Татра тоғлари
Татра тоғлари — Карпат тоғларидаги энг баланд тоғ массиви. Чехия, Словакия ва Полша ҳудудларида жойлашган. Узунлиги 65 км, энг баланд жойи 2655 м (ГерлоховскиШтит тоғи). Гранит, гнейс ва оҳактошлардан тузилган. Татра тоғларида алп релеф шакллари, мореналар, кар кўллари кенг тарқалган. Карст ғорлари (Беланская, Анабастрова б.) учрайди. Татра тоғлари ён бағирларида 1800 м баландликкача қорақайин, оққарағай, қарағай, тилоғоч ўрмонлари, ундан баландда бутазорлар, алп ва субалп ўтлоқлари бор. Татра миллий боғи, метеорологик расадхона ташкил қилинган. Туризм ривожланган. Курорт кўп, қишки спорт маркази.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Бу андозани аниқроғига алмаштириш керак. |