaun und a kuiturölle Bedeitung fia de Region.
Architektua
[Werkeln | Am Gwëntext werkeln]Da Viakanta is fias Mostviadl typisch. Dazua kummt oft no aa steus Doch, meistns a Woim- oda Krippewoimdoch.
Da Mostviadla Dialekt
[Werkeln | Am Gwëntext werkeln]![](http://178.128.105.246/host-http-upload.wikimedia.org/wikipedia/commons/thumb/4/4f/Traga%C4%8D.jpg/220px-Traga%C4%8D.jpg)
Des Mostviadlarische is aa ostmiddlboarische Variantn vo da boarischn Sproch. Behmische Händla hom scho fria etliche tschechische Weata mitbrocht, de wos za Lehnweatan wua san. Beispüsweis da Tragatsch (tschechisch: Tragac; a Scheibtruchn mit ana Sprossn-Trogflächn) oda de Duchand (a Fedabettdeckn). Späda san aa Weata ausm Weanarischn ins Mostviadl kumman: z. B. Lawua (Woschschissl) und Trottoa (Gehsteig).
De Richtungsaugom kennan im Mostviadl in jedn Derfal und in jeda Stod extrem variian.
- So foad ma zum Beispüü va Grestn noch Scheibbs aussi.
- Va Lunz genauso owa, va Staanakirchn foat ma einizua.
- Im genaröön foad ma owa ind Beag eini, noch Noadn aussi oda owi, und nochn Ostn und Westn daun umi.
Mostviadla Zungabrecha
[Werkeln | Am Gwëntext werkeln]- "Du host s'Bschteck zspood bschtöd."
- "Zwischn zwa Zwetschknzwoag zwitschan zwa Schwoim." oda
- "Zwischn zwa Zwetschknbam zwitschan zwa Schwoim."