Arteria thyroidea inferior
![](http://178.128.105.246/host-http-upload.wikimedia.org/wikipedia/commons/thumb/2/28/Thyrocervical_trunk.png/220px-Thyrocervical_trunk.png)
De Arteria thyroidea inferior („ünnere Schilddrüsenslagader“) – bi Deerten as Arteria thyroidea caudalis betekent – is en Arterie in’t Rebeet vun’n Hals. Tosamen mit de Arteria thyroidea superior, de en Twieg vun de Arteria carotis externa is, versorgt se de Schilddrüüs mit suerstoffriek Blood.
Verloop
[ännern | Bornkood ännern]De A. thyroidea inferior twiegt ut den Truncus thyrocervicalis („Schilddrüsen-Hals-Stamm“) af un verlöpt eerst an’n Musculus scalenus anterior na baven na’n Kopp to un beschrifft den en Bagen. Se löpt dorbi vör de Arteria vertebralis un dorsal to den na’n Kopp tehn Strang ut Arteria carotis communis un Nervus vagus. Wenn se an de Shcilddrüüs ankummt, geiht se an ehr Achtersiet rünner na’n ünneren Pool, woneem se denn in dat Organ ringeiht. Vun de A. thyroidea inferior twiegt butendem de Arteria laryngea inferior („ünnere Kehlkoppslagader“) af.