Norðvesturkjördæmi
Norðvesturkjördæmi er eitt af kjördæmum Íslands. Það er fámennasta kjördæmið og hefur átta sæti á Alþingi, þar af eitt jöfnunarsæti. Kjördæmið varð til þegar fyrrverandi kjördæmin Vesturland, Vestfirðir og Norðurland vestra voru sameinuð með nýrri kjördæmaskipan árið 2000 með þeirri undantekningu að Siglufjörður sem áður tilheyrði Norðurlandi vestra tilheyrir nú Norðausturkjördæmi. Fyrst var kosið samkvæmt nýrri kjördæmaskipan í Alþingiskosningum 2003.
![]() | |
Þingmenn
|
|
---|---|
Mannfjöldi | 31.405 (2021) |
Sveitarfélög | 22 |
Kjósendur
|
|
Kjörsókn | 82% (2021) |
Núverandi þingmenn | |
Upphaflega var fjöldi þingsæta í kjördæminu ákveðinn 10 sæti en fjöldi á kjörskrá á bak við hvern þingmann var aðeins 2.150 í kosningunum 2003 sem var meira en helmingi minna en í Suðvesturkjördæmi þar sem sami fjöldi var 4.440. Fluttist því eitt þingsæti frá Norðvesturkjördæmi til Suðvesturkjördæmis fyrir Alþingiskosningarnar 2007 í samræmi við ákvæði í kosningalögunum. Sama staða kom upp í kjölfar Alþingiskosninganna 2009 en þá var fjöldi kjósenda á bak við hvern þingmann kjördæmisins 2.366 á meðan þeir voru 4.850 í Suðvesturkjördæmi. Fluttist því eitt þingsæti til viðbótar frá Norðvesturkjördæmi til Suðvesturkjördæmis fyrir Alþingiskosningarnar 2013 í samræmi við ákvæði í kosningalögum.
Sveitarfélög
breytaEftirfarandi sveitarfélög eru í Norðvesturkjördæmi: Akraneskaupstaður, Hvalfjarðarsveit, Skorradalshreppur, Borgarbyggð, Eyja- og Miklaholtshreppur, Snæfellsbær, Grundarfjarðarbær, Stykkishólmsbær, Dalabyggð, Reykhólahreppur, Vesturbyggð, Bolungarvíkurkaupstaður, Ísafjarðarbær, Súðavíkurhreppur, Árneshreppur, Kaldrananeshreppur, Strandabyggð, Húnaþing vestra, Húnabyggð, Sveitarfélagið Skagaströnd og Sveitarfélagið Skagafjörður.
Kosningatölfræði
breytaKosningar | Kjósendur á kjörskrá |
Breyting | Greidd atkvæði |
Kjörsókn | Utankjörfundar- atkvæði |
Þingsæti | Kjósendur á hvert þingsæti |
Vægi[1] | |
---|---|---|---|---|---|---|---|---|---|
Fjöldi | Hlutfall greiddra | ||||||||
2003 | 21.247 | á ekki við | 18.984 | 89,3% | 1.690 | 8,9% | 10 | 2.125 | 158% |
2007 | 21.126 | 121 | 18.178 | 86,0% | 2.735 | 15,0% | 9 | 2.347 | 150% |
2009 | 21.293 | 167 | 18.214 | 85,5% | 2.450 | 13,5% | 9 | 2.366 | 153% |
2013 | 21.318 | 25 | 17.825 | 83,6% | 3.145 | 17,6% | 8 | 2.665 | 142% |
2016 | 21.481 | 163 | 17.444 | 81,2% | 3.149 | 18,1% | 8 | 2.685 | 146% |
2017 | 21.521 | 40 | 17.872 | 83,0% | 3.483 | 19,5% | 8 | 2.690 | 147% |
2021 | 21.548 | 27 | 17.669 | 82,0% | - | - | 8 | 2.694 | 150% |
[1] Vægi atkvæða í Norðvesturkjördæmi miðað við vægi atkvæða á landsvísu. | |||||||||
Heimild: Hagstofa Íslands |