Acrocephalus
Acrocephalus | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
![]() Acrocephalus arundinaceus | |||||||||||||||||||
Clasificación científica | |||||||||||||||||||
| |||||||||||||||||||
Especie tipo | |||||||||||||||||||
Turdus arundinaceus Linnaeus, 1758 [1] | |||||||||||||||||||
Especies | |||||||||||||||||||
|
Acrocephalus é xénero de aves da orde dos paseriformes, suborde dos páseros, infraorde dos paséridos e superfamilia dos silvioideos, que é o tipo da familia dos acrocefálidos.[1]
Características
[editar | editar a fonte]As especies deste xénero, que se denominan folosas,[2] son paxaros insectívoros que adoitan habitaren en zonas pantanosas, xunqueiras, e outras zonas húmidas, aniñando nos caules dos xuncos propios destes lugares.
A plumaxe da maioría delas é de cor parda ou parda olivácea, xeralmente uniforme, nas partes superiores, mentres que a das partes inferiores vai da amarela á abrancazada.
Distribúense por todo o mundo, excepto América e as zonas polares. Algunhas das especies son sedentarias, pero moitas, as que viven en zonas de clima temperado, efectúan migracións cara ao sur, para pasaren o inverno.
Moitas especies teñen un perfil de cabeza plano, o que contrasta (ou cointradí) co nome científico do grupo.
Taxonomía
[editar | editar a fonte]Descrición
[editar | editar a fonte]O xénero foi descrito en 1811 polos ornitólogos alemáns Johann Andreas Naumann e o seu fillo Johann Friedrich Naumann, na páxina 199 do seu traballo Naturgeschichte der Land- und Wasser-Vogel des nordlichen Deutschlands.[3]
Etimoloxía
[editar | editar a fonte]O nome científico Acrocephalus está formado polos elementos do latín científico acro- e -cephalus, tirados dos termos do grego antigo ἄκρος ákros, "agudo", "acabado en punta", "extremo", "punta", e κεφαλή cephalḗ, "cabeza", respectivamente.
Semella que os Naumann, pai e fillo, considerban que a cabeza destes paxaros remataba en punta.[4]
Clasificación
[editar | editar a fonte]Segundo o ITIS e a Zoonomen, o xénero conta coas 23 especies seguintes:[1][5]
- Acrocephalus aequinoctialis (Latham, 1790)
- Acrocephalus agricola (Jerdon, 1845)
- Acrocephalus arundinaceus (Linnaeus, 1758)
- Acrocephalus astrolabii Holyoak & Thibault, 1978
- Acrocephalus atyphus (Wetmore, 1919)
- Acrocephalus australis (Gould, 1838)
- Acrocephalus baeticatus (Vieillot, 1817)
- Acrocephalus bistrigiceps Swinhoe, 1860
- Acrocephalus brevipennis (Keulemans, 1866)
- Acrocephalus caffer (Sparrman, 1786)
- Acrocephalus concinens (Swinhoe, 1870)
- Acrocephalus dumetorum Blyth, 1849
- Acrocephalus familiaris (Rothschild, 1892)
- Acrocephalus gracilirostris (Hartlaub, 1864)
- Acrocephalus griseldis (Hartlaub, 1891)
- Acrocephalus hiwae (Yamashina, 1942)
- Acrocephalus kerearako Holyoak, 1974
- Acrocephalus longirostris (Gmelin, 1789)
- Acrocephalus luscinius (Quoy & Gaimard, 1830)
- Acrocephalus melanopogon (Temminck, 1823)
- Acrocephalus mendanae Tristram, 1883
- Acrocephalus musae (J. R. Forster, 1844)
- Acrocephalus newtoni (Hartlaub, 1863)
- Acrocephalus nijoi (Yamashina, 1940)
- Acrocephalus orientalis (Temminck & Schlegel, 1847)
- Acrocephalus orinus Oberholser, 1905
- Acrocephalus paludicola (Vieillot, 1817)
- Acrocephalus palustris (Bechstein, 1798)
- Acrocephalus percernis (Wetmore, 1919)
- Acrocephalus rehsei (Finsch, 1883)
- Acrocephalus rimitarae (Murphy & Mathews, 1929)
- Acrocephalus rodericanus (A. Newton, 1865)
- Acrocephalus rufescens (Sharpe & Bouvier, 1877)
- Acrocephalus schoenobaenus (Linnaeus, 1758)
- Acrocephalus scirpaceus (Hermann, 1804)
- Acrocephalus sechellensis (Oustalet, 1877)
- Acrocephalus sorghophilus (Swinhoe, 1863)
- Acrocephalus stentoreus (Hemprich & Ehrenberg, 1833)
- Acrocephalus syrinx (Kittlitz, 1833)
- Acrocephalus taiti Ogilvie-Grant, 1913
- Acrocephalus tangorum La Touche, 1912
- Acrocephalus vaughani (Sharpe, 1900)
- Acrocephalus yamashinae (Taka-Tsukasa, 1931)
Antigüidade
[editar | editar a fonte]Restos fósiles fragmentarios do Mioceno tardío (de hai uns 11 millóns de anos) achados en Rudabánya (nordés de Hungría) mostran algunhas apomorfías típicas deste xénero.[6]
Tendo en conta esta idade tan temperá (a maioría dos xéneros da infraorde dos paséridos non se coñecen até o Plioceno), non é demasiado seguro que estea correctamente situado, pero é altamente probábel que pertenzan polo menos a un acrocefálido.
Galería
[editar | editar a fonte]-
Acrocephalus agricola
-
Niño de Acrocephalus arundinaceus
-
Acrocephalus australis
-
Acrocephalus gracilirostris
-
Acrocephalus familiaris
-
Acrocephalus luscinius
-
Acrocephalus mendanae
-
Acrocephalus newtoni
-
Acrocephalus orientalis
-
Acrocephalus stentoreus
Notas
[editar | editar a fonte]- ↑ 1,0 1,1 1,2 Alan P. Peterson (2017) Zoonomen Nomenclatural data. Consultada o 15 de abril de 2017.
- ↑ folosa no dicionario da RAG.
- ↑ Acrocephalus Naumann, JA & Naumann, JF, 1811 en Avibase.
- ↑ Jobling, James A. (2010): The Helm Dictionary of Scientific Bird Names. London: Christopher Helm. ISBN 978-1-4081-2501-4.
- ↑ Acrocephalus J. A. Naumann & J. F. Naumann, 1811 no ITIS.
- ↑ Bernor R. L.; Kordos, L. & Rook L. (2002): "Recent Advances on Multidisciplinary Research at Rudabánya, Late Miocene (MN9), Hungary: a compendium" PDF. Palaeontographia Italica 89: 3–36.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Acrocephalus ![]() |
![]() |
Wikispecies posúe unha páxina sobre: Acrocephalus |
Bibliografía
[editar | editar a fonte]- del Hoyo, J.; Collar, N. J.; Christie, D. A.; Elliott, A.; Fishpool, L. D. C.; Boesman, P. & Kirwan, G. M. (2016): HBW and BirdLife International Illustrated Checklist of the Birds of the World. Volume 2: Passerines. Bellaterra (Barcelona): Lynx Edicions ISBN 978-84-96553-98-9.
- Fregina, S.; Haasea, M.; Olsson, U. & Alström, P. (2009): "Multi-locus phylogeny of the family Acrocephalidae (Aves: Passeriformes) – The traditional taxonomy overthrown". Molecular Phylogenetics and Evolution 52 (3): 866–878. (Resume).
- Olsson, U.; Rguibi-Idrissi, H.; Copete, J. L.; Arroyo Matos, J. L.; Provost, P.; Amezian, M.; Alström, P. & Jiguet, F. (2016): "Mitochondrial phylogeny of the Eurasian/African reed warbler complex (Acrocephalus, Aves). Disagreement between morphological and molecular evidence and cryptic divergence: A case for resurrecting Calamoherpe ambigua Brehm 1857". Molecular Phylogenetics and Evolution. 102: 30–44. (Resumo).
Outros artigos
[editar | editar a fonte]Ligazóns externas
[editar | editar a fonte]- Acrocephalus J. A. Naumann & J. F. Naumann, 1811 no ITIS.
- Acrocephalus Arquivado 15 de abril de 2017 en Wayback Machine. na EOL.
- Especies de Acrocephalus na UICN.
- 61. Reed Warblers and allies. Family Acrocephalidae. Acrocephalus na IOC World Bird List (Lista das aves do mundo, do International Ornithological Congress).
- Vídeos de AcrocephalusArquivado 14 de marzo de 2016 en Wayback Machine. en Internet Bird Collection.