Panguwaban
Panguapan utawa evaporasi iku prosès owah-owahan molekul sajeroning kaanan cuwèr (contoné banyu) kanthi spontan dadi gas (contoné uwab banyu). Prosès iki walikan saka kondhènsasi. Lumrahé panguapan bisa dideleng saka ilangé cuwèran kanthi alon-alon nalika kapapar gas mawa volume signifikan.
![](http://178.128.105.246/cars-http-upload.wikimedia.org/wikipedia/commons/thumb/3/37/Watervapor_cup.jpg/220px-Watervapor_cup.jpg)
Rata-rata molekul ora duwé ènèrgi kang cukup kanggo ucul saka cuwèran. Yèn ora cuwèran bakal owah dadi uwab kanthi rikat. Nalika molekul-molekul silih tumbukan, molekul-melokul mau silih ijol ènèrgi sajeroning manéka drajat, gumantung kepriyé anggoné tumbukan. Sok-sok transfer ènèrgi iki abot sisih banget, saéngga salah siji molekul olèh ènèrgi kang cukup kanggo nembus titik umub cuwèran. Yèn iki dumadi ing cerak lumahing cuwèran molekul mau bisa mabur sajeroning gas lan "nguap"
Ana cuwèran kang katoné ora nguap ing suhu tinentu sajeroning gas tinentu (contoné lenga pangan ing suhu kamar). Cuwèran kaya ngéné iki duwé molekul-molekul kang cenderung ora nglantaraké ènèrgi siji lan sijiné sajeroning pola kang cukup kanggo mènèhi siji molekul "kacepetan lepas" - ènèrgi panas - kang diperlokaké kanggo owah dadi uwab. Nanging cuwèran kaya iki sejatèiné nguap, mung waé prosèsé adoh luwih alon lan mula iku ora katon.
Panguapan iku pérangan èsènsial saka siklus banyu. Ènèrgi srengéngé nggerakaké panguapan banyu saka samodra, tlaga, embun lan sumber banyu liyané. Sajeroning hidrologi panguapan lan transpirasi (kang nglibataké panguapan ing njero stomata tetuwuhan) kanthi kolèktif diistilahaké minangka evapotranspirasi.
Pranala njaba
besut- Penguapan banyu Archived 2008-06-12 at the Wayback Machine.
- Artikel MSN Encarta ngenani penguapan Archived 2008-02-14 at the Wayback Machine.
Dari | Ke | |||
Padhet | Cuwèr | Gas | Plasma | |
---|---|---|---|---|
Padhet | N/A | Mencair | Nyublim | - |
Cair | Mbeku | N/A | Nguap | - |
Gas | Ngristal | Ngembun | N/A | Ionisasi |
Plasma | - | - | Rekombinasi/Deionisasi | N/A |
Artikel fisika iki minangka artikel rintisan. Kowé bisa ngéwangi Wikipédia ngembangaké. |