Қрим уруши
Қрим уруши, Шарқий уруш — Яқин Шарқда ҳукмронлик қилиш учун Россия ва Туркия ўртасида бўлган уруш (1853—56). 1854 йил февралда Туркия Россияга қарши Буюк Британия, Франсия, Сардиния қироллиги (1855 йилдан) билан иттифоқ тузиб урушган. Асосий воқеалари: 1853-йил рус қўшинлари Молдавия ва Валахияга кириб борган ва Кавказда ғалаба қозонган, Синопда турк флотини яксон қилган; 1854-йил иттифоқчилар Қримга қўшин туширган, Болтиқ денгизи қамал қилинган, 1854—55 йилларда Севастопол мудофааси уюштирилган; 1855-йил Россия дипломатик жиҳатдан яккалаб қўйилган. Севастопол таслим бўлган, амалда ҳарбий ҳаракатлар тўхтаган. Россиянинг ҳарбий ва иқтисодий қолоқлиги унинг мағлубиятига сабаб бўлган. Қрим уруши 1856-йил Париж сулҳи билан якунланган.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |