Alþingiskosningar 2017
Alþingiskosningar voru boðaðar haustið 2017 eftir að ríkisstjórn Sjálfstæðisflokks, Viðreisnar og Bjartrar framtíðar klofnaði þann 15. september í kjölfar hneykslismála vegna uppreistar æru kynferðisafbrotamanna.[1] Björt framtíð ákvað að yfirgefa stjórnarsamstarfið, í yfirlýsingu var ástæðan sögð „alvarlegur trúnaðarbrestur innan ríkisstjórnarinnar“.[2] Ríkisstjórnin hafði aðeins setið í um ár, eða frá Alþingiskosningum 2016.
![]() | |||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
63 sæti á Alþingi 32 sæti þarf fyrir meirihluta | |||||||||||||||||||||||||||||||||||||||||||||||||||||||
Kjörsókn: 201.781 (81.2% ![]() | |||||||||||||||||||||||||||||||||||||||||||||||||||||||
Hér eru skráðir þeir flokkar sem náðu manni á þing.
|
![](http://178.128.105.246/cars-http-upload.wikimedia.org/wikipedia/commons/thumb/7/7c/Althingiskosningar_2017_utankjorfunda.jpg/220px-Althingiskosningar_2017_utankjorfunda.jpg)
Kosningar voru haldnar þann 28. október.[3] Þetta voru 23. kosningar til Alþingis frá lýðveldisstofnun. Að loknum kosningum mynduðu Vinstri hreyfingin grænt framboð, Sjálfstæðisflokkur og Framsóknarflokkur ríkisstjórn undir forystu Katrínar Jakobsdóttur.
Framboð
breytaSjö flokkar áttu fulltrúa á þingi sem buðu fram í kosningunum og voru þeir: Sjálfstæðisflokkurinn, Samfylkingin, Björt framtíð, Framsóknarflokkurinn, Viðreisn, Vinstrihreyfingin - grænt framboð og Píratar. Framboð sem ekki áttu fulltrúa á þingi en buðu fram voru: Dögun, Íslenska þjóðfylkingin, Flokkur fólksins, Miðflokkurinn og Alþýðufylkingin.
Alþýðufylkingin
breytaAlþýðufylkingin bauð fram í þriðja sinn. Flokkurinn hefur aldrei fengið fulltrúa á þing og hlaut 0,3% atkvæða í alþingiskosningunum árið 2016. Um miðjan september árið 2017 þegar ljóst varð að kosningar væru framundan, biðlaði Alþýðufylkingin til stuðningsfólks síns að leggja hönd á plóg og bjóða sig fram undir þeirra formerkjum.[4] Alþýðufylkingin bauð fram í fjórum kjördæmum, Reykjavíkurkjördæmi norður, Reykjavíkurkjördæmi suður, Norðausturkjördæmi og Suðvesturkjördæmi. Degi fyrir kosningarnar sendi Alþýðufylkingin út yfirlýsingu og fordæmdi þau vinnubrögð RÚV að bjóða ekki formanni Alþýðufylkingarinnar að taka þátt í leiðtogakappræðum sama dag.[5]
Björt framtíð
breytaBjört framtíð bauð fram í þriðja sinn. Flokkurinn hlaut 8,2% atkvæða og 6 þingmenn kjörna í alþingiskosningunum árið 2016 og tók í kjölfarið sæti í ríkisstjórn.[6] Flokkurinn bauð fram í öllum kjördæmum.
Dögun
breytaDögun bauð fram í þriðja sinn. Flokkurinn hefur aldrei fengið kjörna fulltrúa á þing og hlaut 1,7% atkvæða í kosningunum árið 2016. Dögun tilkynnti 1. október að hún mundi ekki bjóða fram á landsvísu en eftirléti svæðisfélögum að bjóða fram T-lista ef þau vildu. Dögun bauð fram í einu kjördæmi, Suðurkjördæmi.[7]
Flokkur fólksins
breytaFlokkur fólksins bauð fram í annað sinn. Í alþingiskosningunum árið 2016 hlaut flokkurinn 3,5% atkvæða og náði ekki mönnum á þing. Flokkurinn bauð fram í öllum kjördæmum.[8]
Framsóknarflokkurinn
breytaFramsóknarflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 11,5% í alþingiskosningunum árið 2016 og 8 þingmenn kjörna. Flokkurinn bauð fram í öllum kjördæmum.
Miðflokkurinn
breytaMiðflokkurinn, nýtt stjórnmálaafl Sigmunds Davíðs Gunnlaugssonar, bauð fram í öllum kjördæmum.[9][10]
Vinstri græn
breytaVinstri græn buðu fram í sjöunda sinn. Landsfundur Vinstri grænna var haldinn helgina 6.-8. október.[11] Hreyfingin fékk 15,9% atkvæða í alþingiskosningunum árið 2016 og 10 menn kjörna. Flokkurinn bauð fram í öllum kjördæmum.
Píratar
breytaPíratar buðu fram í þriðja sinn. Flokkurinn fékk 14,5% atkvæða í alþingiskosningunum árið 2016 og 10 menn á þing. Píratar tilkynntu um úrslit prófkjara 30. september. Píratar buðu fram í öllum kjördæmum.[12]
Samfylkingin
breytaSamfylkingin bauð fram í sjöunda sinn. Flokkurinn galt afhroð í alþingiskosningunum árið 2016 og fékk 5,7% atkvæða og þrjá þingmenn. Listar Samfylkingarinnar fyrir Reykjavíkurkjördæmin voru tilkynntir 30. september.[13] Flokkurinn bauð fram í öllum kjördæmum.
Sjálfstæðisflokkurinn
breytaSjálfstæðisflokkurinn hefur tekið þátt í öllum 23 Alþingiskosningum sem farið hafa fram frá lýðveldisstofnun. Flokkurinn fékk 29,% í alþingiskosningunum árið 2016 og 23 þingmenn kjörna. Flokkurinn bauð fram í öllum kjördæmum.
Viðreisn
breytaViðreisn bauð fram í annað sinn. Flokkurinn fékk 10,5% atkvæða í alþingiskosningunum og 7 þingmenn kjörna.[14] Flokkurinn bauð fram í öllum kjördæmum.
Framboð sem ekki buðu fram
breytaSósíalistaflokkur Íslands sem varð til þann 1. maí á sama ári ákvað á almennum félagsfundi að bjóða ekki fram.[15]
Íslenska þjóðfylkingin hafði tilkynnt framboð og skilað inn meðmælendalistum þegar í ljós kom að sumar undirskriftir voru falsaðar. Í kjölfarið voru listarnir afturkallaðir, hætt við framboðin og hlutaðeigandi tilkynntir til lögreglu. [1] [2] [3]
Skoðanakannanir
breytaSkoðanakannanir í aðdraganda kosninganna sýndu Vinstri græna og Sjálfstæðisflokkinn sterkustu flokkana. [4] [5] [6] [7] [8] Geymt 8 ágúst 2020 í Wayback Machine
Í könnun sem Félagsvísindastofnun birti þann 7. október eða tæpum þremur vikum fyrir kosningar, kom fram að VG var stærsti flokkurinn með 29% fylgi, en Sjálfstæðisflokkurinn með 24% fylgi.[16]
Úrslit kosninganna
breytaFlokkur | Atkvæði | % | Fulltrúar | +/– | |
---|---|---|---|---|---|
Sjálfstæðisflokkurinn (D) | 49.548 | 25,25 | 16 | -5 | |
Vinstri græn (V) | 33.156 | 16,89 | 11 | +1 | |
Samfylkingin (S) | 23.654 | 12,05 | 7 | +4 | |
Miðflokkurinn (M) | 21.337 | 10,87 | 7 | +7 | |
Framsóknarflokkurinn (B) | 21.017 | 10,71 | 8 | – | |
Píratar (P) | 18.053 | 9,20 | 6 | -4 | |
Flokkur fólksins (F) | 13.502 | 6,88 | 4 | +4 | |
Viðreisn (C) | 13.122 | 6,69 | 4 | -3 | |
Björt framtíð (A) | 2.394 | 1,22 | 0 | -4 | |
Alþýðufylkingin (R) | 375 | 0,19 | 0 | – | |
Dögun (T) | 101 | 0,05 | 0 | – | |
Samtals | 196.259 | 100,00 | 63 | – | |
Gild atkvæði | 196.259 | 97,26 | |||
Ógild atkvæði | 709 | 0,35 | |||
Auð atkvæði | 4.813 | 2,39 | |||
Heildarfjöldi atkvæða | 201.781 | 100,00 | |||
Kjósendur á kjörskrá | 248.485 | 81,20 | |||
Heimild: Hagstofa Íslands |
Úrslit í einstökum kjördæmum
breytaKjördæmi | D | V | S | M | B | P | F | C |
---|---|---|---|---|---|---|---|---|
Reykjavík N | 22,6 | 21,5 | 12,8 | 7,0 | 5,3 | 13,6 | 7,1 | 8,4 |
Reykjavík S | 22,8 | 18,9 | 13,0 | 7,6 | 8,1 | 11,4 | 8,2 | 8,5 |
Suðvestur | 30,9 | 13,6 | 12,1 | 9,5 | 7,9 | 8,3 | 6,5 | 9,5 |
Norðvestur | 24,5 | 17,8 | 9,7 | 14,2 | 18,4 | 6,8 | 5,3 | 2,5 |
Norðaustur | 20,3 | 19,9 | 13,9 | 18,6 | 14,3 | 5,5 | 4,3 | 2,1 |
Suður | 25,2 | 11,8 | 9,6 | 14,3 | 18,6 | 7,1 | 8,9 | 3,1 |
Kjördæmi | D | V | S | M | B | P | F | C |
---|---|---|---|---|---|---|---|---|
Reykjavík N | 3 | 3 | 1 | 0 | 0 | 2 | 1 | 1 |
Reykjavík S | 2 | 2 | 1 | 1 | 1 | 2 | 1 | 1 |
Suðvestur | 4 | 2 | 1 | 1 | 1 | 1 | 1 | 2 |
Norðvestur | 2 | 1 | 1 | 2 | 2 | 0 | 0 | 0 |
Norðaustur | 2 | 2 | 2 | 2 | 2 | 0 | 0 | 0 |
Suður | 3 | 1 | 1 | 1 | 2 | 1 | 1 | 0 |
Umfjöllun erlendis
breytaFjölmiðlar erlendis lögðu áherslu á óstöðugleika í íslenskum stjórnmálum þar sem þetta voru aðrar kosningar á aðeins ársbili sem haldnar væru á Íslandi eftir fall ríkisstjórnar.[17][18][19][20]
Tilvísanir
breyta- ↑ „Björt framtíð slítur stjórnarstarfi“.
- ↑ „BJÖRT FRAMTÍÐ SLÍTUR RÍKISSTJÓRNARSAMSTARFI“.
- ↑ Útlit fyrir kosningar 28. október. Rúv, skoðað 17. september, 2017.
- ↑ „Alþýðufylkingin býr sig undir kosningar“.
- ↑ „Yfirlýsing Alþýðufylkingarinnar vegna kosningaumfjöllunar 2017“.
- ↑ „Listarnir 2017 - Björt framtíð“.
- ↑ „Framboðslisti Suðurkjördæmi“.
- ↑ „Inga og Ólafur leiði listann í Reykjavík“.
- ↑ „Flokkur Sigmundar heitir Miðflokkurinn og býður fram undir X-M“.
- ↑ „Framboðslistar“.
- ↑ Landsfundur VG
- ↑ „Úrslit úr öllum prófkjörum Pírata“.
- ↑ „Helga Vala og Ágúst Ólafur leiða í Reykjavík“.
- ↑ „Framboðslisti Viðreisnar í Norðvesturkjördæmi“.
- ↑ „Sósíalistaflokkurinn býður ekki fram“.
- ↑ „Fylgi flokka þegar mánuður er til kosninga“.
- ↑ „Iceland set for second snap election in a year after series of scandals“. Guardian. 2017.
- ↑ „Everything you need to know about Iceland's election“. Al Jazeera.
- ↑ „Icelanders May Look Beyond Scandal to Vote With Their Wallets“. Bloomberg.
- ↑ Wolfgang Hansson. „Nordens Nordkorea?“. Aftonbladet.
Tenglar
breyta- Fréttir tengdar kosningunum á mbl.is
- Fréttir tengdar kosningunum á ruv.is Geymt 9 október 2017 í Wayback Machine
- Fréttir tengdar kosningunum á visir.is
- Kosningasaga - upplýsingavefur um kosningar á Íslandi
Fyrir: Alþingiskosningar 2016 |
Alþingiskosningar | Eftir: Alþingiskosningar 2021 |