Berang-berang raksasa
Berang-berang raksasa atau anjiang aia marupoan hewan asli dari Amerika Selatan. Hewan iko hanyo bisa dijumpoi di Amerika Selatan sajo. Hewan iko ado samanjak zaman es dan ampiang maalami kapunahan, berang-berang raksasa di zaman modern ko babeda jo berang-berang dulu. Berang-berang dulu ukurannyo labiah gadang dan alah punah sakitar 6 juta tahun nan lalu[3]. Hewan ko mandiami sungai sungai saparti sungai Amazon, Orinoco, jo sungai La Plata.[4] Berang-berang raksasa mamiiki tinggi kisaran 1.5-1.8 meter, ado juo nan sampai 2.2 meter jo barek rato rato bakisar 25-26 kg.Hewan nan tamasuak ka dalam kalompok hewan diural[lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1] iko marupoan hewan karnivora (pamakan dagiang).[6] Berang-berang raksasa iko biasonyo mamakan ikan ikan baukuran sadang jo kapitiang. Hewan iko tamasuak ka dalam hewan nan bakalompok, sakitar 20 ikua.[7]
Bantuak badan jo ciri
[suntiang | suntiang sumber]Berang-berang raksasa mamiliki ciri sapat anjiang lauik mampunyoi panjang badan sakitar 5 kaki jo barek 70 pound. Mampunyoi kapalo nan bulek jo talingo nan ketek sarato, mamilki bulu bawarna kamerah merahan dan di bagian tenggorokan jo dagu nyo bawarna putiah (digunoan untuak mambedaan individu) dan mampunyoi kumih nan panjang.[8] Mamiliki kaki nan ketek tatapi mamiliki jaring jo cakar nan kuek. [7]
Habitat
[suntiang | suntiang sumber]Berang-berang raksasa tasebar di sabagian gadang daerah Amerika Selatan, tautama di sekitaran sungai Amazon dan sungai di Amerka lainnyo sarato di daerah parak, hutan rawa. Meski sabagian iduik nyo diabihan di aia, berang-berang mambuek sarangnyo di pohon kayu nan alah jatuah atau di aka-aka pohon. Berang-berang raksasa juo mancari sungai nan dangka jo manyukoi daerah nan kariang jo pohon nan taduah.[7][8]
Parilaku jo kabiasaan
[suntiang | suntiang sumber]Hewan iko marupoan hewan nan mampunyoi sosial nan tinggi sahinggo inyo acok dijumpoi dalam kondisi bakalompok. Tatapi, ado juo dijumpoi dalam kaadaan surang. walaupun tamasuak ka dalam hewan nan iduik di darat tatapi hewan iko acok barado di dalam aia.[6] Katiko di dalam aia Berang-berang raksasa biasonyo mambuek rumah jo bendungan jo kamampuannyo.[3] Wakatu mambuek rumah berang-berang mancari kayu gadang nan jatuah lalu mambuek lubang di batang tu biasonyo iko tajadi katiko muali muskm kawin.[4] Salapeh umua 2 bulan berang-berang raksasa diajaan baranang dek induaknyo tatapi masih dalam pangawasan induaknyo salamo 2 sampai 3 tahun.[7]
Baburu ikan
[suntiang | suntiang sumber]Berang-berang raksasa mancari jo manangkok ikan sacaro basamo atau surang surang, kalau basamo inyo manyusun strategi untuak manangkok. Biasonyo hewan ko mamakan ikan hinggo sambilan pon satiok hari untuak mamanuahi gizi hariannyo.[4] Katiko manangkok ikan berang-berang raksasa mamanfaikan kumih (sabagai sensor) nyo untuak baburu ikan sarato manutuik talingo nyo katiko barado di bawah aia [8]
Kabiasaan makan
[suntiang | suntiang sumber]Biasonyo hewan iko mamakan ikan baukuran 15-30 cm dan langsuang mamakannyo satalah ditangkok, jiko inyo barami rami biasonyo mandapek ikan nan labiah banyak daripado baburu surang. Binatang saparti kapitiang,ula, jo hewan di sungai juo di makan jo Berang-berang raksasa iko. Total barek makanan nan dimakan Berang-berang raksasa ko bisa mancapai 2,8 - 4 kg dalam sahari nyo.[6]
Reproduksi
[suntiang | suntiang sumber]Pado umua 3-4 tahun berang-berang raksasa mulai mancari pasangannyo. Satalah kawin maso kahamilan dalam wakatu rantang 65-70 hari sadangkan kalahiran bayi berang-berang raksasa tajadi pado rantang bulan Agustus sampai Oktober. Berang-berang raksasa mamiliki anak 2-3 ikua jo barek 200 gram. Katiko nio malahiaan induak berang-berang mancari daratan untuak malahian.[4] Pado maso bayi makan masih dicarian dek induaknyo, salapeh umua 3 bulan barulah bayi berang berang mamulai makan ikan.[6]
Galeri
[suntiang | suntiang sumber]Foto jo video Berang-berang raksasa
Foto
[suntiang | suntiang sumber]Video
[suntiang | suntiang sumber]Paburuan lia
[suntiang | suntiang sumber]Berang-berang raksasa status poplasi nyo manurun samakin manurun akibek paburuan lia. Bulu nyo nan banyak dicari marupoan peneyebab turun nyo popoulasi hewan iko ditambah para nelayan maanggok hewan iko marupoan hama[lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2] nan banyak mamakan ikan sahinggo katiko basobok lansuang ditembak. Kahilnagan habitat asli marupoan salah satu faktor populasi ko manurun.[7] Diantaronyo nan manyababkan populasi ko samakin manurun diantaronyo Pangambangan parumahan, samakin banyak urang marambak untuak lahan pertanian, samakin banyak nyo pabrik baru nan tagak, urang banyak mambukak akses jalan dan lain sabagainyo. [10]
Status hewan
[suntiang | suntiang sumber]Kini ko populasi berang-berang samakain manurun dek paburuan lia sacaro gadang. Manuruik IUCN[lower-alpha 3] jiko taruih dilakuan paburuan lia mako 20 tahun ka tibo bisa dipakiroan hewan ko akan punah. kini ko hanyo ado sakitar 125.000 berang-berang raksasa.[8]
Catatan kaki
[suntiang | suntiang sumber]
Rujuakan
[suntiang | suntiang sumber]- ↑ Kutipan rusak: Tag
<ref>
indak sah; indak ado teks untuak ref banamomsw3
- ↑ Kutipan rusak: Tag
<ref>
indak sah; indak ado teks untuak ref banamoiucn
- ↑ a b "Ini Penyebab Berang-berang Raksasa Punah di Akhir Zaman Es". kumparan (dalam bahasa Indonesia). Diakses tanggal 2020-02-16.
- ↑ a b c d "Giant Otter | National Geographic". Animals (dalam bahasa Inggris). 2011-03-10. Diakses tanggal 2020-01-30.
- ↑ "Pengertian Hewan Nokturnal dan Diurnal serta Contohnya". satwa.foresteract.com (dalam bahasa Indonesia). Diakses tanggal 2020-02-16.
- ↑ a b c d "Giant Otter Carnivores". www.fao.org. 2007-11-27. Archived from the original on 2007-11-27. Diakses tanggal 2020-01-30.
- ↑ a b c d e "Giant Otter Facts - Photos - Earth's Endangered Creatures". www.earthsendangered.com (dalam bahasa Inggris). Diakses tanggal 2020-08-07.
- ↑ a b c d "Mammals - Giant Otter +". www.nature.org. 2009-05-25. Archived from the original on 2009-05-25. Diakses tanggal 2020-08-07.
- ↑ "Pengertian Hewan Nokturnal dan Diurnal serta Contohnya". satwa.foresteract.com (dalam bahasa Indonesia). Diakses tanggal 2020-02-16.
- ↑ Nicole Duplaix (Department of Fisheries and Wildlife, Oregon State University; Group), Miriam Marmontel (IUCN SSC Sirenia Specialist; Damme (Faunagua), Paul Van; Jessica Groenendijk (San Diego Zoo Global, Peru); Society), Christof Schenck (Frankfurt Zoological (2014-06-02). "IUCN Red List of Threatened Species: Giant Otter". IUCN Red List of Threatened Species. Diakses tanggal 2020-02-16.
- ↑ "International Union for Conservation of Nature". IUCN (dalam bahasa Inggris). Diakses tanggal 2020-02-16.
![]() | Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek InternetArchiveBot (Kontrib • Log) 703 hari 1126 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko. |