Hadriano
Hadriano (latine: Publius Aelius Hadrianus Afer[1]; naskiĝis 24-an de januaro 76 en Italiko aŭ Romo, mortis 10-an de julio 138) estis romia imperiestro ekde 117 ĝis 138.
![](http://178.128.105.246/cars-http-upload.wikimedia.org/wikipedia/commons/thumb/e/e8/%28Venice%29_Ancient_Roman_busts_in_the_Museo_archeologico_nazionale_-_Colossal_head_of_Hadrian.jpg/220px-%28Venice%29_Ancient_Roman_busts_in_the_Museo_archeologico_nazionale_-_Colossal_head_of_Hadrian.jpg)
Biografio
[redakti | redakti fonton]Li estis zorga administranto de la imperio, multe konstruigis, interalie la faman Muron de Hadriano, kaj daŭre vojaĝadis tra la imperio por prizorgi ĝin. Li ankaŭ provis fortikigi la imperian povon, kaj pro tio akiris malbonajn rilatojn kun la Senato. Li estis Ŝatanto de la helena kulturo, li provis refortigi la grekan religion, malhelpante la orientajn kultojn. Lia amo por la (vira) junulo el Bitinio, Antinoo, kaj lia ĉagreno kiam tiu mortis, instigis lin farigi statuojn de li, el kiuj kelkaj plurestis ĝis ni. Li verkis poemojn, inter ili sia onta surtomba surskribo :
Animula uagula blandula
Hospes comesque corporis
Quæ nunc abibis in loca
Pallidula rigida nudula
Nec ut soles dabis iocos
(Animeto svagaĵeto, blankaĵeto
Gasto kaj kunulo de mia korpo
Kiu baldaŭ foriros en lokojn
Palajn rigidajn kaj nudaj
Tie vi ne kiel kutime spritos)
Same kiel Trajano li ne havis infanon, kaj adoptis la de li elektitan posteulon Aurelius Antoninus, plej konata de ni kiel Antonino Pia.
Beletre, la franca beletristino Marguerite Yourcenar, imagis la memorlibron, kiun li povus esti skribinta, kaj verkis la Mémoires d'Hadrien.
Antaŭe: | Romiaj imperiestroj | Poste: |
---|---|---|
Trajano (98 - 117) | 117 - 138 | Antonino Pia (138 - 161) |
Bildaro
[redakti | redakti fonton]Vidu ankaŭ
[redakti | redakti fonton]Referencoj
[redakti | redakti fonton]- ↑ Hadrian and the Triumph of Rome; Anthony Everitt 2009
Eksteraj ligiloj
[redakti | redakti fonton]- http://www.roman-emperors.org/hadrian.htm
- http://penelope.uchicago.edu/Thayer/L/Roman/Texts/Historia_Augusta/Aelius*.html
- http://lx.home.dpx.nl/mb/subAdoptN.html#Hadrianus Arkivigite je 2005-09-01 per la retarkivo Wayback Machine
- http://www.adam-carr.net/antinousindex.html Arkivigite je 2009-08-04 per la retarkivo Wayback Machine
|