La vërsion stampàbil a l'é pi nen mantnùa e a peul dé d'eror. Për piasì ch'a modìfica ij preferì ëd sò navigador e ch'a deuvra anvece la funsion dë stampa normal dël navigador.
Ël pais a resta ant l'Àut Monfrà, an sle colin-e an sla riva oriental ëd la Bormia, a 11 kn da Ovà e 12 km da Àich.
Stòria
Piassa Vitòrio Emanuel II con la Tor ëd l'OrlògiLe prime sorgiss ch'a documento la stòria dël pais a armonto mach al 1224, con l'at ëd donassion dël castel a la Repùblica ëd Génoa da part dij Marchèis dël Bòsch, d'orìgin aleràmica, për arsèivlo andarera an feod. Vàire agn pì tard Morzasch a passa dai marchèis dël Bòsch a la famija Malaspin-a 'd Chermolin. Dël 1530, Violant Malaspin-a, ùltima dissendent ëd la famija, as mària col cont Gioann Batista Lodron, colonel ëd l'imperador Carl V d'orìgin trentin-a. Quand che la famija Lodron a finss soa dissendensa dël 1599, ël feod a torna al Ducà ëd Monfrà ch'a l'era goernà dai Gonsaga 'd Màntoa. Vincens I Gonsaga a vend ël feod a la famija genoèisa dij Centurion Scòt.
Ël pais a va d'apress a le sòrt dël Monfrà fin al 1708, quand ch'a passa prima al Ducà ëd Savòja ëd Vitòrio Medeo II, peui al Regn ëd Sardëgna. D'apress a l'época dla dominassion fransèisa ëd Napoleon Bon-a-part, dël 1815 Morzasch a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) d'Àich e al Mandament d'Arvàuta.