Mekka
Wapen/Flagg | Koort | |
---|---|---|
| ||
Basisdaten | ||
Inheemsch Naam: | araabsch: مكة المكرّمة Makka al-Mukarrama | |
Staat: | ||
Flach: | 330 km² | |
Inwahners: | 2,385,509 ( | 2022)|
Inwahnerdicht: | 0 Inwahners pro km² | |
Hööchd: | 850 m över de See | |
Vörwahl: | 1 | |
Geograafsche Laag: | Koordinaten:21° 25′ N, 39° 50′ O21° 25′ N, 39° 50′ O | |
Börgermeester: | Khalid bin Faisal Al Saud | |
Websteed: | www.holymakkah.gov.sa |
Mekka (offitschell Makka al-Mukarramah, araabsch: مَكَّة ٱلْمُكَرَّمَة, DMG Makka al-Mukarramah, „Mekka, de Eerwöördige“) es de Höövdstad van’r Provinz Mekka, de binnen den Hedschas in Saudi-Arabien liggt. De Stad geld för den hilligsten Oord in’n Islam. Nich-Muslimen es dat streng verbòden de Stad to betrèden.
Mekka liggt binnenlands, wat bi 70 km van’r Roden See. 2015 lèven œver 1,57 Millionen Minschen in Mekka. Binnen de Metropoolregioon lèven œver 2 Millioen Minschen (Stand: 2020), wat Mekka na Riad un Dschidda de drüdd gröttste Stad in Saudi-Arabien maket.[1] Tiedens de Hadsch in’n twelvden Maand van’n islaamschen Klender verdreedubbelt Pilgers de Taal Minschen in Mekka, denn na Mekka pilgern geld för Plicht, de olle düchtigen Muslime nakòmen mott.
Mekka geld as de Stad in de de Islaam begonnen hett un de Oord, an den de islaamsche Propheet Mohammed up de Welt kam. De Hira-Hœlen buten de Stad geld as de Oord, wo Godd Muhammad den Koran verkünd het. De al-Harām -Moschee (araabsch: ٱَلْمَسْجِدُ ٱلْحَرَامُ al-Masdschid al-Harām, DMG al-masǧid al-ḥarām) med de Kaaba in’n Zentrum es de gröttste Moschee weltwied. De Moschee un Kaaba sind de hilligsten Stèden in’n Islaam un bestimmt de Richte in de Muslime weltwied bèden doot.
Muslimsche Herrscher versöchten jümmers de Stad under de Kontrolle to bringen, so dat de Stad faken den Herrscher wessele. 1925 nemen de Saudis den Hedschas un Mekka in. Sieddenn es Mekka düchtig wassen un vèèl niege Infrastruktur worde upricht, de jümmers grötteren Pilgerströme to härbärgen. Daar kemen vèle histoorsche Buwärke bi to Schande, de daalrèten worden, niege Wulkenschrapern as den Abraj al-Bait uptorichten. Vèle Stèden, de med Lèven van Mohammed oder sienen Medgesellen tohopehänget, worden ook tonichtemaket, denn de Stèden bekeek de Wahhabismus, de de Politik in Saudi-Arabien bestimmt, as Afgödderie un dat falsche Vereren van Hilligen.
Bilder
[ännern | Bornkood ännern]-
al-Harām-Moschee
-
Kaaba binnen de al-Harām-Moschee
-
Kaaba in Mekka ümme 1889
Nawiese
[ännern | Bornkood ännern]- ↑ Government statistics of Makkah in 2015 (17 November 2018).
Weblenke
[ännern | Bornkood ännern]![Wiktionary](http://178.128.105.246/host-http-upload.wikimedia.org/wikipedia/commons/thumb/c/c3/Wiktfavicon_en.svg/16px-Wiktfavicon_en.svg.png)
- Aux origines de La Mecque, le regard de l’historien par Jacqueline Chabbi, Professeur à l’université Paris VIII-Saint-Denis.
- Tage in Mekka Abdellah Hammoudi in Lettre International, LI70, Herbst 2005
- Patricia Crone: Meccan Trade and the Rise of Islam