Ҳей Жуде

„Ҳей Жуде“ (таржимаси „Ҳой, Жуде“) — „Тҳе Беатлес“ инглиз гуруҳи ижро этган қўшиқ. 1968-йилнинг августида албомга киритилмаган сингл ўлароқ чиқарилган. Қўшиқ муаллифи ўлароқ Леннон–МcCартней кўрсатилган бўлса-да, уни Паул МcCартней ёзган. Тарона „Тҳе Беатлес“ гуруҳи асос солган „Аппле“ лейблида эълон қилинган илк релиздир. „Ҳей Жуде“ бир неча давлат хит-парадида биринчи поғонагача кўтарилган ва Буюк Британия, АҚШ, Австралия ва Канадада йилнинг энг кўп сотилган синглига айланган. Қўшиқ „Биллбоард Ҳот 100“ хит-парадида тўққиз ҳафта давомида биринчи поғонадан тушмаган. 1968-йилда тарона АҚШ хит-парадларида энг узоқ муддат биринчи поғонани эгаллаб турган қўшиқ ўлароқ рекорд ўрнатган. Бу рекорд тўққиз йил давомида янгиланмаган. „Ҳей Жуде“ бугунга қадар тақрибан 8 миллион ададда сотилган ва тез-тез мусиқа тақризчилари тузган тарихдаги энг яхши қўшиқлар рўйхатларига киритилади.

„Ҳей Жуде“ қўшиғини яратиш ва ёзиб олиш жараёни „Тҳе Беатлес“ гуруҳида зиддиятлар юзага келган бир пайтга тўғри келган. Сентиментал баллада ўлароқ тавсифланадиган қўшиқни дастлаб МcCартней „Ҳей Жулес“ номи билан Жоҳн Ленноннинг ўғли Жулиан Леннонни юпатиш учун ёзган. Ўша пайтда Леннон аёлини ва ўғлини ташлаб, япон санъаткори Ёко Оно билан яшай бошлаган бўлган. Қўшиқ сўзи салбий вазиятда ҳам ижобий фикрлашга чорлайди ва „Жуде“ образини меҳр-муҳаббат топиш учун изланишда давом этиша ундайди. Тўртинчи банддан кейин қўшиқнинг „На-на-на-на“ сўзлари куйланган кодаси бошланади. Кода тўрт дақиқадан ошиқ вақт давомида янграйди.

„Ҳей Жуде“ гуруҳнинг саккиз йўлакли ёзув аппаратурасида ёзиб олинган илк қўшиғидир. Тарона Лондон марказидаги „Тридент Студиос“ студиясида, „Тҳе Беатлес“ („Оқ албом“ деб ҳам номланади) албомини яратиш жараёнининг ўртасида ёзиб олинган. Қўшиқнинг гитара партияси борасида МcCартней ва Георге Ҳаррисон тортишиб қолган. Ринго Старр кейинроқ гуруҳни тарк этган, аммо „Ҳей Жуде“ сингли учун промо филм ёзиб олинишидан олдин қайтган. Клипга Мичаэл Линдсай-Ҳогг режиссёрлик қилган. Видео дастлаб Буюк Британияда Давид Фростнинг телешоуси давомида намойиш қилинган. Гуруҳ қийинчиликларга дучор бўлган бир пайтда промо филм эълон қилингани яхши кутиб олинган, чунки унда қўшиқ марказида ётувчи оптимизм ва бирдамлик руҳи тасвирланган. Промо филмда қўшиқ аъзолари кодани ижро этар экан, томошабинлар уларга жўр бўлади.

Етти дақиқадан ошиқ вақтга чўзилувчи қўшиқ ўша пайтда „Тҳе Беатлес“ чиқарган энг узун сингл бўлган^[1]. Қўшиқ аранжировкаси ва узун кодаси 1970-йилларда кўплаб асарларда тақлид қилинган. 2013-йил „Биллбоард“ журналининг хит-парадларда энг яхши натижа кўрсатган 10 қўшиқ киритилган рўйхатида „Ҳей Жуде“ қўшиғи 10-ўринни эгаллаган^[2]. МcCартней 1980-йилда Леннон қотиллигидан бери мунтазам ижро этиб келади. Одатда кодани томошабинлар жўр бўлиб куйлашади. Жулиан Леннон ва МcCартней қўшиқ яратилиши билан боғлиқ жисмларни кимошди савдоларида харид қилган.

• „Ҳей Жуде“ ЁуТубеда