Prost Grand Prix
![](http://178.128.105.246/host-http-upload.wikimedia.org/wikipedia/jv/thumb/1/14/Prost_Grand_Prix.jpg/220px-Prost_Grand_Prix.jpg)
Prost Grand Prix nalika rumiyin inggih punika tim balap Formula Siji ingkang dipunkelola déning bekas juara donya Alain Prost. Tim punika ndhèrèk wonten ing gangsal mangsa saking taun 1997 dumugi taun 2001.
Wonten ing wiwitanipun, nalika taun 1997, kanthi migunakaken jasa Oliver Panis, Jarno Trulli, lan Shinji Nakano, saged dipunngendikakaken minangka taun ingkang paling apik kanggé Prost. Prost GP pikantuk poin kapisanan lumantar Oliver Panis ing seri pambuka, GP Australia. Malahan, Panis saged pikantuk podium angka 2 ing GP Brasil lan GP Spanyol.
Trulli mbalap kanggé prost sadanguning 7 seri, nggantosaken panis ingkang kénging cedera patah kaki nalika GP Kanada 1997. Nanging wonten ing pungkasaning mangsa trulli dipunkontrak permanèn sadanguning 2 taun.
Mangsa 1998 saged dados mangsa paling ala kanggé tim Prost GP, kejawi mangsa 2000. Prost namung saged mbekta wangsul 1 poin, sasampuning Jarno Trulli finish P6 ing GP Bèlgi ing Spa-Francorchamps, ing pundi wonten ing lap 1 sempet kadadosan kacilakan ageng ingkang ndhèrèkaken 13 pembalap, kalebet 2 Prost piyambak, Panis lan Trulli. Kajawi punika, Panis gagal re-start, sareng 3 mobil sanèsipun.[1]
Kebangkitan
Taun 1999, Prost bangkit malih, éwadéné boten sami apikipun kaliyan mangsa 1997. Trulli pikantuk podium kanggé Prost ing GP Éropah ing Nuerbugring, Jerman. Cekap ngremenaken, ngèngeti podium mau minangka podium satunggal-satunggalipun ingkang dipungayuh kaliyan Prost kaliyan Peugeot. Akhir mangsa, Prost mapan ing posisi angka 7 kanthi pikantuk 9 poin.
Masa surem lan wekdal pungkasan
Taun 2000 minangka taun ingkang paling ala tumraping tim Prost GP. Kanthi prakawis gearbox wiwit tes pra-mangsa, plus konflik internal, Prost pesthi dumunung wonten ing posisi P11 kaliyan 0pts. Aji Prost imbang kaliyan Minardi, nanging Prost kedah ngalah amargi statistik ingkang langkung ala.[2]
Taun 2001 saged dipunarani minangka taun ingkang langkun saé tinimbang mangsa 2000. Déné kanthi icalipun sapérangan sponsor ageng kados parusahan rokok Gauloises, layanan web Yahoo!, konsol video game Playstation damel keuangan Prost langkung awrat. Kanthi migunakaken mesin énggal Ferrari (dipunserat Acer), Prost saged bangkit malih ing wekdal-wekdal pungkasan. Déné Prost migunakaken Jasa 5 pembalap, ingkang kathah piyambak saking sadaya tim F1 taun 2001. Ke-5 pembalap ingkang sampun dipunsebut wau inggih punika Jean Alesi, Tomas Enge, Luciano Burti, Heinz-Harald Frentzen, lan Gaston Mazzacane. Ing akir mangsa, Prost mapan ing posisi angka 9 kanthi pikantuk 4 poin.
Panutup
Ing wiwitan mangsa 2002 tim punika bangkrut. Prost boten saged pikantuk sponsor ingkang cekap saperlu nglanggengaken tim punika.
Cathetan suku
Artikel iki minangka artikel rintisan. Kowé bisa ngéwangi Wikipédia ngembangaké. |