赣语

赣语
话嗰国家	中国
地域	江西嘅中部同得北面、湖南嘅东首、湖北嘅东南首、安徽嘅南首同到福建嘅西北角
话嗰人数	6000万
话嗰人数嗰排名	38
语言系统	汉藏语系
公家嗰地位
何哩嗰公家话	冇
公制机关	冇
语言代码
ISO 639-1	zh
ISO 639-2	chi(B) zho(T)
ISO 639-3	gan

赣语（国际音标：[kon ɲi]），话佢嘅人大多住嘚江西、湖南嘅东首、湖北嘅东南首、安徽嘅西南首同到福建嘅西北首，係箇滴场化事实上嘅通用话。赣语係汉藏语系下底嘅汉语语族嘅一只声调语言，用嘅人数六千万左右，占到中国总人口嘅6%嘅样。世界排嘚三十。

赣语拕分做十一片方言，南昌话係赣语嘅代表语或标准音。再者赣语嘅各只方言之间嘅互通程度都相当嘅高。^[1]

赣语亦可称为“江西话”，到江西除吥赣语，哈有人话客家话、吴语同江淮官话、西南官话等。再话就係湖南、福建、安徽、湖北哈有人话赣语。

叫法

赣语有下首嗰几只叫法：

赣语：箇係学术上正紧嗰叫法。但赣语嗰研究历史係三十年代动身嗰，箇算起步蛮晏嗰，咁“赣语”箇只叫法哈冇完全用。
赣方言：今下哈有人挭赣语算係方言哈係一只独立嘅语言，中国大陆学术欢喜“赣方言”箇只叫法，但间发子用“赣语”也係蛮正常嗰。
傒语：古时间嘅话法。南朝嘅时间赣语就同金陵官话隔隔个嘚。但今下无哪嘅咁话嘞。
江右语：话赣语嘅人大部分居到长江嘅南首，咁赣语就有嘞“江右语”嘅称呼。明代袁子让到佢嘅《字学元元》话到：“江右音或以朝为刁，以昼为丢去声，盖误知于端也。”

划分

赣语嘅系属一径都係学术界嘅搬头，总嘅来话归得到三类观点：

第一只观点觉得赣语係汉语嘅一只“方言”，依到历史、文化嗰原因，中国大陆嘅学术界基本都咁认为。实在话，一径到1937年赣语才正式同湘语一道拕划出“下江官话”。哈部分话赣语嘅人也作赣语係汉语方言，箇依话出自于政��或民族等因素，再话也因为赣语冇像粤语、闽语同官话许中子个隔。

第二只观点觉得最好搦赣语同客家话并为“赣客语”，李方桂1937年就有“赣客家”嘅话法，罗常培也觉得赣、客係“同系异派”（1941），詹伯慧嗰《汉语方言及方言调查》里度话到：“箇兮年有滴子方言学者觉得客、赣合到一起最来事。搦发展嗰趋势来话，晏滴子话伓得客家话同赣语会真嗰并到一起”。但係王福堂觉得客家话同赣语合伓到一起嗰一只重要原因就係，话客家话嗰人同话赣语嗰人心理上互伓认帐（1998）。再话，赣语同客家话到辞汇、语法上都隔嘚些。再就係有係学者觉得挞到粤语凑，赣、客、粤三者并为“赣-客-粤语群”，因为箇三只话到音系、辞汇都二隔壁嘚。望吖粤赣方言。

第三只观点觉得赣语本身就係一只语言。外国语言学家做汉语研究嗰时间就搦赣语同别嗰汉语言都做单只研究。语言学角度上话，通话伓正嗰话都作独立语言。赣语同别嗰汉语口语上係基本上沟通伓正嗰。咁箇兮沟通伓正嗰汉语就作“语言同语言”嗰关係，而伓係“方言同方言”嗰关係嘞（de Francis, 1984）。哈就係，资料显示印欧语系底下嗰英语同德语之间嗰共用辞汇係58%，法语同意大利语係80%，西班牙语同葡萄牙语更到嘞87.4%。连伓同语系嗰中文同日语之间嗰同源辞汇都有47.5%。但赣语同北方官话之间嗰共同辞汇就46.9%。^[2]咁要搦“同源词”做指标来评量语言嗰话，赣语同北方官话之间嗰差别早超过嘞“方言”之间嗰差别。

分布

话赣语嗰人到江西十来八九居到赣江嗰中下游、抚河流域同鄱阳湖地区，占江西总面积嗰三分之二有多。外省嗰赣语人口主要居到湘东同闽西北、鄂东南、皖西南同湘西南嗰一兮地区。总面积将近二十万平方公里，到所有南方汉语里度，係分布最广嗰。赣语通行地域嗰四极係：

极北：安徽嗰岳西
极东：江西嗰铅山
极南：湖南嗰资兴
极西：湖南嗰洞口

《中华人民共同国行政区划简册》（2004年）嗰数据统计到话赣语嗰人，到江西有2900万、安徽450万、湖北530万、湖南900万、福建27万，挞拢四千八百万嗰下事。

方言

中国东南首十喇八九係丘陵地貌，咁扤得还冇现代社会嗰时间交通蔽嘈咯，人之间嗰交流就拕(音:dén)掐到嘚，古汉语也就到南方变到今下(发音"gáz")嗰各种汉语，再就係同一只汉语里头嗰只只方言之间也隔嘚很。江西地貌尽系山地丘陵，间壁又同中国别嗰六大汉语（官、吴、闽、客、粤、湘）全共界，咁赣语嗰一滴方言也就拕周边嗰汉语嗰纤到得，赣语哈有“三里伓同音，十里伓同调”嗰话法。

赣语主要分布到华东、华南嗰五只省份，依“覃谈非见系分韵”同“端系字古合口今韵母今下(发音"gáz")改读合口、撮口或者主要母音係圆唇母音”箇两只发音特点话，就搦“怀玉山”同“袁江”做界，划伓“北区赣语”同“南区赣语”（孙宜志、陈昌仪、徐阳春，2001）。“北区赣语”到鄱阳湖平原同到周边区域用，有上首嗰两只发音特点，“南区赣语”就冇，但也有滴特殊情况。照《中国语言地图集》（１９８７）话，赣语分得正九只方言：

片	代表方言	特征	主要分布地区	主要市县
昌都片	南昌话	去声分阴阳；阴入调值高，阳入调值低	江西西北部分(即"些吥嘚")地区	（江西嗰）南昌市、南昌、新建、安义、永修、修水、德安、星子、都昌、湖口、高安、奉新、靖安、武宁、铜鼓，（湖南嗰）平江
宜浏片	宜春话	去声不分阴阳；入声不分阴阳	江西中西部些吥嘚地区	（江西嗰）宜春市、宜春、宜丰、上高、清江、新淦、新喻市、分宜、萍乡市、丰城、万载，（湖南嗰）浏阳、醴陵
吉茶片	吉安话	去声多不分阴阳；多无入声；鼻化韵wán年	江西中南部些吥嘚地区同湖南东部部分地区	（江西嗰）吉安市、吉安、吉水、峡江、泰和、永丰、安福、莲花、永新、宁冈、井冈山、万安、遂川，（湖南嗰）攸县、茶陵、酃县
抚广片	抚州话	去声读降调；阴入调值低，阳入调值高	江西中东部些吥嘚地区同福建西南部些吥嘚地区	（江西嗰）抚州市、临川、崇仁、宜黄、乐安、南城、黎川、资溪、金溪、东乡、进贤、南丰、广昌*，（福建嗰）建宁、泰宁
鹰弋片	鹰潭话	去声不分阴阳；入声分阴阳	江西东北部些吥嘚地区	（江西嗰）鹰潭市、贵溪、余江、万年、乐平、景德镇市*、馀干、鄱阳、彭泽、横峰、弋阳、铅山
大通片	咸宁话	去声分阴阳；入声不分阴阳	湖北东南部部分地区同湖南东部部分地区	（湖北嗰）大冶、咸宁市、嘉鱼、蒲圻、崇阳、通城、通山、阳新、监利，（湖南嗰）临湘、岳阳*、华容
耒资片	耒阳话	“搬班”同音；“官关”同音	湖南东部部分地区	（湖南嗰）耒阳、常宁、安仁、永兴、资兴市
洞绥片	洞口话	部分地区冇入声	湖南西南部部分地区	（湖南嗰）洞口、绥宁、隆回*
怀岳片	怀宁话	古入声同上声读阳去	安徽西南部部分地区	（安徽嗰）怀宁、岳西、潜山、太湖、望江、宿松、东至、石台、贵池*

注：上首话到嗰市县名子后加*係话箇只市县嗰些吥嘚地区。

历史

上古时候

江西咯人文历史要话到万吧嘞年前咯石器时代，江西万年县仙人洞寻到嘞离肯子上万年咯人类历史上头只禾[音：wó]咯样本，^[3]再就系在别拉嘞也寻到嘞一流咯新、旧石器时期咯文化遗址。鄱阳湖边上咯吴城文化镂出嘞一大挞殷商时期咯青铜器，佢咯数量、品质哈都系全国第一。^[4]故系，上古时期赣鄱地区咯社会经济发展程度早就煞料嘞很嘞咯。个哈咯古江西属于百越之地，哈有嘞下子“干越国”同“艾国”嗰中子非华夏族国家。个哈子咯墓葬出土嘞一流咯礼器、兵器，列鼎，更嫑话寻到嘞多到170只原始文字。同时代咯南方古印纹陶文化拕分到嘞赣、湘、吴、闽、粤，江西全境净归赣鄱区(?)。故se̍，é时间咯江西就生正嘞佢自间咯语言同文化，箇种语言就系嘎子赣、客语言咯霍毗。^[5]

秦始皇二十六年，使尉屠睢一下哚吥五十来万人到中国嗰南边来，个些部队主要múd来管恁时间在福建、广东嗰百越人。个多人到嘞江西，再挞到恁些作内勤(灶jz)嗰一万多只女崽仔，佢人也就係江西头波嗰汉人嘞。

到嘞汉朝，江西拕朝廷设为豫章郡﹝个只名字係赣江嗰原名﹞，佢嗰郡府嘎嘞南昌，豚下管嘚哩十八个县，差不多有今吖江西嗰底盘嗯大嘞。豫章郡嗰人口du̍l下从阳历二年嗰35万滂隆纵吥阳历140年嗰167万多人，实打实嗰多嘞132万人，连翻五番。恁时间中国挞挞拢也就100多只郡，豫章郡硬就係涧(发音gàng)嘞第四名。在扬州嗰六只郡里面更係老大。恁时间扬州嗰五分之二嗰人都居到嘞豫章郡里头，个么多人也就慢慢子扤出嘞上古赣语。

中古时候

再到嘞魏晋南北朝，中原地区日日打仗，há一打就係几百年，扤得中原躲得正嗰都搬到嘞南方来住，个也係中国历史上头次一朝嗰人往南边搬。个时间江西係作中转站或者係暂居地。咁咯就过嘞几百年嗰时间，赣语话伓正就挞嘞奀子中原官话嗰迹嘞，但係佢还係tên嘞一落本身嗰特点嗰。《南史•胡谐之传》就话到嘞 :‘胡谐之，豫章南昌人也。…上方欲奖以贵族婚姻，以谐之家人语音不正，乃遣宫内四五人往谐之家教子女语。二年后，帝问曰 :“卿家人语音已正未？”谐之答曰 : “宫人少，臣家人多，非唯不能得正音，遂使宫人顿成傒语”’。个里头话嗰‘正音’係指恁时间金陵城里面官老子们话嗰话，因为佢在政治上吃赢手，就叫佢係‘正音’。个里头话嗰‘傒语’就係指恁时间南昌人话嗰话嘞。

一径到嘞唐朝，赣语差不多就係肯子个只样子嘞。到嘞唐末五代嗰时间，又有南昌佬，吉安佬dì到搬到湖南嗰东北边去。晏些子嗰只吧嘞世纪，又有人接到搬到湖北嗰东南边，安徽嗰南边同福建嗰西北角上。个多人搬到嘞恁嘚，赣语自然也就拕佢人带到嘞恁嘚，扤发扤发就有嘞嘎子赣语嗰分布面积嘞。

近古时候

到嘞宋朝，中原汉语动脚往现代汉语嗰下似发展。元明清个三个朝代都搦首都gà嘞北京，北京话就自然做嘞官方语言。故赣语同官话就越来越ga̍嘞。但係，因为江西在地理上埃到嘞江淮官话、湘语、棚民话区，个几种语言也就影响(纤)到嘞赣语嗰边角地区，个让佢自简嗰特点无先子恁个打眼嘞。

近代

1949年以后，赣语拕看作一种地方语言，佢嗰下事也就让人作硌得很。在中国大陆，因为政府博命推广普通话，赣语一径拕打压，舞得嘎子些伓子后生都不晓得让话全靓(发音：biúliù)嗰赣语嘞，哈有只吧嘞佬矶就一diaz都呗话嘞。个些年走时越来越多人喇嘚要招概本土文化，故系嘎子在广播上听到赣语，在电视上望到赣语嗰节目嘞。

主要特色

语音

声调

赣语（拿南昌话作代表）挞拢有19只声母，65只韵母，7只声调（阴平、阳平、上声、阴去、阳去、阴入、阳入）佢无北方汉语嗰卷舌音同儿化音，个落音係中古以后发展出来嗰，赣语冇跟到佢变化。

古调类	平声		上声		去声		入声
阴阳调	阴平	阳平	阴上	阳上	阴去	阳去	阴入	阳入
南昌	42	24	213		45	21	5	2
吉安	34	21	53		213		34	213
鹰潭	11	24	343		42		5	3
抚州	32	24	45		51	212	2	5
宜春	34	33	21		213		5
咸宁	44	31	42		423	33	55
怀宁	31	44	42		35	33	35
耒阳	55	35	53		213		12
洞口	53	24	21		35

注：些吥嘚方言不同嗰调类具有一旦嗰调值，但入声调有辅音韵尾区分嘚正佢只顿挫性。故系虽然就调值系一旦嗰，但却哈系不同声调。^[6]

声调分派

赣语系一种典型嗰声调语言，声调在语句中作辨义嗰功能，但亦有一撮子变调规则。古汉语嗰“平上去入分阴阳”嗰特点在赣语中拕体现嘚，四声分阴、阳二类，挞拢八个声调。些吥嘚方言阴平、阴上、阴去、阴入、阳平、阳上、阳去、阳入八个声调囵嗰tên𠴼嘚。数量上赣语嗰各只方言声调话不正，顶少嗰像宁冈，就三类；嗰像永修、德安、都昌许嘚，多到十类。古代嗰平、上、去、入四声在赣语中或有分化，或有归并，而对赣语声调嗰分化有纤法子嗰主要因素有豚下几种：

古声母嗰清浊。赣语嗰声调留时会拕古汉语声母嗰清、浊嗰影响。一般来说，各声调嗰清声母字为阴调，浊声母字为阳调。赣语各方言些吥嘚平声不分阴阳；上声则多数不分阴阳；些吥嘚去声不分阴阳，些吥嘚就没有去声；些吥嘚就一个入声调，哈有些吥嘚无[miú]入声嗰中子。

声母嗰送不送气。到啃子各只汉语中就赣语嗰声调分化会拕古声母嗰送不送气纤𠴼，佢主要有两种受影响情况：

照古声母嗰送不送气分调。比如都昌嗰去声送气声母字则与浊声母字合流做阳去。南昌塔城不送气嗰去声清声母字归阳平，送气嗰去声清声母字归上声。新建、安义不送气嗰去声清声母字做阴去，送气嗰也归上声。
照噶子声母嗰送不送气分调。南昌、新建、南丰嗰阳平调分二类：古次浊声母字作阳平1，全浊声母字为阳平2。照𠴼嗰些地区古全浊声母字嘎子读送气声母，故实际上系今声母做不送气像“麻”、“来”、“泥”、“人”、“颜”、“盐”嗰中子归阳平1，今声母为送气嗰“朋”、“田”、“从”、“池”、“崇”、“裙”等归阳平2。

古韵类嗰不同。在赣语中，就入声嗰分化会拕古韵类嗰纤𠴼。古咸、山、深、臻四摄嗰入声字常归为一类；古宕、江、曾、梗、通五摄嗰入声字十来八九归为另一类。

平声

赣语嗰平声首先会拕中古汉语声母清、浊嗰影响，清声母字归为阴平，浊声母字归为阳平。德安、永修、修水、都昌、新喻许嘚嗰阴平还会拕古声母送气与影响。南昌、新建、南丰嗰阳平则拕今声母嗰送气与否嗰影响。赣语嗰平声调型有一留类型，佢只规律系昌都片（南昌、新建为降调）、鹰弋片、抚广片嗰阴平多归作平调，宜浏片嗰阴平多归为降调，吉茶片嗰阴平多归为升调。而阴平为平调、降调嗰方言片，其阳平多归为升调；阴平为升调嗰方言片，佢阳平多归为平调，又以低平调为多见。

上声

赣语嗰上声大多不分阴阳，其昌都片、宜浏片、鹰弋片、抚广片嗰上声都不分阴阳。但吉茶片嗰莲花、安福、遂川三个点嗰上声会照古声母嗰清浊而分为阴上同阳上两个调。

去声

赣语里头去声嗰分配有豚下几种情况：

中古去声字不分流，清、浊声母都只有一个去声调。景德镇、萍乡、莲花、鹰潭、贵溪、铅山、樟树、安福、永新、新淦、南丰、上高十来八九如此。
中古去声字照古声母嗰清、浊分为阴去、阳去两类。安义、进贤、武寕、修水、湖口、彭泽、星子、永修、德安、乐平、余江、横峰、弋阳、馀干、靖安、奉新、高安、临川、资溪、乐安、宜黄、黎川、南城、广昌、东乡、资溪、武宁属于这一类。嗰里头，湖口、星子、永修、都昌、德安、修水许嘚嗰阴去又照到古声母送气与否分为二类凑。佢不送气声母(即全清声母)字为阴去1，送气声母(即次清声母)字为阴去2。
遂川嗰古去声不送气清声母字同浊声母字合并为阴去1，佢送气清声母字为阴去2，无阳去调。
中古去声字照声母清、浊分流，但就一个去声调，无阴去、阳去两类去声调。佢只去声清、浊声母字各自嗰走向又有豚下只吥子情况：

清声母去声字归阳平，浊声母去声字为去声。新喻、分宜、万年、宜春、万载、宜丰、吉安、万安、峡江、永丰、吉水属于这一种。
浊声母去声字归阴平，清声母去声字为去声。都昌、波阳、崇仁、贵溪、铅山、余江属于这一种。
清声母去声字归上声，浊声母去声字为去声。石城属于这一种。
不送气去声清声母字归阳平，送气去声清声母字归上声，去声浊声母字为去声，南昌（塔城）、新建、安义属于这一种。

无去声，清声母去声字归阳平，浊声母去声字归阴平。寕冈属于这一种。

入声

赣语嗰入声分嘚正下头几类：

有入声调，又有入声韵母。又分嘚正两种情况：

就一个入声调，调值一般都高高嗰：宜丰、上高、新淦（有两个韵尾）；武宁、宜春、樟树、乐平、景德镇、横峰、铅山、进贤、南城、永丰（就一个韵尾）。
有两个入声调。昌都片、宜浏片、鹰弋片依照话嘚阴入高、阳入低；抚广片十来八九阴入低、阳入高。
有三个入声调。永修、德安嗰入声照古声母嗰清、浊分阴阳，就一只韵尾。佢阴入又照声母送不送气分吥阴入1同阴入2凑，故实在有三个入声调。安义嗰入声𠴼照声母嗰清浊分阴阳两大类，佢阴入又分吥两调故也有三个入声韵尾。
有四个入声调。都昌嗰入声照古声母嗰清浊分阴阳，有两个韵尾。佢阴入同阳入各照声母送不送气分吥阴入1、阴入2同阳入1、阳入2凑，故实际上有四个入声调。

有入声调，无入声韵母。

就一个入声调，读长音，无塞音韵尾，无入声韵母，比如星子、鄱阳许嘚。
有两个入声调。赣县王母渡乡古咸、山、深、臻四摄清声母入声字作阴入，无塞音韵尾，读长音；古宕、江、曾、梗、通五摄入声清声母字作阳入，读长音，无塞音韵尾。

无入声调，亦无入声韵母。古入声字派入其他调类。照派入调类嗰不同，分嘚正豚下几种情况：

湖口、彭泽照入声字声母嗰清浊分别派入阴去同阳去。
分宜、峡江、安福、莲花、萍乡、宁冈、永新、吉水、吉安、泰同通常照入声字声母嗰清浊分别派入阴平同阳去。
遂川古入声清声母字归阴去2，入声浊声母字归阴去1。

变音变调

日常用语中有些吥嘚变音现象，不过在赣语里头[dīl]嗰点冇么几打眼。

音嗰增加：依话拕音节之间嗰同化作用扤吥。例如：什哩人哦？ɕi li nin o?→ɕi li nin ngo?

音嗰缩减：些搦由于语速快很嘚而导致音节嗰并合。例如：第二日[tʰi ɵ ȵit]→第日[tʰi ȵit]、不要[pit iɛu]→嫑[piɛu]

至于变调现象赣语不么打眼。南昌赣语嗰连续变调只从前字开始变，一个调类一种变法，曲折调皆变。其规律有如就上声字在平声、阴去、入声前变调𠴼13，上声、阳去前变吥24，轻声前变吥21。例如：老蛤[lau kot]、好看[hau kʰon]、枣子[ʦau ʦɿ]。

词汇方面

赣语有一大挞嗰古代嗰字词用法。个些在北方话里面都无么哩人嘞，要伓sóngmo̍n就嫑嘞。

就比如话,一只东西肮脏嗰话,会话佢‘下力巴人’。还有‘衣裳’係话‘衣服’、‘困觉’係话‘睡觉’、‘屋里’係话‘家里’等等。

再就係，赣语话嗰时候会有一留嗰语气助词，比如话‘哈’‘啵’‘噻’等等。话事嗰时间用个些词就会让人感觉到句子嗰表现力。

**赣语词汇同得北方汉语词汇对照示例**
赣语	北方汉语	赣语	北方汉语	赣语	北方汉语	赣语	北方汉语
乃	你	卬	我	佢	他	话	说
什哩,么哩，何哩	甚么	何人	谁	啷样	怎么	几时间，么哩时间	甚么时候
箇边	这边	许边	那边	吃饭	吃饭	吃茶	喝茶
几多	多少	冇	没有	一奀子	一点儿	娭婆	外婆
特试	故意	好哩哩	无缘无故	撇脱	简便	打㑩	混黑道
栽禾	种田	搛菜	夹菜	揢人	刁难	拗烈	不听话
擿痒	��痒儿	剋架	打架	窸窸窣窣	小口快吃	攠攠摸摸	慢慢腾腾
屙屎	大便	屙尿	小便	瞌困	睡意	荷包	口袋
男客	男人	女客	女人	大兄	哥哥	老弟	弟弟
细伢子	小孩	囡伢子	婴儿	男崽仔、崽哩	男孩	女崽仔、姩哩	女孩
就作	即使	谈詑	聊天	起码	最少	芫荽	香菜
唆奅	吹牛	后生	年轻人	庋	藏匿	水氹	池塘
掁	顶撞	蹍	踹、踢	日头	太阳	起风	刮风
斗霸	作对	壁蛇子	壁虎	玍	讨人嫌	厾	戳
腥水	泄密	精灵	聪明	结棍、吃价	厉害	业脑浆	耍小聪明
刨皮子	零钱	奸雀子	麻雀	秧鸡	公鸡	檐老鼠	蝙蝠
蕹菜	空心菜	现世、跌股	丢人	作兴	欣赏、流行	巴镬	糟糕

文法方面

　赣语中语法嗰体可以分成起始、进行、尝试、持续、经历、继续、重行、已然、完成等九只。

　“动词+得+补语+宾语”或“动词+不+补语+宾语”个些语法结构，赣语中一般会用“动词+得+宾语+补语”或“动词+宾语+不+补语”。就比如话：吃得下饭→吃得饭进，吃不下饭→吃饭不进。

通行地域

赣语主要分布在赣江嗰中下游、抚河边(音xiân)上同鄱阳湖地区，湘东、闽西北、鄂东南、皖西南同湘西南嗰只吧嘞地方也有人话赣语。

榨得《中华人民共和国行政区划简册》（2004）统计话，赣语嗰人口分布在江西嗰有2900万、安徽450万、湖北530万、湖南900万、福建27万，拢共4800万嗰下势。

依《中国语言地图集》（1987）话，赣语分嘚正９片(音:biáng)：

（1）拿南昌话做招牌嗰昌靖片，话嗰人主要在（江西嗰）南昌市、南昌、新建、安义、永修、修水*、德安、星子、都昌、湖口、高安*、奉新*、靖安*、武宁*、铜鼓*，（湖南嗰）平江。

（2）拿宜春话做代表嗰宜浏片，话嗰人主要在（江西嗰）宜春市、宜春、宜丰*、上高、清江、新淦、新喻市、分宜、萍乡市、丰城、万载，（湖南嗰）浏阳*、醴陵。

（3）拿吉安话做代表嗰吉茶片，话嗰人主要在（江西嗰）吉安市、吉安*、吉水、峡江、泰和*、永丰*、安福、莲花、永新*、宁冈*、井冈山*、万安*、遂川*，（湖南嗰）攸县*、茶陵*、酃县。

（4）拿抚州话做代表嗰抚广片，话嗰人主要在（江西嗰）抚州市、临川、崇仁、宜黄、乐安、南城、黎川、资溪、金溪、东乡、进贤、南丰、广昌*，（福建嗰）建宁、泰宁。

（5）拿鹰潭话做代表嗰鹰弋片，话嗰人主要在（江西嗰）鹰潭市、贵溪、馀江、万年、乐平、景德镇市*、馀干、鄱阳、彭泽、横峰、弋阳、铅山。

（6）大通片，话嗰人主要在（湖北嗰）大冶、咸宁市、嘉鱼、蒲圻、崇阳、通城、通山、阳新、监利*，（湖南嗰）临湘*、岳阳*、华容。

（7）耒资片，话嗰人主要在（湖南嗰）耒阳、常宁、安仁、永兴、资兴市。

（8）洞绥片，话嗰人主要在（湖南嗰）洞口*、绥宁*、隆回*。

（9）怀岳片，话嗰人主要在（安徽嗰）怀宁、岳西、潜山、太湖、望江*、宿松*、东至*、石台*、贵池*。

注：头上话到嗰市县名后头要挞嘞只*嗰话，係话哩只市县嗰些喇嘚地区。

参考文献

陈昌仪《赣方言概要》（南昌）江西教育出版社
陈昌仪《江西省方言志》（北京）方志出版社
李如龙《客赣方言调查报告》厦门大学出版社
熊正辉《南昌方言辞典》（南京）江苏教育出版社
颜森《江西方言的分区》（稿）《方言》第1期
颜森《现代汉语方言概论•赣语》上海教育出版社

注脚

↑ 江南都市报
↑ [1] 赣语同别嗰汉语嗰辞汇共性
↑ [2]，赣鄱系世界咯栽禾咯起源中心区。
↑ 李家和《从吴城遗址看江南咯商代文化》
↑ 《方言史与方言历史层次的硏究》，刘纶鑫，2003年
↑ 声调嗰定义包含抑扬性（即实际音高）同顿挫性两个方面。

参考

外部链结

[1] 江南都市报

[2] [1] 赣语同别嗰汉语嗰辞汇共性

[3] [2]，赣鄱系世界咯栽禾咯起源中心区。

[4] 李家和《从吴城遗址看江南咯商代文化》

[5] 《方言史与方言历史层次的硏究》，刘纶鑫，2003年

[6] 声调嗰定义包含抑扬性（即实际音高）同顿挫性两个方面。

[1]

望 • 谈 • 编赣语嗰使用市县
昌都片	南昌·南昌县·新建·安义·永修·修水·德安·庐山市·都昌·湖口·高安·奉新·靖安·武宁·铜鼓·平江
宜浏片	宜春·宜丰·上高·樟树·新淦·新喻·分宜·萍乡·丰城·万载·浏阳·醴陵
吉茶片	吉安·吉安县·吉水·峡江·泰和·永丰·安福·上栗·莲花·永新·宁冈·井冈山·万安·遂川·攸县·茶陵·酃县
抚广片	抚州·临川·崇仁·宜黄·乐安·南城·黎川·资溪·金溪·东乡·进贤·南丰·广昌·邵武·光泽·将乐·顺昌·建宁·泰宁
鹰弋片	鹰潭·贵溪·馀江·万年·乐平·景德镇·馀干·鄱阳·彭泽·横峯·弋阳·铅山
大通片	大冶·咸宁·嘉鱼·蒲圻·崇阳·通城·通山·阳新·监利·临湘·岳阳·华容
怀岳片	怀宁·岳西·潜山·太湖·望江·宿松·东至·石台·贵池
耒资片	耒阳·常宁·安仁·永兴·资兴
洞绥片	洞口·绥宁·隆回