Masakan Minang
![]() | |
Rincian | |
---|---|
Jinih | hidangan (id) ![]() ![]() |
Masakan Minang iolah sadoalah macam masakan nan barasa dari kawasan Minangkabau, khususnyo Sumatera Barat. Masakan ko dikenal sacaro laweh sabagai masakan Padang.[1][2] Asalinyo ragam masakan tasabuik indak hanyo dari Padang, tapi juo Bukiktinggi, Pariaman, Solok, Payokumbuah, dan daerah Minang lainnyo nan alah tanamo kayo jo masakannyo.
Sacaro umum, masakan Minang maolah samba jo mamakai banyak lado, bumbu, jo santan, inggo manjadi babagai macam masakan gulai nan bakuah pakek jo padeh.[1][3] Hidangan nan alah tanamo lainnyo antaro lain dendeng, randang, soto padang, pangek, dan lain-lain.[1] Biasonyo masakan ko disajikan basamo nasi putiah angek jo sambalado sabagai palamak makan.[4]
Ado duo caro panyajian masakan Minang. Caro partamo dipasan lansuang sasuai nan dimintak dan caro kaduo diidangan lansuang sagalo jinih masakannyo. Palayan biasonyo manantiang banyak piriang nan barisi baragam samba dalam sakali jalan lalu diidangan di ateh meja salapeh palanggan duduak. Palanggan buliah maambiak apo sajo nan diidang dan anyo mambayia sasuai apo nan dimakan. Caro kaduo ko manjadi ciri khas panyajian masakan Minang.[5]
Masakan Minang manjadi tanamo dan katuju dek masyarakaik laweh dek adonyo "Rumah Makan Padang" nan manggalehnyo. Rumah makan ko alah mudah ditamui di babagai kota di Indonesia, bahkan sampai ka lua nagari.[1][6] Manuruik data Ikatan Warung Padang Indonesia (Iwapin), di Jakarta dan sakitarnyo sajo alah ado labiah dari 20.000 restoran atau kadai nasi Minang.[7]
Etimologi
[suntiang | suntiang sumber]Istilah "Masakan Padang" labiah umum dipakai di Indonesia dan nagara tetangga untuak marujuak pado saluruah jinih makanan tradisi Minangkabau, khususnyo nan barasa dari Sumatera Barat. Namun, istilah ko surang jarang dipakai di Ranah Minang tu surang, sarupo di Bukittinggi — pusek kuliner di Sumatera Barat dimano labiah katuju untuak manyabuiknyo sabagai Masakan Minang. Iko dek karano banyak nagari di Minangkabau punyo kabanggaannyo kapado warisan kulinernyo, dan sacaro teknis pun ado pabedaan pulo antaro Nasi Padang jo Nasi Kapau nan dari Agam walau samo-samo masakan Minang.
Rumah Makan Padang
[suntiang | suntiang sumber]![](http://178.128.105.246/host-http-upload.wikimedia.org/wikipedia/commons/thumb/5/52/Minangkabau_cuisine_Bukittingi.jpg/220px-Minangkabau_cuisine_Bukittingi.jpg)
Di rumah makan atau restoran Padang, biasonyo makan lansuang jo tangan. Pambasuah tangan atau kobokan, sabuah mangkuak ketek barisi aia jo potongan limau nipih untuak pangarum tangan, diagiah ka palanggan sabalun makan. Aia ko bafungsi untuak mambasuah tangan sabalun atau sasudah makan, buliah pulo mamintak sanduak atau garpu.
Masakan di rumah makan padang biasonyo di masak sakali sahari. Untuak mamiliah Nasi Padang di rumah makan Padang, palanggan dapek mamiliah samba atau lauak nyo dari piriang-piriang nan disusun batumpuak tinggi nan ado di kaco jendela bagian mungko. Salain tu, salamo ko caro hidang iolah caro rumah makan Padang malayani palanggannyo, katiko palanggan alah duduak, inyo dak paralu mamasan. Palayan langsuang manghidangkan makanan ka meja sacaro sigap dan disusunyo sakali nan tadapek disinan makanan nan lamak-lamak sarupo randang, gulai ikan, sayua-mayua, taruang, gulai atii, babek, tambusu, tunjang, paru jawi, ayam goreng, dan tantu sajo ado, samba lado, nan harus ado di satiok hidangan urang indonesia pado umumnyo. Palanggan hanyo mambayia apo nan inyo makan dari banyak makanan nan dihidangkan tadi.[8] Masakan Padang nan paliang takana iolah randang jo sampadeh dagiang. Soto Padang adolah makanan nan paliang disukoi dek masyarakaik katiko makan pagi sadangkan sate biasonyo makanan nan paliang di cari untuak makan di malam hari.
Di tampek makan lainyo, kadai makan Nasi Kapau, Bukittinggi. gaya panyajiannyo babeda pulo. katiko palanggan alah duduak, palanggan ko kan ditanyo makan pakai samba atau lauak apo. Hidangan atau samba nan lah dipiliah tadi dilatakan langsuang di ateh nasi putiah atau di latakan di piriang ketek nan tapisah jo nasi.
Ado banyak restotran atau rumah makan Padang di saluruah wilayah Indonesia, manuruik Ikatan Warung Padang Indonesia (Iwapin). di Jakarta sajo tadapek labiah kurang 20,000 restoran jo rumah makan Padang.[9] babarapo restoran jo rumah makan Padang nan tanamo iolah Sederhana, Garuda, Pagi Sore, Simpang Raya, Sari Ratu, Sari Minang, Salero Bagindo.
Bagunonyo tampek-tampek makan (kadai atau rumah makan Padang) iolah untuak urang-urang nan bakarajo katiko inyo makan siang tarutamo untuak urang nan bakarajo di kota. taun 2016 nan lalu; para pagawai nagari sipil di Jakarta manuntuik kanaikan uang atau pitih lauak pauk nyo (tunjangan makan nan marupoan bagian dari gaji pagawai negeri), kajadianko akibaik naikanyo harago Nasi Padang di wilayah Jabodetabek.[10]
Samba makanan utamo
[suntiang | suntiang sumber]Teknik manggulai, nan mamakai bahan-bahan tatantu; dagiang, ayam, itiak, sayua, ikan atau lauak, lalu diabuih lambek-lambek dan dimasak basamo santan, langkok-langkok, jo lado, alah manjadi tiangnyo tradisi mamasak di Minangkabau. Kuah gulai nan pakek kakuniangan dan padeh alah manjadi ciri khas tampilan jandela rumah makan Padang dimanopun. Di Minangkabau, disabuik santiang mamasak katiko alah pandai manyiapkan gulai. Randang, asam padeh, jo kalio marupokan variasi dari gulai.[11]
Samba masakan Minang biasonyo disajikan basamo nasi angek jo sambalado.
- Randang, potoangan dagiang nan diabuih dalam santan jo lado, dimasak inggo kariang. Salain dagiang jawi atau kabau, ado pulo randang ayam, randang itiak, randang lokan, jo jinih lainnyo nan buliah ditamui.
- Pucuak parancih,
- Soto Padang, soto dagiang
- Sambalado, lado nan lah ditumbuak, biasonyo dikacau basamo bahan utamo
- Sambal Lado Tanak
- Kalio, samo jo randang; kok randang dibuek kariang, kalio dibuek basah jo agak tarang warnanyo
- Gulai Ayam
- Gulai Cancang, gulai dagiang jo dalaman jawi
- Gulai Tunjang, gulai tendon kaki jawi
- Gulai Babek atau Gulai Paruik
- Gulai Tambunsu atau Gulai Usus, gulai usus jawi nan biasonyo diisi jo talua atau tahu
- Gulai Limpo
- Gulai Ati
- Gulai Banak atau Gulai Utak
- Gulai Sumsum,
- Gulai Gajeboh,
- Gulai Itiak,
- Gulai Talua,
- Gulai Kapalo Ikan Kakap Merah
- Gulai Jariang,
- Dendeang Batokok
- Dendeang Balado,
- Palai, pepes khas Minang
- Paru Goreng, fried cow lung
- Asam Padeh
- Ayam baka
- Ayam goreng
- Ayam Pop, Ayam nan dikukuiih/abuih nan kudian digoreng. Kok ayam goreang biasonyo coklat kaamehan, ayam pop warnanyo tarang.
- Ikan Bilih
- Baluik goreng
- Udang Balado
- Rajungan goreng
- Taruang Balado
- Patai Goreng
- Peyek udang
- Karupuak Jangek, karupuak jangek jawi atau kabau
Kudapan jo Kue
[suntiang | suntiang sumber]Makanan nan biaso dimakan tanpa nasi, makan jo lontong atau katupek, tapai, atau lansuang dimakan.
- Sate Padang
- Martabak Mesir atau Martabak Kubang
- Katupek Pitalah
- Pical
- Lamang, campuran bareh katan, santan, jo pandan nan dimasak dalam batuang
- Tapai
- Dadiah
- Bubua Kampiun
- Bubua Kacang Padi
- Kolak Pisang
- Kolak Kundua
- Karupuak Jangek
- Karupuak Baguak
- Karipiak Balado atau Karupuak Sanjai
- Rakik Maco
- Dakak-dakak atau Karupuak Ganepo
- Karak Kaliang
- Galamai
- Katan Sarikayo
- Lapek Bugih
- Pinyaram
- Sarabi
- Paragede Jaguang
- Kue Sapik
- Batiah
- Bareh Randang
- Kipang Kacang
- Wajik
- Sarang Balam
- Bika
- Sala Lauak
Minuman
[suntiang | suntiang sumber]- Teh Talua
- Ampiang Dadiah
- Es Tebak, campuran pokat, cubadak, tebak, diparuik jo es nan diagiah susu kental manih
- Kawa Daun
Dalam Budayo Populer
[suntiang | suntiang sumber]- Film Indonesia Tabula Rasa (2014), mangambarkan kaluarga Minang nan manjalankan usaho rumah makan Padang nan mampakarajokan urang Papua nan cinan manjadi pamain bola dan bajuang sabagai tukang masaknyo di Jakarta.[12][13]
Rujuakan
[suntiang | suntiang sumber]- ↑ a b c d Nopianingsih, Dewi (2009). Resep Komplit Masakan Padang. Galangpress Group. p. 5. ISBN 6028328227, 9786028328227. https://books.google.co.id/books?id=wSHLhs4Cs1sC&pg=PA5&dq=masakan+minang&hl=id&sa=X&ved=0ahUKEwje1ZWL363MAhUCkY4KHR2jDMsQuwUILjAA#v=onepage&q=masakan%20minang&f=false.
- ↑ "A Unique of Padang". Padangbaycity.com. Diarsipkan dari versi asli tanggal 2010-12-14. Diakses tanggal 2010-09-22.
- ↑ "Marco's Bofet: Authentic Padang food". The Jakarta Post. Diarsipkan dari versi asli tanggal 2010-09-14. Diakses tanggal 2010-09-22.
- ↑ Donny Syofyan (24 November 2013). "By the way ... I just can't live without Padang food". The Jakarta Post.
- ↑ "A Unique of Padang". Padangbaycity.com. Diarsipkan dari versi asli tanggal 2010-12-14. Diakses tanggal 2010-09-22.
- ↑ Naim, Mochtar; Paragoan, Wall; Asril, Zairi; Rasyid, Fachrul (1987). Jurus Manajemen Indonesia: Sistem Pengelolaan Restoran Minang, Sebuah Prototipe Sistem Ekonomi Pancasila. Yayasan Obor Indonesia. p. 37. ISBN 9794610003, 9789794610008. https://books.google.co.id/books?id=AaxmuRcXbiAC&pg=PA37&dq=masakan+minang&hl=id&sa=X&ved=0ahUKEwje1ZWL363MAhUCkY4KHR2jDMsQuwUINzAC#v=onepage&q=masakan%20minang&f=false.
- ↑ Rachmawati, Mila. Sukses Bisnis Rumah Makan Padang. Niaga Swadaya. p. 2. ISBN 9791477744, 9789791477741. https://books.google.co.id/books?id=Nr277rdEJk4C&pg=PA3&lpg=PA3&dq=masakan+padang+20.000+iwapin&source=bl&ots=quabTXzF0X&sig=Z6h5ktgBNKHo-zO1oYyYEA3DFRY&hl=id&sa=X&ved=0ahUKEwjCqLmOsLDMAhWVBY4KHezTDosQ6AEIHzAB#v=onepage&q=masakan%20padang%2020.000%20iwapin&f=false.
- ↑ "A Unique of Padang". Padangbaycity.com. Diarsipkan dari versi asli tanggal 2010-12-14. Diakses tanggal 2010-09-22.
- ↑ Harian Kompas, 25 May 2003 Archived 15 June 2009 di Wayback Machine.
- ↑ "Gara-gara Nasi Padang, Belanja Negara Terpaksa Ditambah". Metro Batam (dalam bahasa Indonesian). 5 October 2016. Diarsipkan dari versi asli tanggal 23 March 2019. Diakses tanggal 22 May 2018.
- ↑ Donny Syofyan (24 November 2013). "By the way ... I just can't live without Padang food". The Jakarta Post.
- ↑ "Tabula Rasa - Official Site". LifeLike Pictures. Diarsipkan dari versi asli tanggal 2018-04-06. Diakses tanggal 2018-05-22.
- ↑ "Tabula Rasa (2014)". Youtube.
Pautan lua
[suntiang | suntiang sumber]Media tantang Masakan Minang di Wikimedia Commons