Hwistel
Hwistel | |
---|---|
![]() | |
Hwistel | |
Klassans bewoniethek | |
Gwlaskor: | |
Fylum: | |
Klass: | |
Urdh: | |
Teylu: | |
Kinda: | Sorex Linnaeus, 1758
|
![]() | |
Gwrandrans an hwistel |
An hwistel, henwys common shrew po Eurasian shrew yn Sowsnek, yw an hwistel voyha kemmyn (hag onan a'n bronnviles moyha kemmyn) yn Europa ha Breten Veur. Nyns yw kevys yn Iwerdhon. Hy hys kresek yw ynter 55 dhe 82 mm ha'y foos ynter 5 ha 12g. Hy milvlew yw gell tewl, mes moy gwannliwek yw yndanni. Yma dhe'n hwistel dewlagas byghan, tron minyek ha dens gans bleyn rudh. Hys bewnans kresek dhe'n hwistel yw 14 mis. Gweythresek yns i dydh ha nos, ow kemeres powesow berr yntra spisow hirra a aktivita.
Bewva
[golegi | pennfenten]Kevys yw hwistles yn gwedhegi, gwelstiryow ha keow Breten, Loghlyn ha Europa est. Pub hwistel a wra tiredh tre a 400-600 m2. Fest tiredhel yw hwistles hag i a omladh rag defendya an tiredh yn kavylek.
Megyans
[golegi | pennfenten]Yma dhe'n hwistel megyans kigdebrus ha hweskerdebrus ow komprehendya hwesker, melhwes, kevnis ha buluk. Res yw dhedha dybri 200-300% a'ga foos korf pub dydh oll dhe dreusvewa. Famya wra hwistel ma na dheber pub nebes ouryow. Ny yllons gwavgoska drefen bos aga horfow re vyghan. Rag treusvewa an gwav, aga kregyn penn a leha 20% ha'ga ympynnyon gans 30%. I a wayn poos arta y'n gwenton. Yma dhe'n hwistel golok boghosek, ytho i a us aga sensow a sawor ha klewes rag helghya.
Parya
[golegi | pennfenten]An seson parya a dhur yntra mis Ebrel ha mis Gwynngala, mes moyha kemmyn yw y'n hav. Wosa hys degyans a 24-25 dydh, an vamm a dhinyth teylu a 5-7 flogh. Tennys yns i dhyworth an vronn wosa 25 dydh. Hwistles yowynk a furv 'karavan' a-dryv aga mamm, pub yonker a dheg lost y vroder yn y anow.
Difresyans
[golegi | pennfenten]Nyns yw an hwistel eghen beryllys, mes yn Breten Veur gwithys yw rag nebes sortow a ladha herwydh an lagha. Chif preydhoryon hwistlow yw oulys, kathes, lovennanes, serf, konaow gwynn ha lewern.
![](http://178.128.105.246/host-http-upload.wikimedia.org/wikipedia/commons/thumb/f/f5/Sorex_minutus_and_Sorex_araneus_size_comparison_-_en.jpg/250px-Sorex_minutus_and_Sorex_araneus_size_comparison_-_en.jpg)